A Orde do 16 de outubro de 2015 pola que se regulan as funcións, a composición e o funcionamento do Consello de Bioética de Galicia indica no artigo 3, relativo á súa composición, que as persoas membros do Consello de Bioética de Galicia serán nomeadas e cesadas pola persoa titular da consellería con competencias en materia de sanidade, por un período de tres anos prorrogables por outro período de igual duración. Tanto o nomeamento como o cesamento serán publicados no Diario Oficial de Galicia.

O artigo 8 da dita orde establece que unha das causas de cesamento dos membros do Consello é a renuncia expresa presentada por escrito ante a persoa titular da Presidencia do Consello.

Polo exposto, en exercicio da facultade atribuída,

DISPOÑO:

Que cese, por petición propia, Sergio Domingo Baamonde Boquete como membro e secretario do Consello de Bioética de Galicia, agradecéndolle os servizos prestados.

Santiago de Compostela, 29 de setembro de 2025

Antonio Gómez Caamaño
Conselleiro de Sanidade