Expediente: IN407A 2022/367-4.

Promotora: UFD Distribución Electricidad, S.A.

Denominación: LMTS MOS707 e CT en Louriño.

Concello: Mos.

Feitos:

1. O 28.2.2023, este departamento territorial ditou unha resolución de autorización administrativa previa, declaración, en concreto, de utilidade pública e a necesidade da urxente ocupación que leva implícita e de autorización administrativa de construción dunha instalación eléctrica no concello de Mos (expediente IN407A 2022/367-4).

A relación de bens e dereitos afectados pola que se ditou a declaración de utilidade é a que a seguir se indica:

Nº	Lugar	Cultivo	Referencia catastral	Titular	Apoio/CT		Afeccións
					Nº	m2	ml sub.	m2 sub.
1	Namelas	Urbano	36033A031060090001DT	Alejandro Estévez Lugo	CT	16,81	1	4,10

2. O 15.2.2024, UFD achegou unha relación de bens e dereitos afectados actualizada, debido a que o Concello de Mos solicitou un recuamento de 4 metros do centro de transformación con relación á beirarrúa. As novas afeccións son as seguintes:

Nº	Lugar	Cultivo	Referencia catastral	Titular	Apoio/CT		Afeccións
					Nº	m2	ml sub.	m2 sub.
1	Namelas	Urbano	36033A031060090001DT	Alejandro Estévez Lugo	CT	16,81	2	8,10

3. O 20.2.2024, este departamento territorial requiriulle á empresa promotora un proxecto modificado que se recolle os cambios solicitados polo Concello de Mos.

4. O 5.3.2024, UFD presentou un anexo ao proxecto de execución asinado pola enxeñeira técnica industrial Herminia López Caamaño, colexiada 4598 do Colexio de Enxeñeiros Técnicos Industriais de Vigo.

Examinado o anexo, este recolle un incremento da lonxitude da liña de media tensión subterránea de 4 metros, debido ao recuamento do centro de transformación, o que provoca unha variación da servidume de 4,10 m2 iniciais a 8,10 m2, cuxo único afectado é o titular da parcela con referencia catastral 36033A031060090001DT. As demais características mantéñense sen cambios.

5. Mediante escritos do 2.5.2024, este departamento territorial notificoulle a solicitude de modificación da autorización administrativa previa, a autorización administrativa de construción e a declaración de utilidade pública da referida instalación eléctrica á única persoa que figura afectada pola declaración de utilidade pública na relación de bens e dereitos achegada pola empresa promotora.

Como non foi posible efectuarlle a notificación á persoa titular da parcela afectada, publicáronse os correspondentes anuncios no Diario Oficial de Galicia do 16.5.2024 e no taboleiro de edictos único do Boletín Oficial del Estado do 21.5.2024, co fin de realizar a notificación por comparecencia.

Durante o período de dez días establecido, a persoa titular non compareceu.

Consideracións legais e técnicas:

1. O Departamento Territorial de Pontevedra é competente para resolver este expediente con fundamento no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG nº 101, do 27 de maio), e no Decreto 9/2017, do 12 de xaneiro, polo que se establecen os órganos competentes para resolver os procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro).

2. A lexislación de aplicación ao presente expediente é:

– Lei 24/2013, do 26 de decembro, do sector eléctrico.

– Lei 39/2015, do 1 de outubro, do procedemento administrativo común das administracións públicas.

– Lei 40/2015, do 1 de outubro,de réxime xurídico do sector público.

– Lei 3/2007, do 9 de abril, de prevención e defensa contra os incendios forestais de Galicia.

– Lei do 16 de decembro de 1954, sobre expropiación forzosa.

– Lei 9/2021, do 25 de febreiro, de simplificación administrativa e de apoio á reactivación económica de Galicia.

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

– Real decreto lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Decreto do 26 de abril de 1957 polo que se aproba o Regulamento da Lei de expropiación forzosa.

3. As características técnicas finais da instalación son as que a seguir se describen:

– Liña de media tensión subterránea (LMTS) a 15 kV, con condutor tipo RHZ1, de 772 metros de lonxitude, con orixe no centro de transformación Louriño (36CJH4) e final no centro de transformación proxectado.

– Centro de transformación (CT) a 250 kVA, con relación 15 kV/400 V, situado na parcela con referencia catastral 36033A031060090001DT, en Louriño, no concello de Mos (Pontevedra).

Conforme ao indicado,

RESOLVO:

1. Outorgarlle á empresa UFD Distribución Electricidad, S.A. a modificación das autorizacións administrativas previa e de construción da instalación de distribución de enerxía eléctrica denominada LMTS MOS707 e CT en Louriño, expediente IN407A 2022/367-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

2. Declarar a extensión da utilidade pública, en concreto, da citada instalación eléctrica, o que leva implícito a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

3. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que se manterán sempre as condicións regulamentarias de seguridade. Deberanse cumprir en todo momento as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

4. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a execución. Unha vez constituídas estas instalacións, a empresa promotora deberá presentar a solicitude de autorización de explotación ante este departamento territorial acompañada da seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado de dirección final de obra en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

5. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.

6. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra esta resolución, que non é definitiva na vía administrativa, poderase interpor recurso de alzada ante a conselleira de Economía e Industria da Xunta de Galicia no prazo dun mes, contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que as persoas interesadas poidan interpor calquera outro recurso que consideren pertinente.

Pontevedra, 21 de outubro de 2024

Beatriz López del Olmo
Directora territorial de Pontevedra

ANEXO

Relación de bens e dereitos afectados, Concello de Mos

Nº	Lugar	Clase	Referencia catastral	Titular	Apoio/CT		Afeccións
					Nº	m2	ml sub.	m2 sub.
1	Namelas	Urbano	36033A031060090001DT	Alejandro Estévez Lugo	CT	16,81	2	8,10