O Xurado Provincial de Clasificación de Montes Veciñais en Man Común de Pontevedra resolveu, na súa reunión do 26.3.2025, aprobar o deslindamento parcial entre as comunidades de montes veciñais en man común (en diante, CMVMC) de San Tomé de Nogueira (Meis) e San Xoán de Poio (Poio), con base nos seguintes feitos e consideracións técnicas.
Antecedentes e consideracións técnicas:
Primeiro. O 28.9.2022 o presidente da CMVMC de San Tomé de Nogueira presenta solicitude de deslindamento entre a CMVMC de San Tomé de Nogueira (Meis) e a CMVMC de San Xoán de Poio (Poio).
Os montes veciñais en man común (en diante, MVMC) afectados por este deslindamento son:
– MVMC do Castrove e Regresol (ID Monte: 2827) da CMVMC de San Tomé de Nogueira.
– MVMC de San Xoán de Poio (ID Monte: 3003) da CMVMC de San Xoán de Poio.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
• Acta do deslindamento do 6.9.2022.
• Acta de conciliación núm. 4/2023 entre as comunidades no Xulgado de Paz de Poio, do 24.3.2023.
• Certificado do secretario da CMVMC de San Tomé de Nogueira coa conformidade do presidente do 20.3.2023 da aprobación na asemblea xeral do 11.2.2023.
• Certificado do secretario da CMVMC de San Xoán de Poio coa conformidade do presidente do 30.11.2022 da aprobación na asemblea xeral do 27.11.2022.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829, asinada o 28.6.2023 pola enxeñeira técnica forestal colexiada núm. 740 do COETF de Galicia e modificada o 7.1.2025.
Informe de validación gráfica catastral cos CSV: S5DC8FB33WA35GTR e P6A547725QF5S6VF.
Terceiro. A liña de deslindamento proposta ten unha lonxitude de 405 metros e está composta polos seguintes puntos:
Punto 01: X: 525.235,06; Y: 4.703.036,78
Punto 02: X: 524.965,53; Y: 4.703.126,53
Punto 03: X: 524.853,75; Y: 4.703.171,91
Revisada a cartografía das resolucións de clasificación de ambos os MVMC, detéctase que existe linde entre ambas e non afecta terceiros propietarios.
O deslindamento está formado por un único tramo. O punto 01 é coincidente co punto 1 do expediente DC22050 (deslindamento entre a CMVMC de Curro e a CMVMC de San Tomé de Nogueira) e co punto 01 do expediente DC22049 (deslindamento entre a CMVMC de Curro e a CMVMC de San Xoán de Poio). Neste punto converxen a CMVMC de San Tomé de Nogueira, a CMVMC de San Xoán de Poio e CMVMC de Curro.
O punto 03 é coincidente co punto P01 do expediente DC22066 (deslindamento entre a CMVMC de San Tomé de Nogueira e a CMVMC de San Vicente de Nogueira) e co punto P02 do expediente DC22064 (deslindamento entre a CMVMC de San Vicente de Nogueira e a CMVMC de San Xoán de Poio). Neste punto converxen a CMVMC de San Tomé de Nogueira, a CMVMC de San Xoán de Poio e a CMVMC de San Vicente de Nogueira.
A liña do deslindamento non é coincidente coa liña do Instituto Xeográfico Nacional entre os concellos de Meis e Poio.
A liña do deslindamento produce as seguintes modificacións na cartografía dos esbozos de clasificación:
– A CMVMC de San Tomé de Nogueira presenta un axuste desde o punto inicial 01 coincidente co deslindamento DC22050 e un axuste desde o punto final 03 coincidente co deslindamento DC22066.
– A CMVMC de San Xoán de Poio presenta un axuste o punto inicial 01 coincidente co deslindamento DC22049 (modificado de oficio para respectar o esbozo da CMVMC de Campañó) e outro axuste desde o punto final 03 coincidente co deslindamento DC22064.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre a CMVMC de San Tomé de Nogueira (Meis) e a CMVMC de San Xoán de Poio (Poio), nos termos antes indicados.
Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de MVMC de Pontevedra no prazo dun mes de acordo co disposto nos artigos 123 e 124 LPAC, ou ben interpoñer directamente recurso contencioso-administrativo ante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.
Pontevedra, 21 de maio de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra