Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 27 de novembro de 2024, en relación co deslindamento parcial entre as comunidades de montes veciñais en man común de Aguasantas (concello de Cotobade) e Laxioso (concello de Ponte Caldelas), ao respecto da estrema común dos seus montes (expediente DC22030).

Feitos:

Primeiro. O 26.9.2022, o presidente da comunidade de montes veciñais en man común (en diante, CMVMC) de Aguasantas presenta no rexistro electrónico da Xunta de Galicia co núm. de entrada 2022/2359337 solicitude de deslindamento entre a CMVMC de Aguasantas (Cotobade) e a CMVMC de Laxioso (Ponte Caldelas).

Os montes veciñais en man común (en diante, MVMC) afectados por este deslinde son:

– MVMC de Aguasantas (ID Monte: 2582) da CMVMC de Aguasantas.

– MVMC de Laxioso (ID Monte: 3061) da CMVMC de Laxioso.

Segundo. Consta no expediente a seguinte documentación do deslindamento consonte o artigo 53 da Lei 7/2012:

• Acta do deslindamento o 6.3.2022.

• Acta de conciliación núm. 57/2022 entre as comunidades no Xulgado de Paz de Ponte Caldelas o 6.10.2022.

• Certificado do secretario da CMVMC de Aguasantas coa conformidade do presidente do 28.7.2024 da aprobación en asemblea do 6.4.2024.

• Certificado do secretario da CMVMC de Laxioso coa conformidade do presidente do 18.4.2024 da aprobación en asemblea do 4.4.2022.

• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 9.6.2024 pola enxeñeira de montes colexiada núm. 2275. As emendas realizadas producen a modificación da mesma.

• Informe de validación gráfica catastral CSV: 0PX77Q1WNBWG0YZ3, K3JRDEDWAQMWVXRV (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial de Catastro.

Terceiro. A liña de deslindamento proposta ten unha lonxitude de 2.220 metros e está composta polos seguintes puntos:

Punto P.01: x: 542.014,58 y: 4.696.593,09

Punto P.02: x: 542.153,63 y: 4.696.501,81

Punto P.03: x: 542.455,29 y: 4.696.280,20

Punto P.04: x: 542.543,90 y: 4.696.240,47

Punto P.05: x: 542.817,77 y: 4.696.125,85

Punto P.06: x: 542.902,54 y: 4.696.087,62

Punto P.07: x: 543.758,80 y: 4.695.728,42

Punto P.08: x: 543.704,31 y: 4.695.737,94

Punto P.09: x: 543.798,15 y: 4.695.764,76

Punto P.10: x: 544.011,69 y: 4.695.840,60

No traballo de gabinete establécense 1 punto de deslindamento secundario (P.09 bis) para respectar o dominio público da estrada, polo que neste tramo non existe colindancia entre ambos os montes (o deslindamento realizarase coa Administración competente).

Punto P.09 bis: x: 543.812,20 y: 4.695.769,75

Revisada a cartografía das resolucións de clasificación de ambos os MVMC detéctase que existe colindancia entre ambas coa excepción dun tramo entre o punto 1 e o punto 3, onde o esbozo da CMVMC de Aguasantas é colindante co esbozo da CMVMC de Caldelas. Neste tramo queda xustificada a colindancia pola conformidade do 16.4.2024 da CMVMC de Caldelas ao deslindamento en trámite.

O deslindamento está formado por dous tramos:

Tramo 1: punto 1-punto 9

Tramo 2: punto 9 bis-punto 10

A liña do deslindamento practicamente respecta a liña do Instituto Xeográfico Nacional entre os concellos de Cerdedo-Cotobade e Ponte Caldelas.

A liña do deslindamento produce modificacións na cartografía dos esbozos de clasificación. A CMVMC de Aguasantas presenta RE22067 e a CMVMC de Laxioso realiza un axuste para que o deslindamento sexa coincidente no punto inicial e final coa planimetría existente.

O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.

Consideracións legais e técnicas:

Primeira. Esta resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.

Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

De acordo cos feitos e consideracións legais e técnicas expostos, o Xurado por unanimidade dos seus membros,

ACORDA:

Aprobar o deslindamento parcial realizado entre a CMVMC de Aguasantas (Cotobade) e a CMVMC de Laxioso (Ponte Caldelas) respecto da súa estrema común nos termos indicados no feito terceiro.

Contra esta resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Pontevedra, 13 de decembro de 2024

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra