Feitos:
O día 24 de febreiro de 2025 tivo entrada nesta unidade a solicitude para a inscrición no Rexistro de convenios colectivos, acordos colectivos de traballo e plans de igualdade da acta da Comisión Paritaria do IV Convenio colectivo autonómico de eventos, servizos e producións culturais de Galicia en que se actualizaron as táboas salariais para o ano 2025.
Consideracións legais e técnicas:
Primeiro. A Secretaría Xeral de Emprego e Relacións Laborais ten atribuídas, entre outras funcións, as competencias que como autoridade laboral lle corresponden á Consellería, de conformidade co disposto no Decreto 147/2024, do 20 de maio, polo que se establece a estrutura orgánica da Consellería de Emprego, Comercio e Emigración.
Segundo. De acordo co artigo 25 do citado Decreto 147/2024, a Secretaría Xeral de Emprego e Relacións Laborais é o órgano competente de coordinación dos rexistros administrativos de eleccións sindicais, de asociacións empresariais e sindicais, de convenios colectivos (Rexcon) e de empresas acreditadas para intervir no proceso de contratación no sector da construción (REA).
Terceiro. O artigo 8 do Real decreto 713/2010, do 28 de maio, sobre rexistro e depósito de convenios e acordos colectivos de traballo, regula o procedemento de inscrición de solicitudes de rexistro e convenios e acordos colectivos de traballo, e establece que a autoridade laboral competente ditará unha resolución en que se ordene o seu rexistro, depósito e publicación no boletín oficial correspondente.
Tras ser revisada a documentación achegada e tendo en conta a normativa aplicable, esta Secretaría Xeral de Emprego e Relacións Laborais, na súa condición de autoridade laboral,
RESOLVE:
Primeiro. Ordenar o depósito e a inscrición no Rexistro de convenios e acordos colectivos de traballo e plans de igualdade da acta da Comisión Paritaria do IV Convenio colectivo autonómico de eventos, servizos e producións culturais de Galicia en que se actualizaron as táboas salariais para o ano 2025.
Segundo. Dispor a súa publicación no Diario Oficial de Galicia.
Contra esta resolución, que non pon fin á vía administrativa, poderase interpor recurso de alzada ante o conselleiro de Emprego, Comercio e Emigración no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 27 de febreiro de 2025
Pablo Fernández López
Secretario xeral de Emprego e Relacións Laborais
Acta da Comisión Paritaria do IV Convenio colectivo autonómico de eventos, servizos e producións culturais de Galicia
Santiago de Compostela, ás 12.00 horas do día 18 de febreiro de 2025, reúnese a Comisión Paritaria do IV Convenio colectivo de eventos, servizos e producións culturais de Galicia.
Parte empresarial:
Beatriz Fernández Rivera (AGEM).
Diego Vázquez Meizoso (Escena Galega).
Daniel Aragunde Castro (Agatec).
Vicente Conde Bóveda (Agatec).
Parte sindical:
Ramón Dopico López (UGT).
Manuel González Pidre (CC.OO.).
Adolfo Naya Fernández (CIG).
Xabier Carnota Caneda (Tesgal).
José Ortigueira Búa (Tesgal).
O motivo da xuntanza é o de actualizar as táboas salariais do IV Convenio colectivo autonómico de eventos, servizos e producións culturais de Galicia para o ano 2025.
As representacións presentes, logo do oportuno debate, acordan:
Primeiro. Ao ser o IPC definitivo do ano 2024 do 2,8 % e en aplicación da garantía mínima establecida no Convenio colectivo (tanto para salarios como para axudas de custo) do 3 %, esta comisión acorda actualizar as táboas salariais para o exercicio 2025 (con efectos desde o 1.1.2025), e quedan estas como segue:
|
Convenio de eventos-Táboas salariais de 2025 |
|||||
|
Grupo |
Bruto anual |
Bruto mensual |
Hora normal |
Hora extra |
Hora extra nocturna |
|
Grupo I |
26.938,00 |
2.244,83 |
16,08 |
20,91 |
24,04 |
|
Grupo II |
24.878,91 |
2.073,24 |
14,85 |
19,31 |
22,21 |
|
Grupo III |
22.170,50 |
1.847,54 |
13,24 |
17,21 |
19,79 |
|
Grupo IV |
20.131,45 |
1.677,62 |
12,02 |
15,62 |
17,97 |
|
Grupo V |
18.640,25 |
1.553,35 |
11,13 |
14,47 |
16,64 |
|
Axudas de custo |
|||
|
Ano |
Almorzo |
Xantar |
Cea |
|
2025 |
7,62 |
20,95 |
17,14 |
|
Quebranto de moeda |
||
|
Ano |
Mes |
Xornada |
|
2025 |
106,19 |
42,26 |
Segundo. Esta comisión acorda delegar no persoal habilitado do Consello Galego de Relacións Laborais a realización dos trámites de rexistro, depósito e publicación do presente acordo ante a autoridade laboral competente.
Ao non ter máis asuntos que tratar, remata a xuntanza ás 13.00 horas do día sinalado no encabezamento e expídese para o efecto a presente acta, que asinan todos os asistentes en proba de conformidade.
|
Beatriz Fernández Rivera (AGEM) |
Diego Vázquez Meizoso (Escena Galega) |
|
Daniel Aragunde Castro (Agatec) |
Vicente Conde Bóveda (Agatec) |
|
Ramón Dopico López (UGT) |
Manuel González Pidre (CC.OO.) |
|
Adolfo Naya Fernández (CIG) |
Xabier Carnota Caneda (Tesgal) |
|
José Ortigueira Búa (Tesgal) |
|