O Xurado Provincial de Clasificación de Montes Veciñais en Man Común de Pontevedra resolveu na súa reunión do 23.7.2025 aprobar o deslindamento parcial entre as comunidades de montes veciñais en man común (CMVMC) de Roca e Barbudo (Ponte Caldelas), con base nos seguintes feitos e consideracións técnicas.

Antecedentes e consideracións técnicas:

Primeiro. O 26.9.2022 o presidente da CMVMC de Roca presenta solicitude de deslindamento entre a CMVMC de Roca e a CMVMC de Barbudo, ambas no concello de Ponte Caldelas.

Os montes veciñais en man común (en diante, MVMC) afectados por este deslindamento son:

– MVMC de Roca (ID: 3053) da CMVMC de Roca.

– MVMC de Barbudo (ID: 3043) da CMVMC de Barbudo.

Segundo. Consta no expediente a seguinte documentación do deslindamento consonte o artigo 53 da Lei 7/2012, do 28 de xuño, de montes de Galicia (LMG):

– Acta do apeo do deslindamento do 16.5.2022.

– Acta de conciliación núm. 55/2022 entre as comunidades no Xulgado de Paz do concello de Ponte Caldelas do 6.10.2024.

– Certificado do 21.3.2024 da secretaria da CMVMC de Roca coa conformidade do presidente da aprobación en Asemblea Xeral do 5.2.2022.

– Certificado do 29.3.2024 do secretario da CMVMC de Barbudo coa conformidade do presidente da aprobación en Asemblea Xeral do 17.7.2022.

– Memoria descritiva co plano de deslindamento e cartografía en formato dixital no datum ETRS89/UTM zona 29N EPSG: 25829. Asinado o 26.9.2024 pola enxeñeira de montes núm. 2275.

– Informes de validación gráfica catastral con CSV: BN3951HNBV8CJPEN.

Terceiro. A liña de deslindamento proposta ten unha lonxitude de 339 metros, e está composta polos seguintes puntos:

Punto	X	Y
Punto 1	540.979,91	4.690.352,90
Punto 2	540.961,69	4.690.343,59
Punto 3	540.945,72	4.690.331,21
Punto 4	540.929,24	4.690.315,22
Punto 5	540.920,59	4.690.306,61
Punto 6	540.908,67	4.690.299,66
Punto 7	540.894,89	4.690.291,37
Punto 8	540.881,56	4.690.286,46
Punto 9	540.848,20	4.690.265,13
Punto 10	540.793,58	4.690.229,44
Punto 11	540.749,08	4.690.192,88
Punto 12	540.712,40	4.690.154,63

O deslindamento entre ambos os montes veciñais forma un tramo único.

Revisada a cartografía das resolucións de clasificación de ambos MVMC detéctase que existe condición de lindeiros entre ambos e considérase que non afecta terceiros propietarios.

A CMVMC de Roca ten o expediente de deslinde DC22029 coa CMVMC de Rebordelo e o expediente de deslindamento DC20003 coa CMVMC de Insua. O deslindamento actual compleméntase de xeito perfecto cos anteditos deslindes.

A liña do deslindamento produce modificacións na cartografía dos esbozos de clasificación das seguintes comunidades:

– CMVMC de Roca: ten o expediente de revisión de esbozo RE22029 que xa recolle o deslindamento actual.

– CMVMC de Barbudo: presenta un axuste para enlazar o tramo deslindado co resto do esbozo.

O Servizo de Montes considera que a solicitude se axusta ao establecido no artigo 53 da LMG, polo que propón a aprobación polo Xurado do deslindamento segundo a liña presentada.

Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

Á vista do exposto, este xurado

RESOLVE:

Aprobar o deslindamento parcial entre as CMVMC de Roca e Barbudo, ambas no concello de Ponte Caldelas, nos termos antes indicados.

Contra esta resolución, que pon fin á vía administrativa, poderase interpoñer recurso de reposición ante o Xurado Provincial de Clasificación de MVMC de Pontevedra no prazo dun mes de acordo co disposto nos artigo 123 e 124 LPAC; ou ben interpoñer directamente recurso contencioso-administrativo ante o Xulgado do Contencioso-Administrativo no prazo de dous meses de acordo cos artigo 8 e 46 da LXCA.

Pontevedra, 8 de setembro de 2025

Antonio Crespo Iglesias
Presidente do Xurado Provincial de Clasificación de Montes
Veciñais en Man Común de Pontevedra