A Deputación Provincial da Coruña, na sesión plenaria ordinaria do 30 de maio de 2025, adoptou o seguinte acordo:

«21. Aprobación da aceptación da delegación de competencias do Concello da Capela sobre a recadación da taxa de recollida de residuos urbanos e recadación executiva.

1. Aceptar a delegación das competencias acordada polo Concello da Capela en relación coas seguintes materias:

– Recadación voluntaria e executiva da taxa do servizo de recollida e tratamento de residuos urbanos.

– Recadación executiva de tributos, prezos públicos e calquera outro ingreso de dereito público de cobramento non periódico ou por períodos inferiores ao ano.

2. A delegación entrará en vigor unha vez que sexa publicado este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia aprobadas para o efecto por esta deputación provincial».

A Coruña, 6 de xuño de 2025

O presidente da Deputación Provincial da Coruña P.D. (Resolución número 32898, do 29.8.2023) José Ramón Rioboo Castro Deputado da Deputación Provincial da Coruña

Miguel Iglesias Martínez Secretario xeral da Deputación Provincial da Coruña