O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de Pallota, Laxes, Vexildo, Fontaíña e San Pedro e Barosela (Moraña), con base nos seguintes feitos e consideracións técnicas.

Antecedentes e consideracións técnicas:

Primeiro. O 30.9.2022 o presidente da CMVMC de Pallota, Laxes, Vexildo, Fontaíña e San Pedro presenta unha solicitude de deslindamento entre a súa comunidade e a CMVMC de Barosela, ambas as dúas do concello de Moraña. A dita solicitude deu lugar á apertura do expediente DC22144.

Os montes veciñais en man común (en diante, MVMC) afectados polo deslindamento son:

– MVMC de Chan de Reiriz (ID 2873) da CMVMC de Pallota, Laxes, Vexildo, Fontaíña e San Pedro.

– MVMC de Reiriz e Agüeiros (ID 2896), da CMVMC de Barosela.

Consta no expediente a seguinte documentación consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 13.5.2022, asinada o 3.7.2024.

– Papeleta do 10.7.2024 e acta de conciliación do 31.7.2023 do Xulgado de Paz de Moraña do acto conciliatorio número 7 de 2023.

– Certificado do 3.7.2024 da secretaria da CMVMC de Pallota, Laxes, Vexildo, Fontaíña e San Pedro coa conformidade do presidente da aprobación en asemblea xeral do 26.02.2023.

– Certificado do 8.7.2024 do secretario da CMVMC de Barosela coa conformidade do presidente da aprobación en asemblea xeral do 17.12.2022.

– Memoria descritiva de setembro de 2022, co plano de deslindamento e cartografía en formato dixital no datum ETRS89/UTM zona 29N EPSG: 25829, coas fotos dos puntos levantados sobre o terreo, asinada a última modificación o 30.9.2022 polo enxeñeiro técnico forestal colexiado número 568 do COETF de Galicia.

– Informe de validación gráfica catastral con CSV: 5PDYFJ9X1MMCWNGH.

Segundo. Os puntos levantados no campo, en coordenadas UTM ETRS89 (zona 29N) que se corresponden con puntos identificados con fitos sobre o terreo, son os seguintes:

Punto	UTMX	UTMY
1	532966,31	4712917,66
2	532944,85	4712890,20
3	532898,49	4712859,16
4	532772,18	4712633,61
5	532760,93	4712610,33
6	532689,98	4712589,74
7	532619,44	4712525,37
8	532522,92	4712505,65
9	532966,31	4712917,66
10	532354,04	4712373,52
11	532206,08	4712278,46

De maneira que:

– Os puntos do 1 ao 6: sería o límite entre o monte de Chain de Reiriz (ID 2873), pertencente á CMVMC de Pallota, Laxes, Vexildo, Fontaíña e San Pedro, e o monte Reiriz e Agüeiros (ID 2896), pertencente á CMVMC de Barosela.

– Os puntos do 6 ao 11: sería o límite entre o monte das Laxes (ID 2872), pertencente á CMVMC de Laxes, Fontaíña, San Pedro e Vexildo, e o monte Reiriz e Agüeiros (ID 2896), pertencente á CMVMC de Barosela.

No traballo de gabinete establécense puntos de deslindamento secundarios para respectar as áreas afectadas por dominio público de regatos e estradas. Estes puntos son:

Punto	UTMX	UTMY
1a	532961,50	4712911,50
1b	532957,83	4712906,81
6a	532685,00	4712585,00
6b	532668,00	4712569,00
8a	532481,00	4712478,00
9a	532476,00	4712475,00

Terceiro. A liña de deslindamento proposta neste expediente, respectando as propiedades particulares, é entre o monte Chain de Reiriz (ID 2873) e o monte Reiriz e Agüeiros (ID2896). Ten unha lonxitude de 184,49 metros e está formada por 2 tramos:

– Tramo 1 de 84,72 m: de 1 a 3, interrompida de 1a a 1b polo dominio público dun pequeno regato.

– Tramo 2 de 99,77 m de 4 a 6.

A liña corresponde cos seguintes puntos:

Punto	UTMX	UTMY
1	532966,31	4712917,66
1a	532961,50	4712911,50
1b	532957,83	4712906,81
2	532944,85	4712890,20
3	532898,49	4712859,16
4	532772,18	4712633,61
5	532760,93	4712610,33
6	532689,98	4712589,74

Revisada a cartografía das resolucións de clasificación de ambos MVMC, detéctase que non existen lindeiros entre os montes, pero están xustificados os lindeiros pola cartografía catastral e polo deslindamento xa rexistrado no rexistro de MVMC entre Barosela e Soiglesias (expediente PODESC0315, DOG núm. 163, do 27.8.2015).

A liña de deslindamento produce modificacións na cartografía do esbozo de clasificación das seguintes comunidades:

– CMVMC de Pallota, Laxes, Vexildo, Fontaíña e San Pedro: presenta axuste co esbozo.

– CMVMC de Barosela: presenta axuste co resto do esbozo.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo xurado do deslindamento segundo a liña presentada.

En canto á liña definida polos puntos 6 a 11, o deslindamento entre a CMVMC de Laxes, Fontaíña, San Pedro e Vexildo e a CMVMC de Barosela, a CMVMC de Laxes, Fontaíña, San Pedro e Vexildo poderá volver presentar solicitude de deslindamento unha vez regularice a súa situación.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará unha resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC Pallota, Laxes, Vexildo, Fontaíña e San Pedro e a CMVMC de Barosela, ambas as dúas no concello de Moraña, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da Lei 29/1998, do 13 de xullo, reguladora da xurisdición contensioso-administrativa.

Pontevedra, 28 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra