Mediante a Resolución da Alcaldía do Concello da Gudiña, do 29 de xaneiro de 2025, e dada a necesidade de completar, ata un total de 12 membros, o Grupo de Emerxencias Supramunicipal (G.E.S.) deste concello, que na actualidade conta con 11 integrantes, acordouse aprobar a oferta de emprego público deste concello para o ano 2025, a cal contén a praza que se cita a seguir:

• Persoal laboral.

• Acceso libre.

• Praza: 1 peón G.E.S. (Grupo de Emerxencias Supramunicipal).

• Sistema: concurso-oposición.

O que se fai público en cumprimento do disposto no artigo 91.1 da Lei 7/1985, do 2 de abril, reguladora das bases de réxime local, no artigo 204 da Lei 2/2015, do 29 de abril, do emprego público de Galicia, e no artigo 128 do Real decreto lexislativo 781/1986, do 18 de abril, polo que se aproba o texto refundido das disposicións vixentes en materia de réxime local.

Contra esta resolución, que pon fin á vía administrativa, poderase interpoñer potestativamente recurso de reposición ante o mesmo órgano que a ditou no prazo dun mes, contado desde o día seguinte ao da súa publicación, ou ben directamente recurso contencioso-administrativo ante o Xulgado do Contencioso-Administrativo de Ourense durante o prazo de dous meses, contados a partir do seguinte ao da referida publicación, sen prexuízo de que se poida interpoñer calquera outro recurso que se considere pertinente.

A Gudiña, 3 de febreiro de 2025

Néstor Ogando Blanco
Alcalde