De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle á persoa interesada que no anexo se menciona a incoación do expediente sancionador en materia de turismo por infracción da Lei 7/2011, do 27 de outubro, do turismo de Galicia, xa que, intentada polos medios habituais, non se puido efectuar a notificación.

Dado que este acto non se publica na súa integridade, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro do acto que se notifica está á disposición da persoa interesada, co resto do expediente, nas dependencias da Área Provincial de Turismo de Lugo (rolda da Muralla, 70, do concello de Lugo), no prazo máximo de dez días hábiles, contado desde o día seguinte ao desta publicación no Boletín Oficial del Estado. De non comparecer no dito prazo, a notificación entenderase producida o día seguinte ao do vencemento do prazo.

Neste mesmo acto designouse instrutora do expediente a Ana Aurora Otero Fugarolas; as persoas interesadas poden promover a súa recusación en calquera momento da tramitación do procedemento, de conformidade co artigo 24 da Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

A resolución deste procedemento por infracción grave correspóndelle á persoa titular da Axencia de Turismo de Galicia, de acordo co establecido no artigo 19.4.g) dos estatutos da citada axencia, aprobados polo Decreto 196/2012, do 27 de setembro, polo que se crea a Axencia de Turismo de Galicia e se aproban os seus estatutos (DOG núm. 193, do 9 de outubro), en relación co disposto no artigo 119.1.b) da Lei 7/2011, do 27 de outubro, do turismo de Galicia.

De conformidade co disposto no artigo 124.1 da Lei 7/2011, do 27 de outubro, a resolución do procedemento sancionador deberá notificarse no prazo dun ano a partir da data deste acordo.

A persoa interesada disporá dun prazo de dez días, segundo o establecido no artigo 82.2 da Lei 39/2015, do 1 de outubro, do procedemento administrativo común das administracións públicas, para presentar ante a instrutora do expediente, para a súa incorporación a el, cantas alegacións, documentos ou informacións considere convenientes e, de ser o caso, propor proba concretando os medios de que pretenda valerse, coa advertencia de que, de non presentar alegacións no prazo establecido, se considerará este acordo proposta de resolución, de conformidade co disposto no artigo 64.1 da dita lei.

De acordo co artigo 85.3 da Lei 39/2015, do 1 de outubro, do procedemento administrativo común das administracións públicas, a persoa imputada é informada de que a sanción que se indica no acordo de iniciación poderá estar suxeita ás seguintes reducións: 20 % (se recoñece a súa responsabilidade ou paga voluntariamente en calquera momento anterior á resolución) ou o 40 % (se recoñece a súa responsabilidade e, ademais, paga voluntariamente en calquera momento anterior á resolución).

Lugo, 5 de decembro de 2025

Paloma Vázquez Fernández
Xefa da Área Provincial de Turismo de Lugo

ANEXO

Expediente	LU-S-29/2025
Denunciado	X1630363P
Establecemento	The Cliffs Passion Eccehomo
Enderezo	Rúa Misericordia, 35, 3º H
Localidade	Viveiro (Lugo)
Precepto infrinxido	Artigo 35.a) da Lei 7/2011, do 27 de outubro, do turismo de Galicia
Tipificación da infracción	Artigo 110.1 da Lei 7/2011, do 27 de outubro, do turismo de Galicia
Cualificación	Grave
Iniciación	7 de outubro de 2025
Sanción	Multa de mil euros (1.000 €)