O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de San Xoán de Arbo e Mourentán (Arbo), con base nos seguintes feitos e consideracións técnicas.

Antecedentes e consideracións técnicas:

Primeiro. O 27.9.2022, o presidente da CMVMC de San Xoán presenta solicitude de deslindamento entre a CMVMC de San Xoán e a CMVMC de Mourentán, ambas no concello de Arbo.

Os montes veciñais en man común (en diante, MVMC) afectados por este deslindamento son:

– MVMC de San Xoán (ID monte: 2442) da CMVMC de San Xoán.

– MVMC de Mourentán (ID monte: 2446) da CMVMC de Mourentán.

Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta de apeo do 11.2.2022.

– Papeleta e acta de conciliación do Xulgado de Paz de Arbo núm. 05/2022 do 15.11.2022.

– Certificado do secretario da CMVMC de San Xoán coa conformidade do presidente do 16.9.2022 da aprobación na asemblea do 10.4.2022.

– Certificado da secretaria da CMVMC de Mourentán coa conformidade do presidente do 19.9.2022 da aprobación na asemblea do 18.9.2022.

– Memoria descritiva de xullo de 2022 co plano de deslindamento e cartografía en formato dixital no datum ETRS89/UTM zona 29N EPSG: 25829, asinada pola enxeñeira técnica forestal colexiada núm. 482 do COETFG. Constan emendas posteriores que corrixen a dita memoria.

– Informe de validación gráfica (IVG) catastral con CSV: RA3HW0MNARZJCSPM.

Segundo. Os puntos levantados no campo de acordo coas dúas comunidades e que se corresponden con puntos identificados con fitos sobre o terreo son os seguintes:

Puntos	X	Y	Denominación
P.1	559.419,40	4.664.696,10	Coto da Moura
P.2	559.154,00	4.664.392,80	Cruz
P.3	558.524,00	4.664.442,90	Cruz de Trabazos
P.4	558.285,80	4.664.412,80	A Torneira

No traballo de gabinete establécense puntos de deslindamento secundarios para respectar as propiedades particulares (o deslindamento realizarase coas propiedades particulares) e áreas afectadas polo dominio público hidráulico. Estes puntos son:

Punto S01:	x: 559.155,02	y: 4.664.394,04
Punto S02:	x: 558.498,96	y: 4.664.439,71
Punto S03:	x: 558.411,26	y: 4.664.428,64
Punto S04:	x: 558.324,94	y: 4.664.417,75

Terceiro. Revisada a cartografía das resolucións de clasificación de ambos os MVMC detéctase que existe colindancia entre ambos e considérase que non afecta terceiros propietarios xa que se axusta ao deslindamento en tramitación que ten a CMVMC de Mourentán coa CMVMC de Cequeliños (DC22120) e a revisión do esbozo aprobada da CMVMC de Mourentán (RE22064).

A liña de deslindamento proposta ten unha lonxitude de 530 metros e está formada por 3 tramos:

Tramo 1 de 0,40 km: de P01 a S01.

Tramo 2 de 0,09 km: de S02 a S03.

Tramo 3 de 0,04 km: de S04 a P04.

Que corresponde cos seguintes puntos:

Punto P01:	x: 559.419,38	y: 4.664.696,14
Punto S01:	x: 559.155,02	y: 4.664.394,04
Punto S02:	x: 558.498,96	y: 4.664.439,71
Punto S03:	x: 558.411,26	y: 4.664.428,64
Punto S04:	x: 558.324,94	y: 4.664.417,75
Punto P04:	x: 558.285,80	y: 4.664.412,82

A liña de deslindamento produce modificacións na cartografía dos esbozos de clasificación, polo que se realiza un axuste dos dous esbozos.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artículo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre as CMVMC de San Xoán e Mourentán (Arbo), nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de MVMC de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo perante o xulgado do contencioso-administrativo no prazo de dous meses de acordo cos artigos 8 e 46 da LXCA.

Pontevedra, 16 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra