O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de Almofrei e Borela (Cerdedo-Cotobade), con base nos seguintes feitos e consideracións técnicas.

Antecedentes e consideracións técnicas:

Primeiro. O 30.9.2022 o presidente da CMVMC de Almofrei presenta unha solicitude de deslindamento entre a CMVMC de Almofrei e a CMVMC de Borela, ambas no concello de Cerdedo-Cotobade. Os montes veciñais en man común (en diante, MVMC) afectados por este deslindamento son:

– MVMC de Almofrei (ID: 2583) da CMVMC de Almofrei.

– MVMC de Borela (ID: 2584) da CMVMC de Borela.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

• Acta do apeo do deslindamento de xullo de 2022.

• Acta de conciliación do 23.9.2022 entre ambas as comunidades no Xulgado de Paz do Concello de Cerdedo-Cotobade do 23.9.2022.

• Certificado do 20.9.2022 do secretario da CMVMC de Almofrei coa conformidade do presidente da aprobación en asemblea xeral do 10.4.2022.

• Certificado do 15.7.2024 do secretario da CMVMC de Borela coa conformidade do presidente da aprobación en asemblea xeral do 22.5.2022.

• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829, asinada en xullo de 2024 polo enxeñeiro técnico forestal colexiado núm. 568 do COETF de Galicia.

• Informes de validación gráfica catastral con CSV: SN2MJ965CE0HRN87 e CSV: NJAHMR9RQ3AR99GM.

Terceiro. A liña de deslindamento proposta ten unha lonxitude de 3.459 metros, e está composta polos seguintes puntos:

Punto 1 x: 539.410 y: 4.696.999

Punto 2 x: 539.254 y: 4.697.174

Punto 3 x: 539.079 y: 4.697.376

Punto 4 x: 538.730 y: 4.697.647

Punto 5 x: 538.591 y: 4.697.893

Punto 6 x: 538.465 y: 4.698.332

Punto 7 x: 538.303 y: 4.699.246

Punto 8 x: 538.317 y: 4.699.510

Punto 9 x: 538.608 y: 4.700.189

Punto 10 x: 539.079 y: 4.701.150

Revisada a cartografía das resolucións de clasificación de ambos os MVMC detéctase que existe linde entre ambos os dous e considérase que non afecta terceiros propietarios. Tómanse os seguintes puntos secundarios en gabinete para respectar dominios públicos e propiedades particulares:

Punto 4a x: 538.703 y: 4.697.695

Punto 5a x: 538.597 y: 4.697.884

Punto 5b x: 538.587 y: 4.697.908

Punto 5c x: 538.584 y: 4.697.918

Punto 6a x: 538.454 y: 4.698.392

Punto 7a x: 538.311 y: 4.699.200

Punto 7b x: 538.307 y: 4.699.317

Punto 8a x: 538.308 y: 4.699.351

Punto 8b x: 538.307 y: 4.699.335

A liña de deslindamento está formada por catro tramos: punto 1, punto 4a, punto 5a, punto 6a, punto 7a, punto 8a, punto 8, punto 10.

A liña do deslindamento produce modificacións na cartografía dos esbozos de clasificación, polo que ambas as comunidades realizan un axuste para que o deslindamento sexa coincidente no punto inicial e final coa planimetría existente. O axuste invade lixeiramente os esbozos de clasificación da CMVMC de Reboreda e da CMVMC de Viascón, ben que constan ambas as conformidades no expediente.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial realizado entre a CMVMC de Almofrei e a CMVMC de Borela, ambas no concello de Cerdedo-Cotobade, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigo 123 e 124 LPAC, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses de acordo cos artigos 8 e 46 da LXCA.

Pontevedra, 28 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra