O Pleno do Concello de Vilardevós, en sesión ordinaria do 18 de marzo de 2024, adoptou, entre outros, o acordo de declarar a nulidade da Resolución da Alcaldía núm. 116/2022, do Concello de Vilardevós, ditada no expediente de estabilización en virtude da Lei 20/2021, do 28 de decembro, ao recoñecer a condición de fixeza de ambas as prazas (auxiliar administrativo de servizos sociais, e profesor do programa de educador familiar) e non proceder á estabilización. A causa da nulidade é non seguir o procedemento legalmente establecido na disposición adicional sexta da Lei 20/2021, do 28 de decembro, de medidas urxentes para a redución da temporalidade no emprego público, artigo 471.e) da Lei 39/2015, do 1 de outubro (LPAC), mantendo a validez da aprobación da oferta de emprego público para a estabilización, por ser conforme dereito.

Retrotraer o expediente ao momento das publicacións da aprobación da oferta de emprego público para a estabilización, por ser conforme dereito, e continuar coa tramitación do expediente conforme a disposición adicional sexta e as demais disposicións aplicables da Lei 20/2021, do 28 de decembro, de medidas urxentes para a redución da temporalidade no emprego público.

Declarar a nulidade do Acordo plenario do 2 de xuño de 2022 en canto resulte contrario ao ordenamento xurídico adoptado dentro do procedemento de estabilización.

Notificar aos interesados e publicar un anuncio no BOP e no DOG para público coñecemento.

Vilardevós, 18 de marzo de 2025

Eva María Pérez Gamote
Alcaldesa presidenta