DOG 192 do 6/10/2025 - DECRETO 82/2025, do 3 de outubro, polo que se lle encarga o despacho dos asuntos da Presidencia, durante a ausencia do seu titular, ao conselleiro de Presidencia, Xustiza e Deportes.

II. Autoridades e persoal

c) Substitucións

Presidencia da Xunta de Galicia

DECRETO 82/2025, do 3 de outubro, polo que se lle encarga o despacho dos asuntos da Presidencia, durante a ausencia do seu titular, ao conselleiro de Presidencia, Xustiza e Deportes.

Con motivo da ausencia do presidente da Xunta de Galicia, cómpre prover a súa substitución durante o tempo de duración desta.

Polo tanto, en uso das atribucións que me confire o artigo 26.7 da Lei 1/1983, do 22 de febreiro, reguladora da Xunta e da súa Presidencia, e conforme o establecido no Decreto 44/2024, do 14 de abril, polo que se nomean os titulares das consellerías da Xunta de Galicia,

DISPOÑO:

Artigo único

Durante a ausencia do presidente da Xunta de Galicia, encárgaselle o despacho dos asuntos da Presidencia, desde o día 6 de outubro ata o seu regreso, ao conselleiro de Presidencia, Xustiza e Deportes.

Santiago de Compostela, tres de outubro de dous mil vinte e cinco

Alfonso Rueda Valenzuela
Presidente