O Xurado Provincial de Clasificación de Montes Veciñais en Man Común de Pontevedra resolveu na súa reunión do 26.3.2025 aprobar o deslindamento parcial entre as comunidades de montes veciñais en man común (CMVMC) de Almofrei e Tenorio (Cerdedo-Cotobade), con base nos seguintes feitos e consideracións técnicas.

Antecedentes e consideracións técnicas:

Primeiro. O 30.9.2022, o presidente da CMVMC de Almofrei presenta solicitude de deslindamento entre a CMVMC de Almofrei e a CMVMC de Tenorio ambas no concello de Cerdedo-Cotobade. Os montes veciñais en man común (en diante, MVMC) afectados por este deslindamento son:

– MVMC de Almofrei (ID: 2583) da CMVMC de Almofrei.

– MVMC de Tenorio (ID: 2593) da CMVMC de Tenorio.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

• Acta do apeo do deslindamento de xullo de 2022.

• Acta de conciliación do 30.9.2022 entre ambas as comunidades no Xulgado de Paz do Concello de Cotobade do 23.9.2022.

• Certificado do 20.9.2022 do secretario da CMVMC de Almofrei coa conformidade do presidente da aprobación na asemblea xeral do 10.4.2022.

• Certificado do 18.7.2024 do secretario da CMVMC de Tenorio coa conformidade do presidente da aprobación na asemblea xeral do 25.9.2022.

• Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 19.7.2024 polo enxeñeiro técnico forestal colexiado núm. 568 do COETF de Galicia.

• Informes de validación gráfica catastral con CSV: Y4GT73CT7AJ1MWK3.

Terceiro. A liña de deslindamento proposta ten unha lonxitude de 2.985 metros e está composta polos seguintes puntos:

Punto 1 x: 539.456 y: 4.702.209

Punto 2 x: 539.414 y: 4.702.156

Punto 3 x: 538.829 y: 4.701.327

Punto 4 x: 538.705 y: 4.700.918

Punto 5 x: 538.341 y: 4.700.244

Punto 6 x: 538.168 y: 4.699.482

Punto 7 x: 538.135 y: 4.699.490

Revisada a cartografía das resolucións de clasificación de ambos os MVMC detéctase que existe colindancia entre ambos e considérase que non afecta terceiros propietarios. Tómanse os seguintes puntos secundarios en gabinete:

Punto 6a x: 538.203 y: 4.699.640

Punto 6b x: 538.174 y: 4.699.512

Punto 7a x: 538.110 y: 4.699.496

A liña de deslindamento divídese en dous tramos: punto 1-punto 6A e punto 6b-punto 7a.

A liña do deslindamento produce modificacións na cartografía dos esbozos de clasificación polo que ambas as comunidades realizan un axuste para que o deslindamento sexa coincidente nos puntos inicial e final coa planimetría existente. O axuste invade lixeiramente os esbozos de clasificación da CMVMC de Reboreda e da CMVMC de Viascón, ben que, constan ambas as conformidades no expediente.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre a CMVMC de Almofrei e a CMVMC de Tenorio, ambas no concello de Cerdedo-Cotobade, nos termos antes indicados.

Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo perante o xulgado do contencioso-administrativo no prazo de dous meses de acordo cos artigos 8 e 46 da LXCA.

Pontevedra, 28 de maio de 2025

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra