De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle a persoa interesada titular que no anexo se menciona a resolución do expediente sancionador en materia de turismo por infracción da Lei 7/2011, do 27 de outubro, do turismo de Galicia, xa que, intentada polos medios habituais, non se puido efectuar a notificación.
Esta resolución non esgota a vía administrativa, e contra ela a persoa interesada poderá interpoñer recurso de alzada perante o director da Axencia de Turismo de Galicia no prazo dun (1) mes contado desde o día seguinte ao da súa publicación, sen prexuízo de que a persoa interesada poida interpoñer calquera outro que xulgue conveniente.
De non presentar recurso no dito prazo, a sanción devirá firme, e poderá facerse efectiva en período voluntario nos seguintes prazos: a) publicación entre os días 1 e 15 de cada mes, desde a data de publicación ata o día 20 do mes posterior ou, se este non fose hábil, ata o inmediato hábil seguinte, b) publicación entre os días 16 e último de cada mes, desde a data da publicación ata o día 5 do segundo mes posterior ou, se este non fose hábil, ata o inmediato seguinte. O pagamento realizarase por transferencia bancaria mediante os impresos formalizados que lles serán facilitados nas dependencias desta área provincial, a favor do Tesouro da Facenda galega. De non se efectuar o ingreso no citado prazo, procederase á súa exacción por vía de constrinximento, segundo o disposto pola Orde do 23 de novembro de 2001, da Consellería de Economía e Facenda (DOG núm. 235, do 5 de decembro).
A Coruña, 9 de decembro de 2025
Ana Teresa Cimas Hernando
Xefa da Área Provincial de Turismo da Coruña
ANEXO
Expediente: RITGA-E-2025-002755 (AC-056/2025).
NIF: B44729572.
Establecemento: café bar R.O. Castro.
Enderezo: rúa río Anllóns, 11.
Localidade: Carballo.
Precepto infrinxido: artigo 109.2, alíneas a), b) e c) da Lei 7/2011, do 27 de outubro, do turismo de Galicia.
Resolución: 14 de novembro de 2025.
Sanción: multa por importe de oitocentos euros (800 €).