O Xurado Provincial de Clasificación de Montes Veciñais en Man Común de Pontevedra resolveu na súa reunión do 23.7.2025 aprobar o deslindamento parcial entre as comunidades de montes veciñais en man común (CMVMC) do Hío e Darbo (Cangas), con base nos seguintes feitos e consideracións técnicas.
Antecedentes e consideracións técnicas:
Primeiro. O 29.9.2022 o presidente da CMVMC do Hío presenta solicitude de deslindamento entre a CMVMC do Hío e a CMVMC de Darbo, ambas do concello de Cangas.
Os montes veciñais en man común (en diante, MVMC) afectados por este deslindamento son:
– MVMC do Hío (ID: 2513) da CMVMC do Hío.
– MVMC de Darbo (ID:2512) da CMVMC de Darbo.
Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do deslindamento do 22.9.2022.
– Acta de conciliación número 734/2022 entre as comunidades no Xulgado de Primeira Instancia e Instrución número 3 do concello de Cangas.
– Certificado do 24.6.2024 do secretario da CMVMC do Hío coa conformidade do presidente da aprobación en Asemblea Xeral do 24.9.2022.
– Certificado do 22.6.2024 do secretario da CMVMC de Darbo coa conformidade do presidente da aprobación en Asemblea Xeral do 19.11.2022.
– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829, asinada o 13.4.2023 pola enxeñeira técnica forestal colexiada número 740 do COETF de Galicia.
– Informes de validación gráfica catastral con CSV: 5ES5JMGP257WQK3W.
Terceiro. A liña de deslindamento proposta ten unha lonxitude de 850 metros e está composta polos seguintes puntos:
|
Punto |
X |
Y |
Descrición |
|
P. 01 |
515.992,84 |
4.679.832,75 |
Marco Condado de Aldao |
|
P. 02 |
515.938,38 |
4.679.816,83 |
Pedra Boudañido |
|
P. 03 |
515.726,97 |
4.679.684,00 |
Marco Condado de Aldao |
|
P. 04 |
515.600,26 |
4.679.611,34 |
Outeiro |
|
P. 05 |
515.586,90 |
4.679.519,24 |
Pedra (punto intermedio) |
|
P. 06 |
515.605,11 |
4.679.371,24 |
Límite propiedades |
O deslindamento entre ambos os montes veciñais forma un tramo único.
Revisada a cartografía das resolucións de clasificación de ambos os MVMC detéctase que existe linde entre ambos e considérase que non afecta terceiros propietarios.
A liña do deslindamento produce modificacións na cartografía dos esbozos de clasificación das seguintes comunidades:
– CMVMC do Hío: presenta un axuste co resto do esbozo.
– CMVMC de Darbo: presenta un axuste co resto do esbozo.
O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre as CMVMC do Hío e Darbo (Cangas), nos termos antes indicados.
Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes, de acordo co disposto nos artigos 123 e 124 da LPAC, ou ben interpoñer directamente recurso contencioso-administrativo ante o xulgado do contencioso-administrativo no prazo de dous meses, de acordo cos artigos 8 e 46 da LXCA.
Pontevedra, 8 de setembro de 2025
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra