Aprobado definitivamente polo Pleno do Concello de Trazo, na sesión do 18 de setembro de 2025, o expediente do Plan especial tramitado baixo o número 2023/U038/000001 (promotora: Residencia Augas Santas, S.L.), publícase este acordo para os efectos previstos nos artigos 82 e 88 da Lei 2/2016, do 10 de febreiro, do solo de Galicia, e nos artigos 199 e 208 do seu regulamento, aprobado polo Decreto 143/2016, do 22 de setembro.

En virtude do Acordo Plenario:

Primeiro. Non se presentaron alegacións durante o período de información pública.

Segundo. Apróbase definitivamente o Plan especial e incorporánse as modificacións derivadas dos informes emitidos durante a tramitación.

Terceiro. Ordénase a publicación da aprobación definitiva no Diario Oficial de Galicia, conforme o artigo 82 da Lei 2/2016, no prazo máximo dun mes desde a adopción do acordo.

Xunto con esta publicación farase constar a información relativa ás medidas de seguimento dos efectos ambientais do plan, así como a referencia ao enderezo electrónico onde estará dispoñible o seu contido íntegro.

Cuarto. Comunicarase a aprobación definitiva á consellería competente en materia de urbanismo para a inscrición no Rexistro de Planeamento Urbanístico de Galicia, achegando un exemplar en formato dixital debidamente dilixenciado.

Quinto. Procederase á notificación individual ás persoas titulares catastrais dos terreos afectados, segundo o artigo 186.4 do Regulamento da Lei 2/2016.

O contido íntegro do expediente estará igualmente dispoñible na sede electrónica municipal.

Contra este acordo, que constitúe unha disposición de carácter xeral, poderá interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da recepción da notificación, de acordo co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de calquera outro recurso que se considere procedente.

Trazo, 26 de novembro de 2025

Josefina Suárez López
Alcaldesa