Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 27 de novembro de 2024, en relación co deslindamento parcial entre as comunidades de montes veciñais en man común de Mourentán (Arbo) e Cerdeiras (As Neves), ao respecto da estrema común dos seus montes (expediente DC22099).
Feitos:
Primeiro. O 29.9.2022, o presidente da comunidade de montes veciñais en man común (en diante, CMVMC) de Mourentán presenta no rexistro electrónico da Xunta de Galicia co núm. de entrada 2022/2394364 solicitude de deslindamento entre a CMVMC de Mourentán (Arbo) e a CMVMC de Cerdeiras (As Neves).
Os montes veciñais en man común (en diante, MVMC) afectados por este deslindamento son:
– MVMC de Mourentán (ID monte: 2446) da CMVMC de Mourentán.
– MVMC de Cerdeiras (ID monte: 2920) da CMVMC de Cerdeiras.
Segundo. Consta no expediente a seguinte documentación do deslindamento consonte o artigo 53 da Lei 7/2012:
• Acta do deslindamento o 12.7.2022.
• Acta de conciliación núm. 7/2022 entre as comunidades no Xulgado de Paz de Arbo o 15.11.2022.
• Certificado do secretario da CMVMC de Mourentán coa conformidade do presidente do 19.9.2022 da aprobación na Asemblea do 18.9.2022.
• Certificado do secretario da CMVMC de Cerdeiras coa conformidade do presidente do 10.7.2023 da aprobación na Asemblea do 14.8.2022.
• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 26.9.2022 pola enxeñeira técnica forestal colexiada núm. 6318 do COETF de Galicia.
Terceiro. O punto de deslindamento proposto é o seguinte:
Punto P.01- x: 553.446,58 y: 4.666.712,45
Revisada a cartografía das resolucións de clasificación de ambos os MVMC detéctase que non existe colindancia entre ambas as comunidades. O dito punto queda xustificado polos expedientes de revisión de esbozo da CMVMC de Mourentán (RE 22064) e da CMVMC de Cerdeiras (RE22012).
O punto de deslindamento produce modificacións na cartografía dos esbozos de clasificación. Os expedientes de revisión de esbozo RE22064 e RE22012 xa recollen o actual punto de deslindamento.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. Esta resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Mourentán (Arbo) e a CMVMC de Cerdeiras (As Neves) respecto da súa estrema común nos termos indicados no feito terceiro.
Contra esta resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 da Lei 39/2015, do 1 de outubro, do procedemento administrativo común das administracións públicas e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 18 de decembro de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común