Consultados os datos catastrais referidos á parcela con referencia catastral 36028A229000070000XJ, resulta que neles a titularidade da dita parcela aparece cun nome sen DNI asociado e sen ningún tipo de dato referente ao domicilio, polo que é imposible coñecer o domicilio para os efectos de poder notificar a obriga de limpar a maleza e cortar as árbores da dita parcela.

Que, ao abeiro do artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e tendo en conta que, descoñecido o DNI, así como o domicilio do titular da parcela catastral, resulta imposible efectuar a notificación.

De conformidade co establecido nos artigos 44 e 46 da Lei 39/2015, do 1 de outubro, do procedemento administrativo común das administracións públicas, faise pública a notificación da obriga de xestionar a biomasa na parcela coa seguinte referencia catastral: 36028A229000070000XJ.

Por esta publicación concédeselle ao titular da dita parcela un prazo de quince (15) días, contados desde o día seguinte ao da publicación deste acordo, para proceder á xestión da biomasa da parcela.

Contra este acordo, que resulta ser un acto de trámite que non decide sobre o fondo do asunto, non cabe a interposición de ningún recurso. O titular da parcela, que así o acredite, poderá recoller copia da resolución nas dependencias municipais e formular as alegacións que xulgue oportunas, e poderá propoñer proba no caso de que o considere necesario.

O que notifico mediante publicación, en cumprimento do disposto nos artigos 40 e 44 da Lei 39/2015, do 1 de outubro, así como no artigo 22.3 da Lei 3/2007, do 9 de abril, de prevención e defensa contra os incendios forestais de Galicia.

Meis, 19 de agosto de 2025

Marta Giráldez Barral
Alcaldesa