Expediente: IN407A 2024/179-1.
Promotora: UFD Distribución Electricidad, S.A.
Proxecto: Regulamentación LMT NEG-811 e TA2-803, apoio 9T61XLEC//D83.
Concello: Negreira.
Feitos:
1. O 16 de maio de 2024, a empresa promotora presentou a solicitude de autorización administrativa previa e de construción e a declaración de utilidade pública para o proxecto mencionado.
2. Tras a fase de consultas ás entidades afectadas e logo de someter o proxecto ao trámite de información pública, o 14 de xullo de 2025 resolveuse conceder a dita autorización.
3. Na resolución detectouse un erro de feito en canto á identificación do propietario do predio número 1, con referencia catastral 5057M003005980000JF. Segundo os datos facilitados pola Consellería do Medio Rural, a referencia catastral indicada está incluída dentro do predio de substitución número 522 do acordo da zona de concentración parcelaria de Montes de Aro-Campelo-Gonte, no concello de Negreira, con acordo firme con data do 28 de xaneiro de 2025, e é o seu titular o propietario número 490 Juan Víctor Plata Currais.
Consideracións legais e técnicas:
O artigo 109.2 da Lei 39/2015, do 1 de outubro, do procedemento administrativo común das administracións públicas.
De acordo con todo o indicado,
RESOLVO:
Emendar o anexo da dita resolución, de xeito que onde figura como propietario Víctor Fuentes Tomé agora conste Juan Víctor Plata Currais.
Contra esta resolución, que non é definitiva na vía administrativa, poderase interpor recurso de alzada ante a conselleira de Economía e Industria no prazo dun mes, contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren pertinente.
Mediante este documento notifícaselles ás persoas interesadas esta resolución, segundo o exixido no artigo 40.1 da dita Lei 39/2015.
A Coruña, 2 de setembro de 2025
Isidoro Martínez Arca
Director territorial da Coruña