O Xurado Provincial de Clasificación de Montes Veciñais en Man Común da Coruña, con data do 20.6.2024, acordou iniciar os trámites para a declaración como veciñal en man común do monte que se describe:
– Expediente 432.
– Monte: parte do monte Barbanza-Graiade (ampliación).
– Concello: Porto do Son.
– Superficie: 53,28 ha.
– Pertenza: CMVMC de Baroña.
Límites:
– Norte: co MVMC de Barbanza, Enxa e Dordo, propiedade da CMVMC de Noal.
– Leste: co MVMC Barbanza, Enxa, Xián, Dordo, Costa de Abaixo e O Sobrado, propiedade da propia CMVMC de Baroña.
– Sur: vértice entre os MVMC de Barbanza, Enxa, Xián, Dordo, Costa de Abaixo e O Sobrado, o MVMC de Arrancada, Chans de Reis, O Castrelo de Vitres e outros, e o MVMC de Barbanza e Graiade, propiedade da CMVMC de Ribasieira.
– Oeste: co MVMC de Arrancada, Chans de Reis, Castelo de Vitres e outros, propiedade da CMVMC de Runs, Teaño, Mosquete, Loxo de Arriba, Loxo de Abaixo, Pazos, Coroño, As Coviñas e Ordenario.
O monte está conformado polas referencias catastrais seguintes:
|
Referencias catastro |
Sup. afección (ha) |
SUP total parcela catastral (ha) |
|
15072A025600010000PZ |
0,2691 |
167,99 |
|
15072A022600010000PX |
0,0371 |
32,59 |
|
15011A075000020000XM |
3,7075 |
73,00 |
|
15011A077000020000XU |
0,1945 |
22,27 |
|
15011A077000060000XB |
13,2471 |
46,18 |
|
15011A076000010000XY |
28,848 |
74,16 |
|
15011A076090010000XT |
0,2572 |
0,55 |
|
15011A076092000000XR |
0,797 |
0,48 |
|
15011A075600140000XG |
4,7721 |
31,86 |
|
15011A076600130000XZ |
1,8677 |
3,26 |
|
53,28 |
En total a superficie obxecto da declaración é: 53,28 ha.
A superficie do monte da que se solicita clasificación provén de parte do monte de utilidade pública Barbanza-Graiade, número 211, que pertencía á parroquia de Baroña, pero que vén sendo representada polo Concello de Porto do Son.
O amolloamento do monte Barbanza-Graiade de Baroña foi aprobado segundo a Orde ministerial do 15.2.1974, en que tamén consta a súa pertenza á parroquia de Baroña.
Por medio deste edicto e conforme o disposto no artigo 11 da Lei de montes veciñais en man común, do 10 de outubro de 1989, e o artigo 23 do seu Regulamento do 4 de setembro de 1992, faise pública a iniciación da tramitación do expediente indicado, co obxecto de que, cantas persoas, organismos ou corporacións resulten interesadas, poidan comparecer e intervir no devandito expediente.
O que se pon en coñecemento de todos os interesados, indicándolles que se abre un período dun mes para que poidan examinar o expediente e efectuar as alegacións que consideren convenientes, así como achegar os documentos ou informacións que xulguen oportunos, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Poderán consultar o antedito expediente no Departamento Territorial do Medio Rural da Coruña, Vicente Ferrer, 2, 6º andar, 15071 A Coruña, das 9.00 ás 14.00 horas.
As alegacións dirixiranse ao Servizo de Montes do Departamento Territorial do Medio Rural da Coruña e poderanse presentar en calquera rexistro público ou a través da sede electrónica da Xunta de Galicia.
A Coruña, 11 de xuño de 2025
María Nieves Mancebo Santamaría
Presidenta do Xurado Provincial de Clasificación de Montes Veciñais
en Man Común da Coruña