No Diario Oficial de Galicia número 70, do 10 de abril de 2025, publícase a Resolución do 31 de marzo de 2025, da Consellería de Política Social e Igualdade, pola que se publica a convocatoria, mediante o procedemento de asignación de concerto social, para a prestación do servizo de xestión dos puntos de encontro familiar de Santiago de Compostela, Lugo e Pontevedra (código de procedemento BS213V).
O número 6 da cláusula M) do anexo I da Resolución do 31 de marzo de 2025 establece que a resolución de concertación será publicada no Diario Oficial de Galicia e a publicación terá os efectos da notificación, consonte o artigo 45 da Lei 39/2015, do 1 de outubro, do procedemento administrativo común das administracións públicas. Así mesmo, serán igualmente obxecto de publicidade a través da páxina web da Consellería de Política Social e Igualdade.
Unha vez instruído o procedemento de asignación do concerto de conformidade coas bases de selección da convocatoria, realizada a valoración segundo os criterios de selección e preferencia, e formulada a proposta de adxudicación, con data do 11 de xullo de 2025 o órgano competente emite a resolución que pon fin ao procedemento.
Polo exposto,
RESOLVO:
Primeiro. Ordenar a publicación, no Diario Oficial de Galicia, do contido íntegro da Resolución do 11 de xullo de 2025, ditada no procedemento BS213V, de selección de entidades prestadoras de servizos sociais para a concertación, mediante procedemento de asignación de concerto social, da prestación do servizo de xestión dos puntos de encontro familiar de Santiago de Compostela, Lugo e Pontevedra, que se xunta como anexo a esta resolución.
Segundo. Notificada a resolución polo órgano competente, procederase á formalización do concerto coa entidade seleccionada para cada lote.
A formalización deste concerto social, de acordo co establecido no artigo 19 do Decreto 229/2020, do 17 de decembro, polo que se desenvolve o réxime de concertos sociais no ámbito da Comunidade Autónoma de Galicia, farase mediante un documento administrativo dentro dos trinta (30) días seguintes ao da publicación da resolución de concertación.
O concerto social perfeccionarase coa súa formalización e non se poderá iniciar a súa execución sen se ter efectuado esta previamente.
Efectuada a formalización, a entidade concertada estará obrigada a prestarlles ás persoas usuarias os servizos sociais nas condicións establecidas na normativa sectorial aplicable, na resolución da convocatoria do concerto social e, de ser o caso, nos criterios de preferencia e selección da entidade.
Santiago de Compostela, 14 de xullo de 2025
Jacobo José Rey Sastre
Director xeral de Familia, Infancia e Dinamización Demográfica
ANEXO
Resolución do 11 de xullo de 2025 pola que se seleccionan as entidades prestadoras de servizos sociais para a concertación, mediante procedemento
de asignación de concerto social, da prestación do servizo de xestión
dos puntos de encontro familiar de Santiago de Compostela,
Lugo e Pontevedra (código de procedemento BS213V)
A través da Resolución do 31 de marzo de 2025, da Consellería de Política Social e Igualdade, apróbase e publícase a convocatoria, mediante procedemento de asignación de concerto social, para a selección de entidades encargadas da prestación do servizo de xestión dos puntos de encontro familiar de Santiago de Compostela, Lugo e Pontevedra (código de procedemento BS213V).
As entidades presentadas segundo os lotes son as seguintes:
|
Entidade solicitante |
NIF |
Data de presentación |
Lote a que se presenta |
|
Asociación Centro Trama |
G80054760 |
8.5.2025 |
Lote 1. Punto de encontro familiar de Santiago de Compostela Lote 2. Punto de encontro familiar de Lugo Lote 3. Punto de encontro familiar de Pontevedra |
|
Fundación Diagrama Intervención Psicosocial |
G73038457 |
9.5.2025 |
Lote 1. Punto de encontro familiar de Santiago de Compostela |
|
Fundación Meniños |
G15551120 |
12.5.2025 |
Lote 3. Punto de encontro familiar de Pontevedra |
|
Fundación Educativa e Social Dignidade |
G27473677 |
12.5.2025 |
Lote 1. Punto de encontro familiar de Santiago de Compostela Lote 2. Punto de encontro familiar de Lugo Lote 3. Punto de encontro familiar de Pontevedra |
|
Eulen Servicios Sociosanitarios, S.A. |
A79022299 |
12.5.2025 |
Lote 1. Punto de encontro familiar de Santiago de Compostela Lote 2. Punto de encontro familiar de Lugo Lote 3. Punto de encontro familiar de Pontevedra |
Unha vez examinadas as solicitudes polo órgano instrutor, avaliadas as ditas solicitudes pola Comisión de Valoración, vista a proposta de resolución formulada pola Dirección Xeral de Familia, Infancia e Dinamización Demográfica,
RESOLVO:
Primeiro. Seleccionar, para levar a cabo a execución do lote 1, xestión do punto de encontro familiar de Santiago de Compostela, a entidade que obtén maior puntuación, en aplicación dos criterios de valoración e baremo da cláusula O) do anexo I da Resolución do 31 de marzo de 2025.
Consonte os criterios de valoración reflectidos no texto da resolución, a Comisión de Valoración establece a seguinte puntuación para as entidades presentadas ao lote 1 do concerto:
|
Entidade |
NIF |
Total puntuación |
|
Fundación Diagrama Intervención Psicosocial |
G73038457 |
79,5 puntos |
|
Fundación Educativa e Social Dignidade |
G27473677 |
77 puntos |
|
Eulen Servicios Sociosanitarios, S.A. |
A79022299 |
75,5 puntos |
|
Asociación Centro Trama |
G80054760 |
73,5 puntos |
Segundo. Seleccionar, para levar a cabo a execución do lote 2, xestión do punto de encontro familiar de Lugo, a entidade que obtén maior puntuación, en aplicación dos criterios de valoración e baremo da cláusula O) do anexo I da Resolución do 31 de marzo de 2025.
Consonte os criterios de valoración reflectidos no texto da resolución, a Comisión de Valoración establece a seguinte puntuación para as entidades presentadas ao lote 2 do concerto:
|
Entidade |
NIF |
Total puntuación |
|
Fundación Educativa e Social Dignidade |
G27473677 |
77 puntos |
|
Asociación Centro Trama |
G80054760 |
76 puntos |
|
Eulen Servicios Sociosanitarios, S.A. |
A79022299 |
75,5 puntos |
Terceiro. Seleccionar, para levar a cabo a execución do lote 3, punto de encontro familiar de Pontevedra, a entidade que obtén maior puntuación, en aplicación dos criterios de valoración e baremo da cláusula O) do anexo I da Resolución do 31 de marzo de 2025.
Consonte os criterios de valoración reflectidos no texto da resolución, a Comisión de Valoración establece a seguinte puntuación para as entidades presentadas ao lote 3 do concerto:
|
Entidade |
NIF |
Total puntuación |
|
Fundación Educativa e Social Dignidade |
G27473677 |
77 puntos |
|
Eulen Servicios Sociosanitarios, S.A. |
A79022299 |
75,5 puntos |
|
Asociación Centro Trama |
G80054760 |
75 puntos |
|
Fundación Meniños |
G15551120 |
69,75 puntos |
Cuarto. Adxudicarlle o lote 1 do concerto social, xestión do punto de encontro familiar de Santiago de Compostela, do xeito que se indica e polo importe que se sinala, á seguinte entidade:
|
NIF |
Entidade |
|
G73038457 |
Fundación Diagrama Intervención Psicosocial |
Código de procedemento: BS213V.
Modalidade de concertación: procedemento de asignación de concertos.
Data de publicación da convocatoria no Diario Oficial de Galicia: 10.4.2025.
Prazo de execución: o prazo de duración do concerto será desde a data da súa formalización ata o 30.6.2029.
O importe de adxudicación (exento de IVE) é o seguinte:
|
Distribución de anualidades |
|
|
Anualidade |
Importe |
|
2025 (5 meses) |
99.490,65 € |
|
2026 |
250.452,11 € |
|
2027 |
269.682,65 € |
|
2028 |
282.013,63 € |
|
2029 (6 meses) |
146.836,97 € |
Quinto. Adxudicarlle o lote 2 do concerto social, xestión do punto de encontro familiar de Lugo, do xeito que se indica e polo importe que se sinala, á seguinte entidade:
|
NIF |
Entidade |
|
G27473677 |
Fundación Educativa e Social Dignidade |
Código de procedemento: BS213V.
Modalidade de concertación: procedemento de asignación de concertos.
Data de publicación da convocatoria no Diario Oficial de Galicia: 10.4.2025.
Prazo de execución: o prazo de duración do concerto será desde a data da súa formalización ata o 30.6.2029.
O importe de adxudicación (exento de IVE) é o seguinte:
|
Distribución de anualidades |
|
|
Anualidade |
Importe |
|
2025 (5 meses) |
83.948,85 € |
|
2026 |
208.904,84 € |
|
2027 |
225.423,71 € |
|
2028 |
235.266,11 € |
|
2029 (6 meses) |
121.870,09 € |
Sexto. Adxudicarlle o lote 3 do concerto social, xestión do punto de encontro familiar de Pontevedra, do xeito que se indica e polo importe que se sinala, á seguinte entidade:
|
NIF |
Entidade |
|
G27473677 |
Fundación Educativa e Social Dignidade |
Código de procedemento: BS213V.
Modalidade de concertación: procedemento de asignación de concertos.
Data de publicación da convocatoria no Diario Oficial de Galicia: 10.4.2025.
Prazo de execución: o prazo de duración do concerto será desde a data da súa formalización ata o 30.6.2029.
O importe de adxudicación (exento de IVE) é o seguinte:
|
Distribución de anualidades |
|
|
Anualidade |
Importe |
|
2025 (5 meses) |
82.410,55 € |
|
2026 |
205.084,04 € |
|
2027 |
221.178,33 € |
|
2028 |
231.020,73 € |
|
2029 (6 meses) |
119.959,69 € |
Sétimo. Asinar o concerto social para cada un dos lotes coa entidade seleccionada dentro dos trinta (30) días seguintes ao da publicación da resolución de concertación, segundo indica o artigo 19 do Decreto 229/2020, do 17 de decembro, polo que se desenvolve o réxime de concertos sociais no ámbito da Comunidade Autónoma de Galicia.
Oitavo. Contra esta resolución, que esgota a vía administrativa, poderá interpoñerse recurso potestativo de reposición, ante o mesmo órgano que a ditou, no prazo dun mes contado a partir do día seguinte ao da publicación desta resolución no Diario Oficial de Galicia, ou ben directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da súa publicación no Diario Oficial de Galicia.
Noveno. A resolución de concertación será publicada no Diario Oficial de Galicia e a publicación terá os efectos da notificación, consonte o artigo 45 da Lei 39/2015, do 1 de outubro, do procedemento administrativo común das administracións públicas, tal como se indica no artigo 17.2 do Decreto 229/2020, do 17 de decembro.
Santiago de Compostela, 14 de xullo de 2025. A conselleira de Política Social e Igualdade. P.D. (anexo I, letra J), da Resolución do 15.7.2024). Jacobo Rey Sastre, director xeral de Familia, Infancia e Dinamización Demográfica.