Asunto: proxecto de expropiación forzosa, polo procedemento de taxación conxunta, dos bens e dereitos que se precisa ocupar para a execución do proxecto construtivo do apartadoiro ferroviario na plataforma loxística-industrial Salvaterra de Miño-As Neves.

Concellos: Salvaterra de Miño e As Neves.

Promotor: condominio formado por: Zona Franca de Vigo, Autoridade Portuaria de Vigo e Xunta de Galicia.

Órgano expropiante: Dirección Xeral de Estratexia industrial e Solo Empresarial-Consellería de Economía e Industria.

Antecedentes:

Primeiro. O Consello da Xunta de Galicia, mediante o Acordo do 6 de maio de 2024, acordou a aprobación definitiva da modificación puntual número 2 do proxecto sectorial para a implantación da plataforma loxística industrial Salvaterra-As Neves (en diante, Plisan). Mediante a Resolución do 13 de xuño de 2024, do Instituto Galego da Vivenda e Solo (en diante, IGVS), fíxose pública a dita aprobación definitiva (DOG núm. 118, do 19 de xuño). Esta modificación recolle a superficie necesaria para a execución do proxecto construtivo de apartadoiro ferroviario na Plisan.

Segundo. O proxecto sectorial para a implantación da Plisan aprobouse no ámbito de aplicación da Lei 10/1995, do 23 de novembro, de ordenación do territorio de Galicia, normativa derrogada actualmente pola Lei 1/2021, do 8 de xaneiro, de ordenación do territorio de Galicia. A aprobación desta segunda modificación do proxecto sectorial mencionado levaba implícita a declaración da utilidade pública e interese social das obras, instalacións e servizos previstos, así como a necesidade de ocupación; para os efectos de expropiación dos bens e dereitos necesarios para a súa execución, establécese como sistema de xestión a expropiación forzosa.

Terceiro. O condominio formado pola Zona Franca de Vigo, a Autoridade Portuaria de Vigo e a Xunta de Galicia son as entidades promotoras da Plisan. Na expropiación actúa a Dirección Xeral de Estratexia Industrial e Solo Empresarial como órgano exprópiante. De acordo co artigo 20, letra g), do Decreto 140/2024, do 20 de maio, polo que se establece a estrutura orgánica da Consellería de Economía e Industria, correspóndelle á Dirección Xeral de Estratexia Industrial e Solo Empresarial a adquisición de solo por calquera título, mesmo por expropiación forzosa, dos terreos destinados á formación de reservas de solo, preparación de soares, dotacións e equipamento, para o desenvolvemento e a xestión da política de solo empresarial. En consecuencia, todas as referencias ao IGVS como órgano expropiante con esta finalidade agora deben entenderse feitas á Dirección Xeral de Estratexia Industrial e Solo Empresarial.

Cuarto. O 14.5.2024 foi remitido ao IGVS o proxecto de expropiación, redactado por Estudio Técnico Gallego, S.A., para a súa aprobación inicial. O IGVS deu traslado desta solicitude á Dirección Xeral de Estratexia Industrial e Solo Empresarial como órgano expropiador da citada actuación.

Quinto. En virtude da Resolución do 23 de xullo de 2024, a directora xeral de Estratexia industrial e Solo Empresarial acordou aprobar inicialmente o proxecto de expropiación forzosa, polo procedemento de taxación conxunta, dos bens e dereitos que se precisa ocupar para a execución do proxecto construtivo do apartadoiro ferroviario da Plisan, e sometelo a información pública polo prazo dun mes, mediante inserción de anuncios no Diario Oficial de Galicia (DOG núm. 146, do 30 de xullo) e nun xornal dos de maior circulación na provincia (anuncio publicado no Faro de Vigo do 31 de xullo).

Sexto. A taxación dos bens e dereitos que se precisa ocupar neste expediente notificóuselles individualmente aos que aparecen como os seus respectivos titulares, mediante traslado literal da citada Resolución do 23 de xullo de 2024 e da correspondente folla de valoración e da proposta de fixación dos criterios de valoración, para que puidesen formular alegacións no prazo dun mes, contado a partir da data de recepción da referida notificación, tal e como se sinala no artigo 118.4 da Lei 2/2016, do 10 de febreiro, do solo de Galicia. Igualmente, a dita resolución publicouse por medio dun anuncio no Boletín Oficial del Estado (BOE núm. 267, do 5 de novembro de 2024), para os efectos do artigo 44 da Lei 39/2015, do 1 de outubro, do procedemento administrativo común das administracións públicas.

Ademais, o expediente foi enviado para exposición ao dispor das persoas interesadas, polo prazo dun mes, nos concellos das Neves e Salvaterra de Miño, nas oficinas da Dirección Territorial da Consellería de Economía e Industria en Pontevedra e na páxina web da Consellería https://economia.xunta.gal. Igualmente, deuse audiencia aos concellos e notificóuselles ao Ministerio Fiscal e á Delegación Provincial do Ministerio de Economía e Facenda.

Sétimo. Cumpridos os anteriores trámites, elaborouse un informe individualizado sobre cada unha das alegacións presentadas, así como as preceptivas follas de prezo xusto definitivas. O proxecto de expropiación para aprobación definitiva redactado pola empresa Estudio Técnico Gallego foi presentando no Rexistro Electrónico da Xunta de Galicia.

Oitavo. O proxecto para aprobación definitiva foi asinado polo representante da Administración e polo perito da Administración. O proxecto foi supervisado pola xefa do Servizo de Planificación e Ordenación de Solo Empresarial.

O 20 de xaneiro de 2025, o subdirector xeral de Estratexia Industrial e Solo Empresarial emitiu un informe proposta de resolución de aprobación definitiva do proxecto de expropiación forzosa, polo procedemento de taxación conxunta, dos bens e dereitos que se precisa ocupar para a execución do proxecto construtivo do apartadoiro ferroviario da Plisan.

Consideracións legais:

Primeiro. O procedemento do expediente expropiatorio para a execución do apartadoiro ferroviario da Plisan iníciase en virtude da dita aprobación definitiva da segunda modificación do proxecto sectorial para a implantación da Plisan. A aprobación deste instrumento implica a declaración de utilidade pública dos dereitos afectados, así como a necesidade de ocupación, para os efectos da expropiación forzosa, dos bens e dereitos necesarios para a súa execución, de conformidade cos artigos 117.2 da Lei 2/2016, do 10 de febreiro, do solo de Galicia, e 290.2 do Decreto 143/2016, do 22 de setembro, polo que se aproba o Regulamento da Lei 2/2016, en que establece que a expropiación se aplicará por polígonos completos e abarcará todos os bens e dereitos neles incluídos, e de conformidade co artigo 51 da Lei 1/2021, do 8 de xaneiro, de ordenación do territorio de Galicia.

Segundo. De acordo co artigo 20, letra g), do Decreto 140/2024, do 20 de maio, polo que se establece a estrutura orgánica da Consellería de Economía e Industria, correspóndelle á Dirección Xeral de Estratexia Industrial e Solo Empresarial a adquisición de solo por calquera título, mesmo por expropiación forzosa, dos terreos destinados á formación de reservas de solo, preparación de soares, dotacións e equipamento, para o desenvolvemento e a xestión da política de solo empresarial.

Terceira. O artigo 118.6 da Lei 2/2016, do 10 de febreiro, establece que «emitido informe sobre as alegacións, someterase o expediente á aprobación do órgano municipal ou autonómico que sexa competente. Enténdese que o órgano autonómico competente será a persoa titular da consellería expropiante».

De acordo coa Orde do 4 de novembro de 2024 (DOG núm. 217, do 11 de novembro), sobre delegación de competencias en diversos órganos da Consellería de Economía e Industria, establécese no seu artigo 11, Delegacións singulares: «2. Delégase na persoa titular da Dirección Xeral de Estratexia Industrial e Solo Empresarial o exercicio das facultades que, en materia de expropiación forzosa e dentro do seu ámbito competencial, lle atribúe o ordenamento á persoa titular da consellería expropiatoria, con especial referencia á aprobación dos expedientes expropiatorios correspondentes a proxectos de interese autonómico para parques empresariais».

Cuarta. Trátase dunha expropiación por razón de ordenación territorial e urbanística e, como tal, regulada no Real decreto lexislativo 7/2015, do 30 de outubro, polo que se aproba o texto refundido da Lei do solo e rehabilitación urbana, e na Lei 1/2021, do 8 de xaneiro, de ordenación do territorio de Galicia, a Lei 2/2016, do 10 de febreiro, do solo de Galicia, e o seu regulamento aprobado polo Decreto 143/2016, do 22 de setembro.

Quinta. O expediente formúlase polo procedemento de taxación conxunta e de acordo co disposto nos artigos 42 e seguintes do Real decreto lexislativo 7/2015, nos artigos 117 e 118 da Lei 2/2016, e 290 e seguintes do Decreto 143/2016.

Sexta. Para os efectos de fixación do prezo xusto, o seu pagamento ás persoas propietarias e a ocupación dos predios afectados, confeccionouse o oportuno proxecto de expropiación, de acordo coa normativa previamente citada. Este proxecto tramitarase polo procedemento de taxación conxunta e ten por obxecto a expropiación, pola Dirección Xeral de Estratexia Industrial e Solo Empresarial, dos bens e dereitos necesarios para a execución do proxecto construtivo de apartadoiro ferroviario na Plisan, tendo a condición de beneficiarios da expropiación os tres promotores da Plisan.

De conformidade co disposto no número 10 do artigo 118 da Lei 2/2016, do 10 de febreiro, do solo de Galicia, o acordo de aprobación definitiva do expediente de taxación conxunta implica a declaración de urxencia da ocupación dos bens e dereitos afectados.

Sétima. O expediente tramitado reúne a documentación relacionada no artigo 118.1 da LSG. Di así o citado artigo:

«1. Nos supostos do procedemento de taxación conxunta, o expediente conterá os seguintes documentos:

a) Delimitación do ámbito territorial, cos documentos que o identifiquen en canto a situación, superficie e lindeiros, coa descrición de bens e dereitos afectados e a relación dos seus titulares.

b) Fixación de prezos coa valoración razoada do solo, segundo a súa cualificación urbanística.

c) Follas de prezo xusto individualizado de cada predio, en que se conterá non só o valor do solo, senón tamén o correspondente ás edificacións, obras, instalacións e plantacións.

d) Follas de prezo xusto que correspondan a outras indemnizacións.

2. O proxecto de expropiación, cos documentos sinalados, será aprobado inicialmente e exposto ao público polo prazo dun mes, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos».

A relación das persoas titulares dos bens e dereitos que se expropian figura no anexo desta resolución.

Por tanto,

ACÓRDASE:

Primeiro. Aprobar definitivamente o proxecto de expropiación forzosa, polo procedemento de taxación conxunta, dos bens e dereitos que se precisa ocupar para a execución do proxecto construtivo de apartadoiro ferroviario na Plisan.

Segundo. Ordenar a notificación desta resolución, de xeito individualizado, a todos os que aparezan como titulares de bens ou dereitos que figuran como tales neste expediente de expropiación, ao cal se deberá unir a correspondente folla de prezo xusto definitiva.

Igualmente, deberase notificar esta resolución ao Ministerio Fiscal, para os efectos establecidos no artigo 5 da Lei de expropiación forzosa, en relación cos propietarios descoñecidos e os non comparecentes no expediente expropiatorio que se aproba, e á Delegación Provincial do Ministerio de Economía e Facenda en Pontevedra, unha vez determinado, con carácter firme, o prezo xusto dos bens e dereitos que se expropian.

Terceiro. Ordenar a publicación desta resolución, así como o seu anexo de relación de bens e dereitos afectados, no DOG e no taboleiro de edictos dos concellos de Salvaterra de Miño e As Neves. Así mesmo, publicarase un anuncio no BOE para que sirva de notificación aos propietarios descoñecidos e dos cales se ignore o lugar de notificación ou o medio, ou ben, se intentada esta, non se puidese efectuar, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas.

Durante o prazo de vinte días, contados desde o seguinte ao da recepción da notificación ou, de ser o caso, da data da publicación no BOE, os interesados poderán manifestar, mediante escrito dirixido á Dirección Xeral de Estratexia Industrial e Solo Empresarial, a súa desconformidade coa valoración fixada no expediente aprobado, conforme o que dispón o artigo 118.7 da Lei 2/2016, do 10 de febreiro, do solo de Galicia.

A dita desconformidade presentarase preferiblemente por vía electrónica a través do procedemento normalizado con código de procedemento PR004A, dispoñible na sede electrónica da Xunta de Galicia https://sede.xunta.gal/, que deberá dirixirse á Dirección Xeral de Estratexia Industrial e Solo Empresarial. Para a presentación electrónica poderá empregarse calquera dos medios de identificación e sinatura admitido pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Aqueles suxeitos non obrigados a relacionarse electronicamente coas administracións públicas, conforme o artigo 14 da Lei 39/2015, do 1 de outubro, poderán presentar a súa desconformidade por calquera dos medios recollidos no artigo 16.4 da Lei 39/2015, do 1 de outubro, do procedemento administrativo común das administracións públicas.

Transcorrido o citado prazo sen que se formule oposición á valoración, entenderase aceptada a que se fixou no acto aprobatorio do expediente e entenderase determinado o prezo xusto definitivamente, de conformidade co artigo 118.8 da Lei 2/2016, do 10 de febreiro, do solo de Galicia.

Contra esta resolución, que pon fin á vía administrativa, poderase interpor recurso potestativo de reposición ante a conselleira de Economía e Industria, no prazo dun mes contado a partir do día seguinte ao da súa notificación, ou recurso contencioso-administrativo, de conformidade coa Lei 29/1998, do 13 de xullo, da xurisdición contencioso-administrativa.

Santiago de Compostela, 20 de xaneiro de 2025

A conselleira de Economía e Industria
P.D. (Orde do 4.11.2024)
Margarita Ardao Rodríguez
Directora xeral de Estratexia Industrial e Solo Empresarial

ANEXO I

Relación de titulares, bens e dereitos afectados

Termo municipal: Salvaterra de Miño.

Predio		Referencia catastral	Titular	Superficie total m2	Superficie afectada m2
5		36050A038001640000PW	Amparo Domínguez López	1536	175
6		36050A038001650000PA	Emérita González Domínguez	593	66
			María González Domínguez
7		36050A038001630000PH	María Morais Groba	285	89
8		36050A038001620000PU	En litixio entre: María Suárez Domínguez (titular catastral) e Áridos do Mendo, S.L. (reclamante)	954	150
9		36050A038001550000PJ	María África Lorenzo Simón	1427	376
10		36050A038001560000PE	Áridos do Mendo, S.L.	539	87
11		36050A038001530001AM	María Concepción Simón Rey	1891	13
12		36050A038001500001AL	María Suárez Domínguez	5469	595
13		36050A038001520000PD	Áridos do Mendo, S.L.	1041	226
14		36050A038009330000PB	Descoñecido	1107	75
15		36050A038001490000PD	Cándida González González	81	2
16		36050A038001440001AG	Antonio Calviño Merino	913	50
			Josefa Fernández Lago
17		36050A038001450001AQ	María Concepción González González	3129	111
18	A	36050A038001460000PO	En litixio entre: Administrador Infraestruturas Ferroviarias e María Concepción González González e Alfonso Porto Rodríguez (reclamantes)	42	42
20		36050A038001480000PR	Descoñecido	1339	716
21		36050A075001830000PA	Flota Suardiaz, S.A.	1557	275
32		36050A038001610000PZ	Áridos do Mendo, S.L.	1996	18
33		36050A038006000000PX	Descoñecido	414	298
34		36050A038004900000PY	Prudencio Alves Suárez	225	176
35		36050A038004890000PQ	Eladio Fernández López	242	178
36		36050A038004880000PG	Jacinto González Rey	189	140
37		36050A038004870000PY	Luciano González Sousa	141	30
38		36050A038004860000PB	Emérita González Domínguez	153	23
			María González Domínguez
39		36050A038003020000PT	Celso Alfonso Rodríguez	312	12
40		36050A038003030000PF	Francisco Humanes Alfonso	282	36
41		36050A038003010000PL	Lino González Domínguez	476	55
42		36050A038003000000PP	María del Carmen Alves Suárez	448	306
43		36050A038002990000PP	Pastora Pérez Cruces	317	32
44		36050A038002980000PQ	Rosa María Reijas Gil	274	24
			Atilano Reijas Gil
45		36050A038002970000PG	En litixio entre: Valentina Soto Cruces (titular catastral) e Rosa María Reijas Gil (reclamante)	363	33
46		36050A038002960000PY	Manuel Reijas Franco	230	17
47		36050A038002950000PB	En litixio entre: María Isabel Alfonso Domínguez (titular catastral) e Áridos do Mendo, S.L. (reclamante)	278	14
48		36050A038002940000PA	Francisca Crespo Montes	336	8
49		36050A038002930000PW	En litixio entre: Ángeles Martínez e Julio Martínez (titulares catastrais) e Áridos do Mendo, S.L. (reclamante)	144	2
50		36050A038002920000PH	Emilio José Fernández Iglesias	215	4
			María del Carmen Fernández Iglesias
51		36050A038002910000PU	Josefa Fernández Alfonso	306	2
53		36050A038003040000PM	Prudencio Suárez Montes	1349	61
54		36050A038003060000PK	María Morais Groba	577	13
57		36050A038002890000PH	En litixio entre: Ángeles Martínez e Julio Martínez (titulares catastrais) e Áridos do Mendo, S.L. (reclamante)	246	6
58	B	36050A038002870000PZ	María Josefa Cruces González	138	1
58		36050A038002880000PU	Julia Fernández Lorenzo	125	47
59		36050A038001720000PQ	Ricardo Piñeiro	157	15
60		36050A038001710000PG	Ana Piñeiro González	98	2
61		36050A038001700000PY	Marcelino Simón Alfonso	254	40
62		36050A038001690000PQ	Marcelino Simón Alfonso	265	47
64		36050A037004120001AS	María Pilar Mon Domínguez	43213	1116
65		36050A037000480000PI	Juan Ramón González Suárez	101	15
66		36050A037000510000PI	María Luz Rodríguez Alfaya	149	15
67		36050A037000850000PE	Domingo Otero Rodríguez	121	12
68		36050A037000840000PJ	Descoñecido	113	12
69		36050A037000830000PI	María Catalina Moure Cruces	133	9
70		36050A037000820000PX	Antolina Rodríguez Rodríguez	125	10
71		36050A037000810000PD	Lino González Domínguez	143	11
72		36050A037000800000PR	Antolina Rodríguez Rodríguez	121	9
73		36050A037000790000PX	Susana Pérez Carballo Samuel González Muñez	208	15
74		36050A037000780000PD	José Manuel González Abril	167	13
75		36050A037000770000PR	En litixio entre: Joaquín Humanes García, Sonia Humanes García, Alejandra Humanes García, Silvia Humanes García (titulares catastrais) e José Manuel González Abril (reclamante)	106	10
76		36050A037000760000PK	Antonio Cruces Grandal	100	10
77		36050A037000750000PO	Pastora González Pino	104	12
78		36050A037000740000PM	En litixio entre: Natividad Cruces Vaqueiro (titular catastral, e Áridos do Mendo, S.L. (reclamante)	228	32
79	B	36050A076000040000PP	Alfonso Rodríguez Celso	1012	2
79		36050A076000030000PQ	CMVMC de Oleiros	318	317

Termo municipal: As Neves.

Predio		Referencia catastral	Titular	Superficie total m2	Superficie afectada m2
22	A	36034A015012720000HI	Autoridade Portuaria de Vigo MOPT	1212812	5
22		36034A003000010000HI	Descoñecido	48	46
23		36034A003000030000HE	Antonio Soto Carballeira	139	135
24		36034A003000020000HJ	Descoñecido	211	209
25		36034A003006350000HR	Xunta de MVMC parroquia de Liñares	2134	716
27		36034A003007660000HX	Descoñecido	311	290
28		36034A003007650000HD	Asociación Veciños Sta. María de Liñares	11286	355