O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) de Curro (Barro) e San Xoán de Poio (Poio), con base nos seguintes feitos e consideracións técnicas.
Antecedentes e consideracións técnicas:
Primeiro. O 28.9.2022, o presidente da CMVMC de Curro presenta solicitude de deslindamento entre a CMVMC de Curro (Barro) e a CMVMC de San Xoán de Poio (Poio).
Os montes veciñais en man común (en diante, MVMC) afectados por este deslindamento son:
– MVMC de Curro (ID Monte: 2453) da CMVMC de Curro.
– MVMC de San Xoán de Poio (ID monte: 3003) da CMVMC de San Xoán de Poio.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia:
• Acta do deslindamento o 6.9.2022.
• Acta de conciliación núm. 4/2023 entre as comunidades no Xulgado de Paz de Poio do 24.3.2023.
• Certificado do secretario da CMVMC de Curro coa conformidade do presidente do 2.9.2024 da aprobación na asemblea xeral do 24.2.2023.
• Certificado do secretario da CMVMC de San Xoán de Poio coa conformidade do presidente do 26.8.2024 da aprobación na asemblea xeral do 27.11.2022.
• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 27.6.2023 pola enxeñeira técnica forestal colexiada núm. 740 do COETF de Galicia. As emendas realizadas producen a modificación dela.
Informe de validación gráfica catastral 64WGKH16FGQ0C6B9 e P6A547725QF5S6VF inclúen as modificacións dos expedientes DC22050 e DC22049.
Terceiro. A liña de deslindamento proposta ten unha lonxitude de 50 metros e está composta polos seguintes puntos:
Punto 01 – x: 525.235,06 y: 4.703.036,78
Punto 02 – x: 525.249,73 y: 4.702.988,93
O punto 02 (x: 525.266,01 y: 4.702.935,80) inicialmente proposto polas comunidades invade lixeiramente o esbozo do estudo previo de clasificación do monte veciñal da CMVMC de Campañó. O Servizo de Montes de oficio recúa a liña de deslindamento ata o punto 02 (x: 525.249,73 y: 4.702.988,93) respectando deste xeito o antedito esbozo.
O deslindamento está formado por un único tramo. O punto 01 é coincidente co punto 01 do expediente DC22067 (deslindamento entre a CMVMC de Santo Tomé de Nogueira e a CMVMC de San Xoán de Poio) é coincidente co punto 1 do expediente DC22050 (deslindamento entre a CMVMC de Curro e a CMVMC de Santo Tomé de Nogueira). Neste punto converxen a CMVMC de Curro, a CMVMC de San Xoán de Poio e a CMVMC de Santo Tomé de Nogueira.
Revisada a cartografía das resolucións de clasificación de ambos os MVMC detéctase que existe colindancia entre ambas e non afecta terceiros propietarios.
A liña do deslindamento non respecta exactamente a liña do Instituto Xeográfico Nacional entre os concellos de Barro e Poio.
A liña do deslindamento produce modificacións na cartografía dos esbozos de clasificación:
– A CMVMC de Curro presenta un axuste desde o punto inicial 01 coincidente co deslindamento DC22050.
– A CMVMC de San Xoán de Poio presenta un axuste desde o punto inicial 01 coincidente co deslindamento DC22067.
– O persoal do Servizo de Montes realizada de oficio unha modificación dos axustes presentadas polas comunidades desde o punto final 02 para pechar o deslindamento coa cartografía existente de cada unha das comunidades (respectando o esbozo da CMVMC de Campañó).
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre a CMVMC de Curro (Barro) e San Xoán de Poio (Poio), nos termos antes indicados.
Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigo 123 e 124 LPAC; ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigo 8 e 46 da LXCA.
Pontevedra, 21 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra