De conformidade coa proposta elevada pola comisión nomeada para xulgar o concurso para a provisión de prazas dos corpos docentes universitarios, convocados mediante a Resolución desta universidade do 4 de xullo de 2025 (BOE do 15 de xullo), e presentada polas persoas interesadas a documentación a que fai referencia a base novena da convocatoria, este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que deberá efectuarse no prazo máximo de 20 días, contado desde o día seguinte ao da publicación desta resolución no Boletín Oficial del Estado.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo, as situacións derivadas da maternidade ou paternidade, que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contado desde o día seguinte ao da súa publicación no Boletín Oficial del Estado de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non recaia resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 15 de decembro de 2025

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo docente	Área de coñecemento	Departamento	Localidade	Código praza
2C/25	María Victoria	González González	***0567**	Catedráticas e catedráticos de universidade	Fisioloxía Vexetal	Bioloxía Funcional	Santiago de Compostela	A00824
13C/25	Ana Daría	Ruiz González	***0665**	Catedráticas e catedráticos de universidade	Enxeñaría Agroforestal	Enxeñaría Agroforestal	Lugo	A00835
23C/25	Marcos Carmelo	Valcárcel Díaz	***0616**	Catedráticas e catedráticos de universidade	Xeografía Física	Xeografía	Santiago de Compostela	A00845
25C/25	Marta	Cendón Fernández	***5648**	Catedráticas e catedráticos de universidade	Historia da Arte	Historia da Arte	Santiago de Compostela	A00847
26C/25	Mª del Pilar	Salgado Rodríguez	***1776**	Catedráticas e catedráticos de universidade	Matemática Aplicada	Matemática Aplicada	Santiago de Compostela	A00848
47C/25	Juan Antonio	Corrales Ramón	***0166**	Catedráticas e catedráticos de universidade	Ciencia da Computación e Intelixencia Artificial	Electrónica e Computación	Lugo	A00868