A Lei 8/2013, do 28 de xuño, de estradas de Galicia, recolle no seu artigo 6.2 aqueles elementos que teñen a consideración de elementos funcionais da estrada, entre os que se atopan os espazos destinados a sendas para peóns ou para a circulación de ciclistas. Así mesmo, o Consello da Xunta de Galicia aprobou o 6 de maio de 2024 a Estratexia Galega de Mobilidade, cuxo obxectivo é analizar e planificar en todo o seu conxunto a mobilidade na Comunidade Autónoma de Galicia e adaptala aos retos da sociedade do futuro en materia de mobilidade sustentable.

Mediante a Resolución do director da Axencia Galega de Infraestruturas do 6 de outubro de 2025, aprobouse provisionalmente o proxecto referido, que se tramitará segundo o disposto na Lei 8/2013 e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de construción: senda na PO-352. A Guarda-Camposancos, de clave PO/24/045.06, no concello da Guarda (Pontevedra); para que as persoas que o consideren oportuno poidan formular, por escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, se é o caso, de acordo co disposto no artigo 21.1 da Lei 8/2013, e no artigo 50 do Decreto 66/2016.

Segundo. Someter ao tramite de información publica a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito a rectificación dos posibles erros da relación publicada ou opoñerse á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos aos da relación ao fin que se persegue, de acordo co disposto nos artigos 17, 18 e 19 da Lei do 16 de decembro de 1954, sobre expropiación forzosa.

Terceiro. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación do proxecto estará á disposición da cidadanía na sede central da Axencia Galega de Infraestruturas, no Servizo de Infraestruturas de Pontevedra, na Casa do Concello da Guarda; e na páxina web da Consellería de Vivenda e Planificación de Infraestruturas, onde tamén se atopa un extracto do documento cos obxectivos, a localización e a descrición da actuación:

https://vivendaeinfraestruturas.xunta.gal/informacion-publica/estudos

Santiago de Compostela, 6 de outubro de 2025

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Senda na PO-352. A Guarda-Camposancos

Clave: PO/24/045.06

Concello da Guarda

Nº	Referencia catastral	Políg.	Parc.	Titular	NIF	Sit. básica do solo (RDL 7/2015)	Expropiación m²	Bens afectados
								Cant.	Ud.	Descrición
1	36023A02200578	22	578	Ángeles Riego Martínez	***5013**	Rural	61,91	116	m	Peche de malla metálica 1,60 m de altura
2	36023A02200627	22	627	Butano La Guardia, S.L.	B36022564	Rural	58,10	54	m	Muro de pedra 1,60 m de altura
								54	m2	Muro de bloques h=0,40 m
3	36023A03700066	37	66	Nuria Martínez Bautista	***0073**	Urbanizado	31,90	20	ud	Muro de pedra 0,60 m de altura
4	36023A03700068	37	68	María Asunción Álvarez Pérez	***0629**	Urbanizado	14,82	20	ud	Muro de pedra 0,40 m de altura
5	36023A03700078	37	78	José Manuel Domínguez Freitas	***8521**	Urbanizado	3,99
				María José González Lomba	***8699**
6	36023A03700079	37	79	José Manuel Domínguez Freitas	***8521**	Urbanizado	20,59
7	36023A03700080	37	80	José Elias Rebollar Vega	***1070**	Urbanizado	7,13	30	ud	Muro de pedra 0,40 m de altura