No Diario Oficial de Galicia núm. 8, do 14 de xaneiro de 2025, publícase a Orde do 18 de decembro de 2024, da Consellería de Cultura, Lingua e Xuventude, coas bases reguladoras das subvencións a entidades de acción voluntaria e entidades locais para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, para o ano 2025 (código de procedemento BS508E).

De conformidade co artigo 18 da antedita orde, a resolución do procedemento de axuda, logo da fiscalización da proposta facendo uso das competencias conferidas no artigo 7.3 da Lei 9/2007, do 13 de xuño, de subvencións de Galicia, correspóndelle á directora xeral de Xuventude, por delegación da persoa titular da Consellería de Cultura, Lingua e Xuventude.

Así mesmo, o artigo 20 da mesma orde establece que se publicará no Diario Oficial de Galicia de conformidade co artigo 45 da Lei 39/2015, do 1 de outubro, do procedemento administrativo común das administracións públicas, entre outras, a correspondente resolución deste procedemento. Esta publicación producirá os efectos de notificación.

Tras a instrución do procedemento, con data do 10 de abril de 2025 o órgano competente emite a resolución que finaliza o procedemento de concesión das subvencións para a elaboración e execución de proxectos de voluntariado interxeracional no medio rural.

Por todo o exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 10 de abril de 2025, para o procedemento BS508E, de concesión de axudas para entidades de acción voluntaria e entidades locais para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, como anexo desta resolución.

Segundo. Comunicar que a Resolución do 10 de abril de 2025 esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación desta resolución no Diario Oficial de Galicia ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación desta resolución no Diario Oficial de Galicia.

Terceiro. Notificada a resolución polo órgano competente, as entidades beneficiarias disporán dun prazo de 10 días computado a partir do día seguinte ao da publicación no Diario Oficial de Galicia para a súa aceptación, transcorrido o cal sen que se producise manifestación expresa se entenderá tacitamente aceptada.

Santiago de Compostela, 11 de abril de 2025

Lara del Carmen Meneses Álvarez
Directora xeral de Xuventude

ANEXO

Resolución do 10 de abril de 2025, ditada no procedemento BS508E,
de concesión de axudas para entidades de acción voluntaria e entidades locais para a elaboración e execución de proxectos de voluntariado interxeracional
no medio rural vinculados co proxecto piloto Talento interxeracional,
no marco do Plan de recuperación, transformación e resiliencia, financiado
pola Unión Europea-NextGenerationEU, para o ano 2025

Con data do 14 de xaneiro de 2025 publicouse no Diario Oficial de Galicia núm. 8 a Orde do 18 de decembro de 2024 pola que se establecen as bases reguladoras e se convocan subvencións, en réxime de concorrencia competitiva, dirixidas a entidades de acción voluntaria e entidades locais para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, para o ano 2025 (código de procedemento BS508E).

O artigo 9 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.

Finalizado o prazo, unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.

Con data do 12 de marzo de 2025 publícase no Diario Oficial de Galicia o requirimento de emenda da documentación das solicitudes presentadas, con indicación expresa ás entidades solicitantes de que son requiridas para que, no prazo de 10 días hábiles, contado a partir do día seguinte ao da publicación no Diario Oficial de Galicia do requirimento, emenden a falta ou acheguen os documentos preceptivos conforme se establece na orde de convocatoria, con indicación de que, se así non o fixeren, se considerará que desisten da súa petición, logo de resolución que deberá ser ditada nos termos previstos no artigo 21 da Lei 39/2015, do 1 de outubro.

Finalizado o prazo, logo de analizar a documentación, con data do 2 de abril de 2025 e de acordo co disposto nos artigos 15, 16, 17 e 18 da dita orde de convocatoria, reuniuse a comisión avaliadora para analizar as solicitudes de axuda e valorar os proxectos presentados polas entidades de acción voluntaria e as entidades locais, así como para elaborar o correspondente informe en que figuran as entidades con proxectos valorados.

Emitido o informe coa valoración dos proxectos presentados, o Servizo de Voluntariado e Participación, órgano instrutor do procedemento, emite, de conformidade co disposto no artigo 18 da orde de convocatoria, a proposta de resolución o 3 de abril de 2025.

Vista a proposta de resolución e de conformidade co disposto no artigo 18 da Orde do 18 de decembro de 2024,

RESOLVO:

Primeiro. Conceder a axuda ás entidades locais propostas no anexo I, ao abeiro da Orde do 18 de decembro de 2024 pola que se establecen as bases reguladoras e se convocan subvencións para entidades de acción voluntaria e entidades locais para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, para o ano 2025.

Esta concesión resulta de aplicación de conformidade dos criterios de valoración previstos no artigo 16 das bases reguladoras, por un importe total de 176.912,94 €, para entidades locais, con cargo á aplicación orzamentaria 13.05.312F.460.0.

Segundo. Conceder a axuda ás entidades de acción voluntaria propostas no anexo II, ao abeiro da Orde do 18 de decembro de 2024 pola que se establecen as bases reguladoras e se convocan subvencións para entidades de acción voluntaria e entidades locais para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, para o ano 2025.

Esta concesión resulta de aplicación de conformidade dos criterios de valoración previstos no artigo 16 das bases reguladoras, por un importe total de 279.036,10 €, para entidades de acción voluntaria, con cargo á aplicación orzamentaria 13.05.312F.481.0.

Da contía prevista para entidades locais resérvase un 15 % para as solicitudes presentadas conxuntamente.

Terceiro. As axudas concedidas condicionaranse ao cumprimento de todas as obrigas establecidas na Orde do 18 de decembro de 2024 e, especialmente, ás establecidas no artigo 26.

A xustificación das subvencións realizarase de acordo co establecido no artigo 23 da convocatoria.

Así mesmo, o pagamento das axudas realizarase de acordo co previsto no artigo 24 da mesma convocatoria.

Cuarto. Denegar as solicitudes que se relacionan no anexo III, con indicación da causa concreta que motivou a denegación.

Quinto. Esta resolución, que finaliza o procedemento, esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación no Diario Oficial de Galicia.

Santiago de Compostela, 10 de abril de 2025. O conselleiro de Cultura, Lingua e Xuventude, P.D. (Artigo 18 e disposición adicional terceira da Orde do 18.12.2024), Lara del Carmen Meneses Álvarez, directora xeral de Xuventude

ANEXO I

Axudas concedidas a entidades locais

Concesións individuais.

Nº	Nº de exp.	Entidade	NIF	Provincia	Puntuación	Orzamento concedido (€)
1	2025/010	Concello de Vedra	P1509000D	A Coruña	72,25	25.000,00
2	2025/023	Concello de Muxía	P1505300B	A Coruña	71,07	15.000,00
3	2025/024	Concello de Padrón	P1506600D	A Coruña	61,53	18.730,00
4	2025/008	Concello da Baña	P1500700H	A Coruña	51,75	15.020,00
5	2025/018	Concello de San Xoán de Río	P3207100C	Ourense	77,75	15.000,00
6	2025/013	Concello de Cenlle	P3202600G	Ourense	63,04	15.000,00
7	2025/004	Concello da Veiga	P3208400F	Ourense	62,25	25.000,00
8	2025/015	Concello de Vilar de Barrio	P3209000C	Ourense	54,00	2.918,00
9	2025/025	Concello de Ponteareas/Oficina Municipal de Voluntariado	P3604200J	Pontevedra	64,00	25.000,00
10	2025/030	Concello de Mos	P3603300I	Pontevedra	62,00	20.244,94
Total						176.912,94

ANEXO II

Axudas concedidas a entidades de acción voluntaria

Nº	Nº de exp.	Entidade	NIF	Provincia	Puntuación	Orzamento concedido (€)
1	2025/007	Asociación Medioambiental Amabul	G15925209	A Coruña	87,27	21.000,00
2	2025/016	Asociación Integro para a Diversidade Funcional das Comarcas de Bergantiños, Terra de Soneira e Fisterra	G15173263	A Coruña	71,45	13.000,00
3	2025/021	Fundación Ronsel	G15752660	A Coruña	65,93	17.000,00
4	2025/019	Asociación Ecos do Sur	G15354483	A Coruña	65,87	16.848,10
5	2025/012	Escola de Tempo Libre Colaxe	G10818920	A Coruña	65,75	17.000,00
6	2025/005	Asociación de Colaboración y Promoción del Sordo, Acopros	G15048762	A Coruña	59,10	25.000,00
7	2025/031	Federación de Centros Xuvenís Don Bosco de Galicia	G15450828	A Coruña	58,25	16.000,00
8	2025/027	Grupo Compostela de Universidades	G15520307	A Coruña	56,34	18.000,00
9	2025/017	Valoresc Innovation	G70377585	Ourense	77,00	25.000,00
10	2025/002	Asociación Cultural, Social, Ecolóxica e Económica Os Tres Reinos	G32345274	Ourense	75,50	25.000,00
11	2025/003	Asociación Limisi, para a Promoción das Persoas con Diversidade Funcional da Comarca da Limia	G32302671	Ourense	70,87	15.000,00
12	2025/009	Asociación Cultural, Social, Deportiva, Lúdica, Ecolóxica, da Muller, de Inclusión, do Rural, Vive Vilariño	G32504508	Ourense	59,75	25.000,00
13	2025/032	Asociación Sustinea	G32422834	Ourense	51,82	9.100,00
14	2025/029	Asociación de Familiares de Enfermos de Alzhéimer de la Comarca del Morrazo, Afamo	G36368488	Pontevedra	77,50	15.000,00
15	2025/011	Asociación para el Desarrollo Educativo y Cultural, ADEC	G94153053	Pontevedra	66,92	11.268,00
16	2025/026	Asociación Cultural O Castro	G36116879	Pontevedra	58,60	9.820,00
Total						279.036,10

ANEXO III

Solicitudes denegadas

Denegadas entidades locais.

Nº	Nº de exp.	Entidade	NIF	Provincia	Motivo da denegación
1	2025/014	Concello de Cangas-Oficina Municipal de Voluntariado	P3600800A	Pontevedra	Non alcanzar a puntuación requirida

Denegadas entidades de acción voluntaria.

Nº	Nº de exp.	Entidade	NIF	Provincia	Motivo da denegación
1	2025/022	Asociación Euroeume	G15608821	A Coruña	Non alcanzar a puntuación requirida
2	2025/001	Xeración Asociación Cultural	G70385091	A Coruña	Non alcanzar a puntuación requirida
3	2025/033	Asociación Tempus, de Acción Social, Educación Permanente y de Servicios a la Juventud y a la Mujer	G15681000	A Coruña	Desistencia
4	2025/034	Asociación Antonio Noche	G15210388	A Coruña	Desistencia
5	2025/028	Asociación Montes e Vales Orientais	G27389139	Lugo	Non alcanzar a puntuación requirida
6	2025/020	Asociación Veciñal Gutier Menéndez	G32503971	Ourense	Non alcanzar a puntuación requirida