O Pleno do Concello de Cambados, en sesión extraordinaria urxente que tivo lugar o día 17 de outubro de 2025, adoptou, por unanimidade, o seguinte acordo:

Primeiro. Aprobar definitivamente o Plan especial de ordenación portuaria (PEOP) do porto San Tomé-Tragove, datado en outubro de 2025, consistente nos seguintes documentos con pegada dixital:

Documento en soporte dixital non editable (pdf)

– F46024D177E6B96951CC1AF30A05DD7F8457952D519368DC940A8C15D85FE68Ah

Documento en soporte dixital editable

– 2EC6DBFC7F1BB7E92AE9C9DA8112DD87940B76EFA5AF07F3BA1D2F0380BAC822h

Segundo. Publicar a aprobación definitiva no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva.

Igualmente, xunto á publicación deste acordo, publicarase a indicación das medidas adoptadas para o seguimento dos efectos no ambiente da aplicación do plan e a referencia á dirección electrónica en que figurará o contido íntegro do plan ao dispor do público.

Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Plan Urbanístico de Galicia, anexando un exemplar en soporte dixital, debidamente dilixenciado.

Cuarto. Publicar o acordo de aprobación definitiva así como o articulado das normas do PEOP no Boletín Oficial da provincia de Pontevedra, de conformidade co sinalado no artigo 70.2 da Lei 7/1985, do 2 de abril, reguladora das bases de réxime local.

Quinto. Declarar extinguida a suspensión do outorgamento de licenzas, adoptada no acordo de aprobación inicial do Plan especial de ordenación portuaria do porto San Tomé-Tragove, pola Xunta de Goberno Local en sesión extraordinaria con data do 4.3.2021 (artigo 47.2 da LSG e artigo 86.2 do RLSG).

Sexto. Notificar individualmente a aprobación definitiva do plan especial a todas as persoas titulares catastrais dos terreos afectados ás cales xa se lles notificou a aprobación inicial deste, de conformidade co artigo 186.4 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro.

O presente anuncio publícase para os efectos do disposto no punto segundo da parte dispositiva do acordo de aprobación definitiva e o contido íntegro do Plan especial e a indicación das medidas adoptadas para o seguimento dos efectos no ambiente da aplicación do plan, poderá consultarse no Portal de transparencia de sede electrónica do Concello de Cambados:

https://cambados.sedelectronica.gal/transparency/c299894d-bbf8-4c28-9b48-a4c8309b07cd/

Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia, e artigo 201.1 do seu regulamento), no prazo de dous meses, que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme dereito.

Cambados, 22 de outubro de 2025

Samuel Lago Ozón
Alcalde