Advertidos erros na citada resolución, publicada no Diario Oficial de Galicia número 243, do 18 de decembro de 2024, cómpre realizar as seguintes correccións.

Na páxina 66222, onde di:

«Sexto. Proxecto e-Twinning

O profesorado participante en proxectos e-Twinning poderá pedir o recoñecemento como horas de formación permanente do profesorado xuntando certificación segundo o anexo V, ao cal deberá anexar unha memoria da actividade que inclúa relación de obxectivos que ten que acadar e evidencias que sustenten o proxecto. Os proxectos que acrediten mediante copia compulsada ter recibido o selo de calidade nacional ou europeo estarán exentos da entrega da memoria da actividade. Aqueles proxectos que acheguen acreditación de ter obtido o selo de calidade nacional con máis de 18 puntos terán recoñecemento en horas de innovación».

Debe dicir:

«Sexto. Proxectos e-Twinning

O profesorado participante en proxectos e-Twinning poderá pedir o recoñecemento como horas de formación permanente do profesorado achegando documentación xustificativa por vía electrónica segundo as instrucións que publique o Servizo de Programas de Formación no portal educativo e anexando unha memoria da actividade que inclúa a relación de obxectivos que ten que acadar e evidencias que sustenten o proxecto.

Os proxectos que acrediten mediante copia compulsada ter recibido o selo de calidade nacional ou europeo estarán exentos da entrega da memoria da actividade. Aqueles proxectos que acheguen acreditación de ter obtido o selo de calidade nacional con máis de 18 puntos terán recoñecemento en horas de innovación».