O Xurado Provincial de Clasificación de Montes Veciñais en Man Común de Pontevedra resolveu, na súa reunión do 26.3.2025, aprobar o deslindamento parcial entre as comunidades de montes veciñais en man común (en diante, CMVMC) da Lama e Gaxate (A Lama), con base nos seguintes feitos e consideracións técnicas.

Antecedentes e consideracións técnicas:

Primeiro. O 28.9.2022 o presidente da CMVMC da Lama presenta unha solicitude de deslindamento entre a CMVMC da Lama e a CMVMC de Gaxate, ambas no concello da Lama.

Os montes veciñais en man común (en diante, MVMC) afectados por este deslindamento son:

– MVMC da Lama (ID:2814) da CMVMC da Lama.

– MVMC de Gaxate (ID:2813) da CMVMC de Gaxate.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

• Acta do apeo do deslindamento do 21.9.2022.

• Acta de conciliación número 3 entre as comunidades no Xulgado de Paz da Lama do 15.2.2023.

• Certificado do 5.4.2024 do secretario da CMVMC da Lama coa conformidade do presidente da aprobación en Asemblea Xeral do 15.10.2022.

• Certificado do 8.4.2024 da secretaria da CMVMC de Gaxate coa conformidade do presidente da aprobación en Asemblea Xeral do 20.11.2022.

• Memoria descritiva co plano de deslindamento e a cartografía en formato dixital no Datum ETRS89/UTM zona 29N EPSG: 25829. Asinado o 25.5.2023 pola enxeñeira técnica forestal colexiada número 740 do Colexio Oficial de Enxeñeiros Técnicos Forestais de Galicia.

Informes de validación gráfica catastral con CSV: ZFN3ZDFHC0BBJ9KH inclúe o deslindamento DC22060 e DC22058.

Terceiro. A liña de deslindamento proposta ten unha lonxitude de 1.154 metros e está composta polos seguintes puntos:

Punto 02 – x: 546.425,39 y: 4.692.883,68

Punto 03 – x: 546.293,16 y: 4.692.739,27

Punto 04 – x: 546.224,48 y: 4.69.2608,34

Punto 05 – x: 546.173,69 y: 4.692.440,71

Punto 06 – x: 546.097,84 y: 4.692.388,97

Revisada a cartografía das resolucións de clasificación de ambos MVMC, detéctase que existen lindes entre ambos e considérase que o deslindamento non afecta terceiros propietarios.

Na solicitude inicial as comunidades inician o deslindamento no punto 01 (x: 546.766,96; y: 469.3438,56). De oficio o Servizo de Montes recúa a liña de deslindamento ata o punto onde converxen a Avinza 03/2008 entre a CMVMC de Xende e a CMVMC de Gaxate e a Avinza 16/2010 entre a CMVMC da Lama e a CMVMC de Xende. O dito punto é xerado en gabinete e considerado un punto secundario denominado PS1 (x: 546.600,43 y: 4.693.381,38).

O deslindamento está formada por un único tramo, que se inicia no punto PS1 e continúa a traxectoria da pista forestal ata o punto 03 e remata no punto 06 (considerado na memoria técnica o punto de inflexión da liña do Instituto Xeográfico Nacional (en diante, IXN) entre os concellos da Lama e Ponte Caldelas.

O punto 06 é coincidente co punto 00 do expediente DC22060 (deslindamento entre a CMVMC da Lama e a CMVMC de Caritel-Forzáns) e no que converxen o monte veciñal da CMVMC da Lama, a CMVMC de Caritel-Forzáns e a CMVMC de Gaxate.

A liña do deslindamento produce modificacións na cartografía dos esbozos de clasificación das seguintes comunidades:

– CMVMC da Lama: realizase o axuste do punto inicial PS1 calculado de oficio e o punto final 06 para enlazar co resto do esbozo.

– CMVMC de Gaxate: a comunidade presenta un axuste tomando de referencia a cartografía catastral.

O Servizo de Montes considera que a solicitude se axusta ao establecido no artigo 53 da LMG, polo que propón que o Xurado aprobe o deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará unha resolución, que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC da Lama e a CMVMC de Gaxate, ambas no concello da Lama, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de MVMC de Pontevedra no prazo dun mes de acordo co disposto nos artigos 123 e 124 LPAC; ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.

Pontevedra, 21 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra