Mediante a Resolución da Presidencia nº 2025-0094 do 3 de febreiro de 2025, aprobouse a oferta de emprego público correspondente á/ás praza/s que a continuación se apuntan para o ano 2025:

Persoal laboral fixo
Grupo de clasificación	Denominación da praza	Nº vacantes	Sistema de acceso
V/E	Auxiliar de axuda no fogar	12	Concurso-oposición
IV/E	Bombeiro/a	1	Concurso-oposición
IV/E	Chofer recollida de residuos/rozadora	3	Concurso-oposición
V/E	Operario/a de limpeza de edificios	1	Concurso-oposición
V/E	Peón recollida de residuos/rozadora	1	Concurso-oposición

En cumprimento do artigo 91 da Lei 7/1985, do 2 de abril, reguladora das bases de réxime local, o artigo 70 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta de emprego público da Mancomunidade Terra de Celanova no Boletín Oficial da provincia e no Diario Oficial de Galicia.

Contra esta resolución, que pon fin á vía administrativa, pode interpor alternativamente recurso potestativo de reposición, ante o presidente, no prazo dun mes contado desde o día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense, no prazo de dous meses contados desde o día seguinte ao da recepción desta notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor o recurso potestativo de reposición, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que poida interpor calquera outro recurso que xulgue máis conveniente ao seu dereito.

Celanova, 3 de febreiro de 2025

Jaime Sousa Seara
Presidente da Mancomunidade Terras de Celanova