O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (en diante, CMVMC) da Lama e Antas (A Lama), con base nos seguintes feitos e consideracións técnicas.

Antecedentes e consideracións técnicas:

Primeiro. O 28.9.2022, o presidente da CMVMC da Lama presenta solicitude de deslindamento entre a CMVMC da Lama e a CMVMC de Antas ambas no concello da Lama. O 30.9.2022, o presidente da CMVMC de Antas presenta solicitude do mesmo deslindamento.

Os montes veciñais en man común (en diante, MVMC) afectados por este deslindamento son:

– MVMC da Lama (ID: 2814) da CMVMC da Lama.

– MVMC de Antas (ID: 2808) da CMVMC de Antas.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

• Acta do apeo do deslindamento do 30.6.2022.

• Acta de conciliación núm. 4 entre as comunidades no Xulgado de Paz da Lama do 15.2.2023.

• Certificado do 15.5.2023 do secretario da CMVMC da Lama coa conformidade do presidente da aprobación na asemblea xeral do 15.10.2022.

• Certificado do 25.9.2022 do secretario da CMVMC de Antas coa conformidade do presidente da aprobación na asemblea xeral do 25.9.2022.

• Memoria descritiva presentada pola CMVMC de Antas co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 30.6.2022 polo enxeñeiro técnico forestal colexiado núm. 296 do COETF de Galicia. A CMVMC da Lama presenta outra memoria descritiva asinada o 25.5.2023 pola enxeñeira técnica forestal colexiada núm. 740 do COETF de Galicia. Ambas as memorias son complementarias.

• Informes de validación gráfica catastral con CSV: 928JAGZ75WYHF75P.

Terceiro. A liña de deslindamento proposta ten unha lonxitude de 223 metros, e está composta polos seguintes puntos:

Punto 1 – x: 547.149,94 y: 4.694.570,87

Punto 2 – x: 547.159,55 y: 4.694.700,34

Punto 3 – x: 547.096,33 y: 4.694.769,02

Revisada a cartografía das resolucións de clasificación de ambos os MVMC detéctase que existe colindancia entre ambos e considerase que non afecta terceiros propietarios.

O deslindamento está formada por un tramo único. O dito deslindamento produce modificacións na cartografía dos esbozos de clasificación das seguintes comunidades:

– CMVMC de Antas: o expediente de revisión de esbozo RE22059 xa recolle o deslindamento actual.

– CMVMC da Lama: presenta un axuste desde o punto final 3 para pechar a liña de deslindamento coa cartografía existente e o Servizo de Montes de oficio modifica o axuste presentado desde o punto inicial 1 para respectar a avinza 16/2010 entre a CMVMC de Xende e a CMVMC da Lama.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC da Lama e a CMVMC de Antas, ambas no concello da Lama, nos termos antes indicados.

Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de MVMC de Pontevedra no prazo dun mes de acordo co disposto no artigo 123 e 124 LPAC; ou ben interpoñer directamente recurso contencioso-administrativo ante o Xulgado do Contencioso-Administrativo no prazo de dous meses de acordo co artigo 8 e 46 da LXCA.

Pontevedra, 28 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra