O Xurado Provincial de Clasificación de Montes Veciñais en Man Común de Pontevedra resolveu, na súa reunión do 23.7.2025, aprobar o deslindamento parcial entre as comunidades de montes veciñais en man común (CMVMC) de Bugarín e Ponteareas (Ponteareas), con base nos seguintes feitos e consideracións técnicas.
Antecedentes e consideracións técnicas:
Primeiro. O 29.9.2022 o presidente da CMVMC de Bugarín presenta unha solicitude de deslindamento entre a CMVMC de Bugarín e a CMVMC de Ponteareas, ambas no concello de Ponteareas.
Os montes veciñais en man común (en diante, MVMC) afectados por este deslindamento son:
– MVMC de Torreiro, Fraga do Rei, Regueiro Grande, Arruxo, Coto, Coto da Ravela e Coto de Quintela (ID:3021) da CMVMC de Bugarín.
– MVMC de Picaraña e Canedo (ID:3024) da CMVMC de Ponteareas.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do deslindamento do 25.5.2022.
– Acta de conciliación núm. 457/2022 no Xulgado de Primeira Instancia e Instrución número 1 de Ponteareas.
– Certificado do 10.7.2024 do secretario da CMVMC de Bugarín coa conformidade do presidente da aprobación en Asemblea Xeral do 16.7.2022.
– Certificado do 19.7.2022 da secretaria da CMVMC de Ponteareas coa conformidade da presidenta da aprobación en Asemblea Xeral do 25.6.2022.
– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 19.8.2022 pola enxeñeira técnica forestal colexiada número 482 do COETF de Galicia.
– Informes de validación gráfica catastral con CSV: HHCTX7ZF2AGWJAG.
Terceiro. A liña de deslindamento proposta ten unha lonxitude de 1.600 metros e está composta polos seguintes puntos:
|
Número |
X |
Y |
|
Punto 1 |
542.832,1 |
4.671.576,1 |
|
Punto 2 |
542.775,4 |
4.671.584,8 |
|
Punto 3 |
542.722,5 |
4.671.592,7 |
|
Punto 4 |
542.714,1 |
4.671.592,0 |
|
Punto 5 |
542.700,7 |
4.671.595,6 |
|
Punto 6 |
542.691,0 |
4.671.599,0 |
|
Punto 7 |
542.681,5 |
4.671.608,0 |
|
Punto 8 |
542.644,9 |
4.671.631,4 |
|
Punto 9 |
542.540,1 |
4.671.408,2 |
|
Punto 10 |
542.355,6 |
4.671.219,9 |
|
Punto 11 |
542.084,9 |
4.670.988,7 |
|
s.1 |
542.041,9 |
4.670.955,1 |
|
s.2 |
541.802,0 |
4.670.767,3 |
|
s.3 |
541.796,1 |
4.670.762,7 |
|
Punto 12 |
541.617,1 |
4.670.622,5 |
O deslindamento entre ambos montes veciñais forma un tramo único.
Revisada a cartografía das resolucións de clasificación de ambos MVMC, detéctase que existe colindancia entre ambos e considérase que non afecta terceiros propietarios.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC de Bugarín: presenta un axuste para enlazar co resto do esbozo.
– CMVMC de Ponteareas: presenta un axuste para enlazar co resto do esbozo.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre as CMVMC de Bugarín e Ponteareas (Ponteareas), nos termos antes indicados.
Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes de acordo co disposto nos artigos 123 e 124 da LPAC; ou ben interpoñer directamente recurso contencioso-administrativo ante o xulgado do contencioso-administrativo no prazo de dous meses de acordo cos artigos 8 e 46 da LXCA.
Pontevedra, 3 de setembro de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra