A Deputación Provincial da Coruña, na sesión plenaria extraordinaria e urxente que tivo lugar o 28 de xuño de 2024, adoptou o seguinte acordo:
«17. Aprobación da aceptación da delegación de competencias do Concello de Tordoia (instrución de expedientes sancionadores por infraccións de tráfico e a súa recadación voluntaria e executiva).
1. Aceptar a delegación das competencias acordada polo Concello de Tordoia en relación coa seguinte materia:
Instrución dos expedientes sancionadores por denuncias cursadas polo Concello por infraccións das normas sobre tráfico, circulación de vehículos a motor e seguridade viaria, así como a súa recadación tanto en período voluntario como executivo.
2. A delegación entrará en vigor unha vez sexa publicado este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia e as bases para a prestación de servizos en materia de sancións por infracción das normas de tráfico, circulación de vehículos a motor e seguridade viaria, aprobadas para o efecto por esta deputación provincial».
O que se fai público para xeral coñecemento.
A Coruña, 31 de xullo de 2024
|
O presidente da Deputación Provincial da Coruña |
Amparo Taboada Gil |