BDNS (Identif.): 851368.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:

https://www.infosubvenciones.es/bdnstrans/GE/es/convocatoria/851368

Primeiro. Entidades beneficiarias

Serán entidades beneficiarias as agrupacións entre un organismo de investigación de Galicia e unha ou varias empresas das cales polo menos unha debe ser unha peme, nos termos previstos no artigo 8.3 da Lei 9/2007, do 13 de xuño, de subvencións de Galicia, que formen parte dunha unidade mixta de investigación para o desenvolvemento de forma conxunta e coordinada de actividades de I+D+i.

No marco desta resolución, consideraranse organismos de investigación:

– Os centros tecnolóxicos e os centros de apoio á innovación tecnolóxica de Galicia.

– As universidades públicas do Sistema universitario galego.

– Os centros en Galicia do Consello Superior de Investigacións Científicas.

– As fundacións públicas de investigación sanitaria de Galicia.

–Outros organismos de investigación de Galicia que teñan definida nos seus estatutos a I+D como actividade principal.

As empresas poderán ser pequenas, medianas e grandes, segundo as definicións do Regulamento (UE) nº 651/2014 da Comisión, do 17 de xuño, polo que se declaran determinadas categorías de axudas compatibles co mercado interior en aplicación dos artigos 107 e 108 do tratado.

Segundo. Obxecto da convocatoria

Esta resolución ten por obxecto aprobar as bases polas cales se rexerá a concesión das axudas da Axencia Galega de Innovación, no marco do Programa de unidades mixtas de investigación, mediante as seguintes modalidades:

• Modalidade A: axudas para a creación e posta en marcha de novas unidades mixtas de investigación, procedemento IN853A.

• Modalidade B: axudas para a consolidación de unidades mixtas de investigación, procedemento IN853B.

• Modalidade C: axudas para centros mixtos de investigación, procedemento IN853C.

Estas axudas teñen como obxectivo impulsar o desenvolvemento de proxectos colaborativos no ámbito da I+D+i, promovendo a cooperación entre os centros de coñecemento e empresas para abordar retos conxuntos e desenvolver solucións innovadoras no marco da Estratexia de especialización intelixente (RIS3) de Galicia 2021-2027.

Así mesmo, mediante esta resolución convócanse as ditas axudas para o ano 2025 en réxime de publicidade, obxectividade e concorrencia competitiva; as axudas concedidas no marco da presente resolución axustaranse ao establecido no Regulamento (UE) nº 651/2014.

Terceiro. Bases reguladoras

Publícanse conxuntamente coa convocatoria.

Cuarto. Financiamento

O importe total da convocatoria é 12.000.000 euros, coa seguinte distribución:

Modalidade	Entidades beneficiarias	Aplicación orzamentaria	Crédito (en euros)
Ano 2025	Ano 2026	Ano 2027	Ano 2028	Total
Mod. A (IN853A)	Organismos de investigación privados	07.A2.561A.781.0 (CP: 2025 00003)	321.250,00	900.000,00	1.183.750,00	750.000,00	3.155.000,00
	Organismos de investigación públicos	07.A2.561A.744.0 (CP: 2025 00003)	3.750,00	300.000,00	291.250,00	250.000,00	845.000,00
	Total		325.000,00	1.200.000,00	1.475.000,00	1.000.000,00	4.000.000,00
Mod. B (IN853B)	Organismos de investigación privados	07.A2.561A.781.0 (CP: 2025 00004)	318.750,00	900.000,00	1.181.250,00	750.000,00	3.150.000,00
	Organismos de investigación públicos	07.A2.561A.744.0 (CP: 2025 00004)	6.250,00	300.000,00	293.750,00	250.000,00	850.000,00
	Total		325.000,00	1.200.000,00	1.475.000,00	1.000.000,00	4.000.000,00
Mod. C (IN853C)	Organismos de investigación privados	07.A2.561A.781.0 (CP: 2025 00004)	260.000,00	660.000,00	980.000,00	600.000,00	2.500.000,00
	Organismos de investigación públicos	07.A2.561A.744.0 (CP: 2025 00004)	90.000,00	440.000,00	570.000,00	400.000,00	1.500.000,00
	Total		350.000,00	1.100.000,00	1.550.000,00	1.000.000,00	4.000.000,00
Total			1.000.000,00	3.500.000,00	4.500.000,00	3.000.000,00	12.000.000,00

A distribución de fondos entre as modalidades de axuda, as aplicacións orzamentarias, a tipoloxía de beneficiarios e as anualidades sinaladas é unha previsión que deberá axustarse tras a valoración das solicitudes de axuda, e mesmo será posible a incorporación de novas aplicacións orzamentarias e de novos conceptos de gasto, tendo en conta a natureza das entidades beneficiarias, sen incrementar o crédito total.

Intensidade das axudas: ata un 40 % do orzamento total subvencionable da unidade mixta, cun máximo de 3.000.000 euros.

Quinto. Prazo das solicitudes

O prazo de presentación de solicitudes comezará o día seguinte ao da publicación da convocatoria no Diario Oficial de Galicia e rematará o 22 de setembro de 2025, e deberá cumprirse o prazo mínimo dun mes.

Santiago de Compostela, 29 de xullo de 2025

Carmen Cotelo Queijo
Directora da Axencia Galega de Innovación