De conformidade co artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e ante a imposibilidade de efectuar a notificación aos titulares dos bens que se relacionan a seguir, comunícaselles ás persoas responsables a súa obriga legal de xestión da biomasa e retirada das especies arbóreas prohibidas nas parcelas sinaladas a continuación, imposta polo artigo 22.1 da citada Lei 3/2007, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas:

Número de expediente	Referencia catastral	Parroquia	Titulares catastrales
2024/V001/000065	15005A04400332	Loureda	C.A.V.
2024/V001/000051	15005A05800368	Loureda	Descoñecido/a
2024/V001/000049	15005A07100020	Morás	M.2000

En virtude do anterior, as persoas responsables dispoñen dun prazo máximo de quince días naturais, contados desde o día seguinte ao da publicación no BOE (Boletín Oficial del Estado) para o cumprimento voluntario da obriga de xestión da biomasa nas parcelas citadas.

Transcorrido o devandito prazo, e en caso de persistencia no incumprimento, o Concello realizará a execución subsidiaria, con repercusión á propiedade dos custos de xestión da biomasa e, de ser o caso, comiso das especies arbóreas prohibidas retiradas pola Administración, nas condicións establecidas no artigo 22.2 da Lei 3/2007, anteriormente citada, sen prexuízo da instrución do procedemento sancionador que corresponda.

Asi mesmo, comunícaselles ás persoas responsables que o contido íntegro das notificacións, así como a totalidade do expediente administrativo, está, á súa disposición no Departamento de Medio Ambiente do Concello de Arteixo.

Arteixo, 29 de xaneiro de 2025

Por avocación de competencias (Decreto 2966/2024, do 31 de outubro)
José Carlos Calvelo Martínez
Alcalde presidente