Mediante o acordo da Xunta de Goberno Local, adoptado en sesión do 4.7.2025, aprobouse inicialmente o estudo de detalle para o reaxuste de aliñacións e de rasantes do viario previsto nas normas subsidiarias de planeamento entre a rúa Estrada de Cea e a rúa Alameda en Maside, redactado polo arquitecto municipal Óscar González Fernández, asinado dixitalmente o 30.1.2025.

O expediente sométese a información pública durante o prazo dun mes, contado a partir do día seguinte ao da última publicación deste anuncio no Diario Oficial de Galicia e nun dos periódicos de maior difusión da provincia, de acordo co disposto no artigo 80.2 da Lei 2/2016, do 10 de febreiro, do solo de Galicia, e nos artigos 194.2 e 207 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia.

Durante o citado período poderán formularse as alegacións que se xulguen pertinentes e o expediente de encóntrase manifesto nas oficinas da Secretaría municipal deste concello (praza Maior, 1), das 9.00 ás 13.00 horas, de luns a venres. Do mesmo xeito, estará á disposición no taboleiro de anuncios e portal de transparencia da sede electrónica deste concello (http://maside.sedelectronica.gal).

Igualmente, faise público que, en aplicación do artigo 47.2 da Lei 2/2016 e do artigo 86.2 do Decreto 143/2016, suspéndese o outorgamento das licenzas de parcelamento de terreos, edificación e demolición, durante o prazo de dous anos, no ámbito do solo afectado pola aprobación do estudo de detalle; e extinguirase, en calquera caso, coa aprobación definitiva do planeamento.

Se transcorrido o citado prazo non se tivesen presentado alegacións, o documento será elevado para a súa aprobación definitiva, se procede.

Maside, 4 de julio de 2025

O alcalde
P.D. (Decreto 366/2025, do 4 de xullo)
Wenceslado Ángel Botana Mosquera
Primeiro tenente de alcalde