Expediente: IN407A 2023/457-1.

Promotor: UFD Distribución Electricidad, S.A.

Instalación: renovación do apoio AF7MJSBE//38 da LAMT 15 kV SBN-717B (Zapateira provisional, 17), pola fin da súa vida útil.

Concello: Culleredo.

Feitos:

1. O día 19 de outubro de 2023, a empresa promotora solicitou a autorización administrativa previa, a autorización administrativa de construción e a declaración de utilidade pública do proxecto de execución da dita instalación de distribución eléctrica, coa finalidade de substitución de apoio por fin de vida útil.

Achegan o proxecto, que inclúe memoria, planos e orzamento xunto coa relación de bens e dereitos afectados de necesaria ocupación para a construción da liña, ao abeiro dos artigos 123 e 143 do Real decreto 1955/2000, e que abrangue os seguintes documentos:

– Proxecto de execución nomeado: renovación do apoio AF7MJSBE//38 da LAMT 15 kV SBN-717B (Zapateira provisional, 17), pola fin da súa vida útil, asinado o 12 de setembro de 2023 por Tito Arias Santos, enxeñeiro técnico industrial eléctrico, co número de colexiado LE-1010.

2. O proxecto someteuse ao trámite de información pública mediante un Acordo do 10 de abril de 2024, publicado nos seguintes medios:

– Portal de transparencia e Goberno aberto da Consellería de Economía, Industria e Innovación.

– DOG número 87, do 3 de maio de 2024.

– BOP número 73, do 15 de abril de 2023.

– Xornal La Voz de Galicia: 25 de abril de 2024.

– Taboleiro de anuncios do concello: segundo certificado municipal do secretario xeral do Concello de Culleredo do 12 de xuño de 2024.

3. Durante o período en que se someteu o proxecto ao trámite de información pública non se presentou ningunha alegación, reclamación ou suxestión relacionada coa documentación obxecto de publicación.

4. Consonte o artigo 127 do Real decreto 1955/2000, do 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte en que a instalación puidera prexudicar bens e dereitos ao seu cargo, que contén as características da instalación e a documentación cartográfica correspondente. Solicitóuselles o preceptivo informe á Axencia Estatal de Seguridade Aérea (AESA)-Ministerio de Transportes e Mobilidadd Sustentable; Demarcación de Estradas do Estado en Galicia-Ministerio de Transportes e Mobilidade Sustentable; Servizo do Patrimonio Cultural-Departamento Territorial da Consellería de Cultura, Lingua e Xuventude da Coruña; Compañía Logística de Hidrocarburos, S.A., e o Concello de Culleredo. A empresa promotora manifestou a súa conformidade cos condicionados emitidos polos organismos afectados.

5. O día 17 de xaneiro de 2025 emitiuse o informe técnico.

Consideracións legais e técnicas:

1. O director territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación.

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas.

As instalacións de alta tensión obxecto deste expediente atópanse en Santo Estevo e Santa María, entre as coordenadas UTM ETRS89 fuso: 29 X: 548506, Y: 4794681 y entre as coordenadas X: 548773, Y: 4794609, no concello de Culleredo.

– Substitución do apoio de tipo HVH AF7MJSBE//38 e dos seus fusibles XS. Instálase no seu lugar o novo apoio AF7MJSBE//38 de tipo C-3000-14 con cruceta H-35 6xCA(CS), cruceta de derivación 3xCA e fusibles XS co nº 15H219.

– Téndese novo condutor LA-110 de 272 m de lonxitude entre o apoio existente AF2701EU//36 e o apoio proxectado AF7MJSBE//38. Así mesmo, téndese novo condutor LA-56 entre o apoio proxectado AF7MJSBE//38 e o apoio existente AF821SA5 de 37 m de lonxitude.

– Regúlase o condutor existente LC-80 entre o apoio proxectado AF7MJSBE//38 e o apoio existente AFC9OR5M//40.

4. No expediente consta un informe favorable dos servizos técnicos deste departamento territorial.

Consonte con todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) A instalación executarase no prazo dous anos, contados a partir do día seguinte ao da publicación desta resolución no Diario Oficial de Galicia. En todo caso, deberán respectarse os prazos establecidos no artigo 13.9 do Regulamento (UE) 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) 2019/1937 e se derroga o Regulamento (UE) nº 517/2014 (DOUE nº 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura.

C) Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:

– As declaracións de conformidade relativas ao material ou equipamento, e as certificacións ou homologacións, se procede.

– Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial, no relativo á ordenación do territorio e ao ambiente.

O incumprimento das condicións e requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia ao interesado, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles aos interesados esta resolución, segundo o exixido no artigo 40.1 da Lei 39/2015.

A Coruña, 23 de xaneiro de 2025

Isidoro Martínez Arca
Director territorial da Coruña

ANEXO

Expediente: IN407A 2023/457-1.

Renovación do apoio nº AF7MJSBE//38 da LAMT 15 kV SBN-717B (Zapateira provisional, 17), pola fin da súa vida útil.
Relación de bens e dereitos afectados-concello de Culleredo.
Predio proxecto	Persoa propietaria/titular	Referencia catastral	Lugar	Afección de solo pleno dominio		Afección de solo por servidume de paso de enerxía eléctrica				Natureza do terreo
				Apoio núm.	Superficie (m²)	ml. aér.	ml. sot.	m² aér.	m² sot.
1	Descoñecida	15031A01400225	Coto grande	38	2.0					Eucaliptal

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér.: superficie de servidume aérea en m².

m² sot.: superficie de servidume soterrada en m².