O Pleno municipal, en sesión extraordinaria do 19 de xuño de 2025, aprobou inicialmente a modificación puntual do Plan xeral de ordenación municipal co acordo que ten o seguinte contido literal:

«Primeiro. Aprobar inicialmente a modificación puntual número 2 do Plan xeral de ordenación municipal para centro de saúde na rúa Río da Veiga (expediente 2023/U038/000002).

Segundo. Someter a información pública o expediente completo de modificación número 2 do Plan xeral de ordenación municipal, por un prazo de dous meses, mediante anuncio no Diario Oficial de Galicia e nun xornal de maior difusión na provincia, e no taboleiro de edictos do Concello, en cumprimento da normativa urbanística e ambiental de aplicación.

Durante o dito período, o expediente, con todos os documentos que o integran, quedará á disposición de calquera que queira examinalo para que se presenten as alegacións que se xulguen pertinentes. Así mesmo, estará á disposición na sede electrónica do Concello.

Tercero. De forma simultánea á información pública, solicitar os informes que sexan preceptivos conforme a normativa urbanística e sectorial de aplicación.

Cuarto. Co acordo de aprobación inicial suspéndese o procedemento de outorgamento de licenzas no ámbito afectado pola modificación puntual número 2 do Plan xeral de ordenación municipal, nos termos expostos no resumo executivo desta, por un prazo máximo de dous anos, contados desde a aprobación inicial, e, en calquera caso, extinguirase coa aprobación definitiva do planeamento».

Así mesmo, estará dispoñible na páxina web deste concello http://www.cedeira.gal

O que se fai público para o xeral coñecemento, para que os interesados presenten as alegacións, reclamacións e suxestións que xulguen convenientes, en cumprimento do estipulado pola lexislación vixente.

O prazo de información pública computarase desde a última publicación obrigatoria.

Cedeira, 17 de xullo de 2025

Xosé Antón Arribe Rodríguez
Alcalde accidental