O Xurado Provincial de Clasificación de Montes Veciñais en Man Común de Pontevedra resolveu, na súa reunión do 26.3.2025, aprobar o deslindamento parcial entre as comunidades de montes veciñais en man común (en diante, CMVMC) de San Vicente de Nogueira e San Tomé de Nogueira (Meis), con base nos seguintes feitos e consideracións técnicas:

Antecedentes e consideracións técnicas:

Primeiro. O 28.9.2022 o presidente da CMVMC de San Vicente de Nogueira presenta solicitude de deslindamento entre a CMVMC de San Vicente de Nogueira e a CMVMC de San Tomé de Nogueira, ambas no concello de Meis.

Os montes veciñais en man común (en diante, MVMC) afectados por este deslindamento son:

– MVMC de Castrove e Regresol (ID: 2827) da CMVMC de Santo Tomé de Nogueira.

– MVMC de Castrove, Rías, Cairo, Andeón e Seara (ID: 2828) da CMVMC de San Vicente de Nogueira.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 26.9.2022.

– Acta de conciliación núm. 03/2023 entre as comunidades no Xulgado de Paz de Meis, do 12.4.2023.

– Certificado do 27.2.2023 da secretaría da CMVMC de San Vicente de Nogueira coa conformidade do presidente da aprobación na asemblea xeral do 23.12.2022.

– Certificado do 20.3.2023 da secretaría da CMVMC de San Tomé de Nogueira coa conformidade do presidente da aprobación na asemblea xeral do 11.2.2023.

– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 26.6.2023 pola enxeñeira técnica forestal colexiada núm. 740 do COETF de Galicia. As emendas posteriores producen a súa modificación.

– Informes de validación gráfica catastral con CSV: C5042C2X0VP1ERRQ.

Terceiro. A liña de deslindamento proposta ten unha lonxitude de 2.871 metros e está composta polos seguintes puntos:

Punto P01: X: 524.853,75; Y: 4.703.171,91

Punto P02: X: 524.867,10; Y: 4.703.222,31

Punto P03: X: 524.903,80; Y: 4.703.473,48

Punto P04: X: 525.018,61; Y: 4.704.119,53

Punto P05: X: 524.987,13; Y: 4.704.139,90

Punto P06: X: 524.956,50; Y: 4.704.173,59

Punto P07: X: 524.840,54 Y: 4.704.263,36

Punto P08: X: 524.797,71; Y: 4.704.299,57

Punto P09: X: 524.678,25; Y: 4.704.447,02

Punto P10: X: 524.596,00; Y: 4.704.565,15

Punto P11: X: 524.532,79; Y: 4.704.679,98

Punto P12: X: 524.501,53; Y: 4.704.777,44

Punto P13: X: 524.442,05; Y: 4.704.985,33

Punto P14: X: 524.434,85; Y: 4.705.024,72

Punto P15: X: 524.399,62; Y: 4.705.289,60

Punto P16: X: 524.363,62; Y: 4.705.523,51

Punto P17: X: 524.285,42; Y: 4.705.815,79

No traballo de gabinete establécense tres puntos de deslindamento secundarios para respectar o dominio público hidráulico (PS01, PS02 e PS03), polo que neste tramo non existe linde entre ambos os montes (o deslindamento realizarase coa Administración competente):

Punto PS01: X: 524.923,54; Y: 4.703.586,21

Punto PS02: X: 524.925,04; Y: 4.703.594,78

Punto PS03: X: 524.435,35; Y: 4.705.021,98

Revisada a cartografía das resolucións de clasificación de ambos os MVMC detéctase que existe linde entre ambos e considérase que non afecta terceiros propietarios.

A liña límite entre as dúas comunidades de montes correspóndese co trazado da devasa que discorre entre os puntos P01 a P16 e pola pista forestal ata chegar ao punto P17 no linde coas propiedades particulares.

O punto P17 non invade a parcela de titularidade catastral particular 36028A12100808, o dito punto sitúase no marco de formigón que delimita a propiedade particular. A parcela catastral 36028A12100406 non está afectada polo deslindamento, na ortofoto apréciase como a dita parcela está recuada con respecto á cartografía catastral (o deslindamento trazouse pola pista forestal). Quedan xustificadas pola imprecisión da cartografía catastral.

O punto P01 é coincidente co punto P02 do expediente DC22064 (deslindamento entre a CMVMC de San Vicente de Nogueira e a CMVMC de San Xoán de Poio) e co punto P03 do expediente DC22067 (deslindamento entre a CMVMC de San Tomé de Nogueira e a CMVMC de San Xoán de Poio). Polo que o punto P01 é o punto en que converxen a CMVMC de San Vicente de Nogueira, a CMVMC de San Tomé de Nogueira e a CMVMC de San Xoán de Poio.

O deslindamento está formado por 3 tramos:

Tramo 1: do punto P01 ao punto PSS01.

Tramo 2: do punto PS02 ao punto PS03.

Tramo 3: do punto P14 ao punto P17.

A liña do deslindamento non respecta a liña de concellos do Instituto Xeográfico Nacional entre os concellos de Meis e Poio.

A liña do deslindamento produce modificacións na cartografía dos esbozos de clasificación das seguintes comunidades:

– CMVMC de San Tomé de Nogueira: presenta un axuste no punto P01 coincidente co deslindamento DC22067 e desde o punto P17 presenta un axuste que pecha a liña de deslindamento coa cartografía existente.

– CMVMC de Vicente de Nogueira: presenta un axuste no punto P01 coincidente co deslindamento DC22064 e desde o punto P17 presenta un axuste que pecha a liña de deslindamento co deslindamento DC22065 (deslindamento entre a CMVMC de San Vicente de Nogueira e a CMVMC de San Salvador).

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC San Vicente de Nogueira e a CMVMC de San Tomé de Nogueira, ambas no concello de Meis, nos termos antes indicados.

Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de MVMC de Pontevedra no prazo dun mes de acordo co disposto nos artigos 123 e 124 LPAC, ou ben interpoñer directamente recurso contencioso-administrativo ante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.

Pontevedra, 21 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra