Infórmase que a alcaldesa, na Resolución da Alcaldía do 18 de xuño de 2025, resolveu, entre outros, o seguinte:

«Primeiro. Aprobar inicialmente o proxecto de expropiación polo procedemento de taxación conxunta para a execución de planeamento: senda peonil na estrada do Pazo en Ardán, achegado con data do 15 de xaneiro de 2025 (NRE 707).

Segundo. Ordenar a apertura do trámite de información pública polo prazo dun mes, mediante a inserción de anuncios no Diario Oficial de Galicia e nun xornal dos de maior circulación da provincia, para que aquelas persoas que poidan resultar interesadas formulen as observacións e reclamacións que consideren convenientes, en particular no relativo á titularidade ou valoración dos seus respectivos dereitos. A publicación servirá de notificación para os efectos do disposto no artigo 44 da LPAC.

Terceiro. Notificar as taxacións de forma individual a aquelas persoas que aparezan como titulares de bens e dereitos no expediente, mediante traslado literal das correspondentes fichas de aprecio individualizadas e a proposta de fixación dos criterios de valoración, para que formulen as alegacións que teñan por conveniente no prazo dun mes a partir da data da notificación. A publicación servirá de notificación para os interesados descoñecidos ou de ignorado domicilio conforme o disposto no artigo 44 Lei 39/1995, do 1 de outubro, do procedemento administrativo común das administracións públicas.

Cuarto. Solicitar do Rexistro da Propiedade número 2 de Pontevedra a práctica da nota marxinal de incoación do procedemento expropiatorio por taxación conxunta naqueles predios afectados polo mesmo que figuren inscritos, consonte o disposto no artigo 22 e seguintes do Real decreto 1093/1997, do 4 de xullo».

O proxecto de expropiación polo procedemento de taxación conxunta para a execución de planeamento: senda peonil na estrada do Pazo en Ardán pode ser consultado na seguinte ligazón:

https://ssweb.seap.minhap.es/almacen/descarga/envio/ae67f4bd282d776fc0b4c0102cdf58bb2f810732

Marín, 26 de xuño de 2025

María Ramallo Vázquez
Alcadesa