A Xunta de Goberno Local, mediante acordo adoptado na sesión do 26 de setembro de 2025, aprobou definitivamente o anexo ao proxecto de expropiación forzosa, polo procedemento de taxación conxunta, para a execución do Plan especial de infraestruturas e dotacións (PEID) da estrada ás Quintás, no concello de Cervo, coa finalidade de levar a cabo a urbanización da estrada ás Quintás, Cervo. O proxecto estará á disposición das persoas interesadas na sede electrónica deste concello (http://cervo.sedelectronica.es). O texto do acordo é do seguinte teor:

Primeiro. Estimar a alegación presentada por José Francisco Valle Rey (predio 7AN), no relativo aos valores expropiatorios dos seus bens afectados. Tal asunto implicou a modificación do documento e a reformulación neses termos, incorporándose o anexo ao proxecto de expropiación dos bens e dereitos necesarios para a execución do PEID da estrada ás Quintás, no concello de Cervo (Lugo), para a súa aprobación definitiva e que foi aprobado inicialmente pola Xunta de Goberno Local do Concello de Cervo, do 4 de agosto de 2025, con base nos argumentos expostos nos informes técnicos que constan transcritos no corpo deste acordo.

Segundo. Aprobar definitivamente o anexo ao proxecto de expropiación dos bens e dereitos necesarios para a execución do Plan especial de infraestruturas e dotacións da estrada ás Quintás, no concello de Cervo, así como a determinación e o pagamento do prezo xusto no procedemento de taxación conxunta, coa finalidade de levar a cabo a urbanización da estrada As Quintás, Cervo, e publicar o dito acordo no Diario Oficial de Galicia.

Terceiro. Notificar este acordo de aprobación definitiva do anexo ao proxecto de expropiación dos bens e dereitos necesarios para a execución do Plan especial de infraestruturas e dotacións da estrada ás Quintás, no concello de Cervo, ás persoas interesadas propietarias e titulares de bens e dereitos que figuran no expediente, conferíndolles un prazo de vinte días, computados desde a notificación deste acordo, durante o cal poderán manifestar por escrito diante do órgano expropiante a súa desconformidade coa valoración establecida no expediente aprobado.

Se as persoas interesadas non formularen oposición á valoración no citado prazo de vinte días, entenderase aceptada a que se fixou no acto aprobatorio do expediente. O prezo que foi fixado no proxecto de expropiación aprobado definitivamente foi o seguinte:

Nº predio	Referencia catastral	Importe xusto prezo	Afectación	Superficie afectada	Titular/inquilino
1AN	8768017PJ2386N	483,70 €	Parcial	114,88	Rodríguez Enríquez, José Luis (94,98 %) e Fernández Fra, Balbina (5,02 %)
3AN	8768004PJ2386N	106,60 €	Parcial	25,32	Enríquez Durán, Guillermo
4AN	8768005PJ2386N	77,13 €	Parcial	18,32	Vilar Expósito, Trinidad
7AN	8863005PJ2386N	461,85 €	Parcial	16,40	Valle Rey, José Francisco (50 %) e González Vispo, María Celia (50 %)
13AN	8769004PJ2386N	71,38 €	Parcial	16,95	González Fraga, Jesús
14AN	8769031PJ2386N	85,49 €	Parcial	20,30	De Benito Leivas, Fernando (50 %) e Estua Rodríguez, Guadalupe (50 %)
15AN	8769003PJ2386N	1.690,86 €	Parcial	48,30	Cordido Eijo, María José (50 %) e Álvarez Timiraos, José Ramón (50 %)
16AN	8769051PJ2386N	1.859,89 €	Parcial	64,92	Herdeiros de Sánchez Martín, Juan Bautista
17AN	8769052PJ2386N	1.924,46 €	Parcial	34,03	Fernández González, María Antonia
18AN	8769002PJ2386N	641,21 €	Parcial	152,29	Cao Fernández, Ramón
19TA	9068010PJ2396N	22,52 €	Temporal	56,17	Cayón Pereira, Regina
20TA	8768017PJ2386N	68,74 €	Temporal	171,43	Rodríguez Enríquez, José Luis (94,98 %) e Fernández Fra, Balbina (5,02 %)
21TA	8268015PJ2386N	40,33 €	Temporal	100,57	Fijo Quirós, José
22TA	8768015PJ2386N	33,24 €	Temporal	82,90	González Fraga, Jesús
23TA	8768013PJ2386N	42,60 €	Temporal	106,24	Rodríguez Mon, José Francisco
24TA	8768012PJ2386N	69,17 €	Temporal	172,49	Varqueiro Castellón, Ramón
25TA	8768010PJ2386N	133,60 €	Temporal	333,16	Varqueiro Castellón, Ramón
26TA	8769004PJ2386N	34,96 €	Temporal	87,18	González Fraga, Jesús
27TA	8768011PJ2386N	52,48 €	Temporal	130,88	Rodríguez Mon, José Francisco
28TA	8768003PJ2386N	33,06 €	Temporal	82,45	Varqueiro Castellón, Ramón

Se existe desconformidade coa valoración establecida no dito expediente darase traslado do expediente e da folla de valoración impugnada ao Xurado de Expropiación de Galicia, para os efectos de fixar o prezo xusto, que, en todo caso, se fará de acordo cos criterios de valoración establecidos na lexislación vixente.

Cuarto. O acordo de aprobación definitiva do expediente de expropiación por taxación conxunta implicará a declaración de urxencia da ocupación dos bens e dereitos afectados, de conformidade co artigo 118.10 da Lei do solo de Galicia, e a ocupación comportará a necesidade de levantar unha acta nos termos contidos na lexislación estatal.

Quinto. O pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto.

Sexto. Con posterioridade á aprobación definitiva do proxecto de expropiación, procederase á inscrición rexistral das parcelas nos termos contidos na lexislación estatal, así como a instar do Catastro a actualización da súa configuración e titularidade.

Contra este acordo, que pon fin á vía administrativa, pódese interpor alternativamente recurso de reposición potestativo ante o mesmo órgano que o acorda, no prazo dun mes contado desde o día seguinte ao da recepción desta notificación, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpor directamente recurso contencioso-administrativo, ante o xulgado do contencioso-administrativo, con sede na capital da provincia, no prazo de dous meses contados desde o día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor recurso de reposición potestativo, non se poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que se poida exercer calquera outro recurso que se considere pertinente.

Cervo, 29 de setembro de 2025

María Dolores García Caramés
Alcaldesa