DOG 158 do 20/8/2025 - RESOLUCIÓN do 24 de xullo de 2025, do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Negreira (expediente IN407A 2024/169-1).

VI. Anuncios

a) Administración autonómica

Consellería de Economía e Industria

RESOLUCIÓN do 24 de xullo de 2025, do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Negreira (expediente IN407A 2024/169-1).

Expediente: IN407A 2024/169-1.

Solicitante/promotora: UFD Distribución Electricidad, S.A.

Denominación: LMTA NEG811 e TA2803 entre os apoios 9SJAB29W//D55 e 9SM6C2J6//D58.

Concello: Negreira.

Feitos:

1. O día 10.5.2024, a empresa promotora solicitou a autorización administrativa previa, a autorización administrativa de construción e a declaración de utilidade pública da instalación de distribución eléctrica mencionada. Co obxecto de realizar obras de regulamentación por incumprimento de distancias mínimas ao chan nun tramo compartido de dobre circuíto entre as liñas de distribución de media tensión LMT NEG811 Corgal 11 e TA2803 Insuas-Presa-Urdilde Ponte 3 (expediente 31.931), procedentes da subestación Negreira e Tambre II, no lugar de Reibó, parroquia de Liñaio, concello de Negreira, proxéctase a substitución dun apoio de formigón por outro de tipo metálico de maior altura, a instalación dun novo apoio metálico e a substitución de dous condutos de dous vans existentes.

Ao abeiro dos artigos 123 e 143 do Real decreto 1955/2000, presentan o proxecto de execución denominado LMTA NEG811 e TA2803 entre os apoios 9SJAB29W//D55 e 9SM6C2J6//D58, asinado o día 16.4.2024 por Ángel Pérez Vidal, enxeñeiro técnico industrial graduado en enxañería eléctrica, núm. de colexiado 4.781 de Vigo (COITIVigo), e a relación de bens e dereitos afectados de necesaria ocupación para a construción da instalación proxectada.

2. O proxecto someteuse ao trámite de información pública mediante un acordo publicado nos seguintes medios:

• Portal de transparencia e goberno aberto da Consellería de Economía e Industria.

• DOG: 24.9.2024.

• BOP: 6.9.2024.

• Xornal La Voz de Galicia: 1.9.2024.

• Taboleiro de anuncios do Concello: segundo o certificado municipal do 25.9.2024.

4. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.

5. Consonte o artigo 127 do Real decreto 1955/2000, do 1 de decembro, solicitouse o informe preceptivo ás distintas entidades afectadas: Concello de Negreira, Augas de Galicia e Servizo de Montes.

A empresa promotora manifestou a súa conformidade cos informes emitidos no prazo outorgado para ese efecto (Servizo de Montes).

No día desta resolución non consta no expediente a resposta do Concello de Negreira e Augas de Galicia á solicitude de informe.

6. O día 27.3.2025 emitiuse o informe técnico.

Consideracións legais e técnicas:

1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación.

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

• Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

• Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o regulamento da Lei de expropiación forzosa (BOE núm. 160, do 20 de xuño).

3. Características técnicas.

As instalacións obxecto deste expediente están situadas no lugar de Reibó, parroquia Liñaio, concello de Negreira, e as súas características técnicas son as seguintes:

– Substitución do apoio núm. 9SLE5JL8//D57 tipo HV-1000/12 existente, que se substituirá por tipo C-2000/16, do tramo compartido polas LMT NEG811 Corgal 11 e TA2803 Insuas-Presa-Urdilde Ponte 3 (expediente 31.931), procedentes da subestación Negreira e Tambre II, e instalación dun novo apoio (AP1), que se situará entre o apoio núm. D57, que se substituirá, e o núm. 9SKXW5JA//D56 e núm. D55 tipo C-2000/20.

– Substitución do condutor no tramo LMTA a 20 kV, de 197 m, condutor tipo LA-110 Al, con orixe no novo apoio proxectado (AP1) e remate no apoio núm. D-57, que se substituírá. Retensado dos tramos adxacentes.

Adaptación ou renovación de liña existente.

4. Na visita de campo realizada para examinar o lugar da instalación non se apreciou, nos predios sometidos a expropiación, ningunha das limitacións á constitución da servidume que sinala o artigo 58.a) da Lei 24/2013, do 26 de decembro, do sector eléctrico.

5. No expediente consta un informe favorable dos servizos técnicos deste departamento territorial.

Consonte con todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) A instalación executarase no prazo de dous anos, contados a partir do día seguinte ao da publicación desta resolución no Diario Oficial de Galicia. En todo caso, deberán respectarse os prazos establecidos no artigo 13.9 do Regulamento (UE) nº 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) 2019/1937, e se derroga o Regulamento (UE) nº 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura.

C) Para a posta en funcionamento da instalación autorizada, deberá achegar ante este departamento territorial unha solicitude coa cal xuntará a seguinte documentación:

• As declaracións de conformidade relativas ao material ou equipamento e as certificacións ou homologacións, se procede.

• Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

• Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.

O incumprimento das condicións e requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia ao interesado, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles aos interesados esta resolución, segundo o exixido no artigo 40.1 da Lei 39/2015.

A Coruña, 24 de xullo de 2025

Isidoro Martínez Arca
Director territorial da Coruña

ANEXO

Relación de bens e dereitos afectados

Concello: Negreira.

Nº de parcela	Lugar e referencia catastral	Cultivo	Propietario/a	Afección de suelo en pleno dominio		Afección de suelo por servidumbre de paso de energía eléctrica
Nº de parcela	Lugar e referencia catastral	Cultivo	Propietario/a	Apoyo núm.	m2	ml aér.	ml subt.	m2 aér.	m2 subt.
1	Souto de Riobó Ref. catastral: 15057A036003160000 BT	Rústico. Agrario. Eucaliptal	María Isabel Varela Cano	Apoyo proyectado 1	2.0
2	Portela da Espedeira Ref. catastral: 15057A036002520000 BP	Rústico. Agrario. Eucaliptal	Antonio Forján Castro	Apoyo 2	2.0

Abreviacións:

ml aér.: lonxitude da servidume aérea en metros lineais.	ml sot.: lonxitude da servidume soterrada en metros lineais.
m2 aér.: superficie de servidume aérea en m2.	m2 sot.: superficie de servidume soterrada.