O Estatuto de autonomía de Galicia establece no seu artigo 33.un e catro que lle corresponde á Comunidade Autónoma de Galicia o desenvolvemento lexislativo e a execución da lexislación básica do Estado en materia de sanidade interior; que poderá organizar e administrar, para tales fins e dentro do seu territorio, todos os servizos relacionados coa materia antes expresada e que exercerá a tutela das institucións, entidades e fundacións en materia de sanidade e seguridade social.

Por outra parte, a Lei 14/1986, do 25 de abril, xeral de sanidade, establece os principios aos que se deben acomodar as transferencias sanitarias ás comunidades autónomas e tamén, en particular, dos servizos e establecementos sanitarios dependentes das corporacións locais.

O artigo 205.3 da Lei 5/1997, do 22 de xullo, de Administración local de Galicia, establece que as leis de Galicia que regulen os distintos sectores da acción pública preverán, de ser o caso, o correspondente traspaso dos medios e servizos persoais, técnicos e financeiros a través da constitución dunha comisión sectorial.

O Decreto 133/1989, do 6 de xullo, creou a Comisión mixta coas corporacións locais para o traspaso dos centros, servizos e establecementos sanitarios dependentes destas á Comunidade Autónoma de Galicia, e estableceu a súa composición, funcións e normas de funcionamento.

A Comisión mixta prevista no citado decreto, de conformidade co disposto no seu número 2, adoptou o acordo de traspaso á Comunidade Autónoma de Galicia dos servizos e medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal existentes no territorio desta comunidade.

O dito acordo, de conformidade co número 2 do mencionado decreto, ten carácter de proposta, polo que precisa a aprobación do Consello da Xunta de Galicia e do órgano competente da corporación local correspondente.

Na súa virtude, de conformidade co establecido no artigo 34.4 da Lei 1/1983, do 22 de febreiro, de normas reguladoras da Xunta e da súa Presidencia, por proposta do titular da Consellería de Sanidade e logo de deliberación do Consello da Xunta de Galicia, na súa reunión do día vinte e nove de decembro de dous mil vinte e cinco,

DISPOÑO:

Artigo 1. Aprobación do acordo de traspaso

Apróbase o acordo da Comisión mixta constituída con base no Decreto 133/1989, do 6 de xullo, para o traspaso dos centros, servizos e establecementos sanitarios das corporacións locais á Comunidade Autónoma de Galicia, polo que se traspasan os servizos e os medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal existentes no territorio da Comunidade Autónoma de Galicia, nos termos que se recollen no acordo que se incorpora como anexo.

Artigo 2. Alcance e efectos do traspaso

1. Quedan traspasados á Comunidade Autónoma de Galicia, e asumidos por esta, os servizos e os medios persoais e materiais que se relacionan no acordo aprobado, así como os dereitos e deberes dimanantes do dito traspaso, nos termos e condicións recollidos naquel.

2. Os bens inmobles de titularidade municipal ou doutra entidade pública distinta ao Servizo Galego de Saúde nos cales se sitúan actualmente as unidades asistenciais de atención a drogodependencias seguirán pertencendo ao patrimonio daquelas para todos os efectos, sen prexuízo da posta á disposición do seu uso ao Servizo Galego de Saúde a través da formalización do documento administrativo que corresponda, de conformidade coa normativa en materia de patrimonio das administracións públicas.

3. O traspaso dos medios persoais axustarase en todo caso ao establecido no Decreto 447/1996, do 26 de decembro, polo que se establecen as bases para a homologación e a integración funcional do persoal transferido á Xunta de Galicia dos centros sanitarios das corporacións locais, do persoal pertencente ao Servizo Galego de Saúde con vínculo xurídico funcionarial dos corpos e escalas da Administración especial sanitaria e corpos xerais e doutro persoal con vínculo laboral fixo.

4. Quedan tamén englobados no traspaso aqueles contratos ou instrumentos de natureza semellante formalizados polas distintas corporacións municipais con anterioridade ao presente acordo, sempre e cando garden unha íntima conexión co obxecto do traspaso e sexan necesarios para garantir a continuidade dos servizos prestados polas unidades asistenciais de atención a drogodependencias.

Artigo 3. Adscrición

1. Adscríbense ao Servizo Galego de Saúde os servizos e os medios persoais e materiais asumidos.

2. A Consellería de Sanidade e o organismo autónomo Servizo Galego de Saúde exercerán as funcións dimanantes das súas respectivas competencias, en relación cos servizos e medios persoais e materiais traspasados.

Artigo 4. Data de efectividade do traspaso

O traspaso dos servizos obxecto deste acordo e, en particular, os medios persoais e materiais serán efectivos a partir do 1 de xaneiro de 2026.

Disposición derradeira primeira. Habilitación para o desenvolvemento normativo

Facúltanse as persoas titulares das consellerías de Facenda e Administración Pública e Sanidade para ditar cantas disposicións sexan necesarias para o desenvolvemento e a execución deste decreto.

Disposición derradeira segunda. Entrada en vigor

Este decreto entrará en vigor o mesmo día da súa publicación no Diario Oficial de Galicia.

Santiago de Compostela, vinte e nove de decembro de dous mil vinte e cinco

Alfonso Rueda Valenzuela
Presidente

Antonio Gómez Caamaño
Conselleiro de Sanidade

ANEXO

Acordo sobre traspaso á Comunidade Autónoma de Galicia dos servizos e medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal existentes no territorio da Comunidade Autónoma de Galicia

María Jesús Rúa Moure e Andrés Núñez González, secretarios da Comisión mixta de traspaso á Comunidade Autónoma de Galicia dos servizos e medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal, constituída segundo o previsto no Decreto 133/1989, de 6 de xullo,

Certifican:

Que na sesión da Comisión mixta, realizada o día dezasete de decembro de dous mil vinte e cinco, se acordou elevar ao Consello da Xunta, para a súa aprobación, o texto do acordo adoptado no seo desta comisión, de data vinte e catro de novembro de dous mil vinte e cinco, sobre traspaso á Comunidade Autónoma de Galicia dos servizos e medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal existentes no territorio da Comunidade Autónoma de Galicia, logo da súa aprobación polos órganos competentes das corporacións locais, nos termos que a continuación se indican:

A) Referencia ás normas estatutarias e legais en que se ampara o traspaso.

O Estatuto de autonomía de Galicia establece no seu artigo 33.un e catro que lle corresponde á Comunidade Autónoma de Galicia o desenvolvemento lexislativo e a execución da lexislación básica do Estado en materia de sanidade interior; que poderá organizar e administrar, para tales fins e dentro do seu territorio, todos os servizos relacionados coas materias antes expresadas e que exercerá a tutela das institucións, entidades e fundacións en materia de sanidade e seguridade social.

Por outra parte, a Lei 14/1986, do 25 de abril, xeral de sanidade, establece o seguinte:

«Artigo catro

1. Tanto o Estado como as comunidades autónomas e as demais administracións públicas competentes organizarán e desenvolverán todas as accións sanitarias a que se refire este título dentro dunha concepción integral do sistema sanitario.

2. As comunidades autónomas crearán os seus servizos de saúde dentro do marco desta lei e dos seus respectivos estatutos de autonomía».

«Artigo cincuenta

1. En cada comunidade autónoma constituirase un servizo de saúde integrado por todos os centros, servizos e establecementos da propia comunidade, deputacións, concellos e calquera outra administración territorial intracomunitaria, que estará xestionado, como se establece nos artigos seguintes, baixo a responsabilidade da respectiva comunidade autónoma».

Así mesmo, a disposición transitoria primeira.1 da mesma Lei 14/1986, do 25 de abril, establece que «as corporacións locais que na actualidade dispoñen de servizos e establecementos sanitarios que leven a cabo actuacións que na presente lei se adscriban aos servizos de saúde das comunidades autónomas establecerán, de mutuo acordo cos gobernos das comunidades autónomas, un proceso de transferencias daqueles».

O Real decreto 1030/2006, do 15 de setembro, polo que se establecen a carteira de servizos comúns do Sistema nacional de saúde e o procedemento para a súa actualización, incluíu o tratamento das condutas adictivas dentro da atención á saúde mental.

A Lei 8/2008, do 10 de xullo, de saúde de Galicia, recolle unha nova configuración do concepto de saúde e das prestacións sanitarias previstas no Sistema público de saúde de Galicia para a súa protección, e encadra nelas as prestacións de saúde pública, de atención primaria, de atención hospitalaria, de atención sociosanitaria, de atención de urxencias, farmacéutica, de atención ortoprotésica, de produtos dietéticos e de transporte sanitario. A saúde mental e a atención ás drogodependencias son incorporadas dentro da asistencia como calquera outro aspecto de saúde, polo que deixan de ser consideradas como prestacións sanitarias independentes.

O artigo 32.10 desta lei establece como un dos principios reitores do Sistema público de saúde de Galicia «a integración funcional de todos os recursos sanitarios públicos, apostando por fórmulas de colaboración en lugar de fórmulas competitivas».

O artigo 93.1 da Lei 8/2008, do 10 de xullo, determina que «integran o Servizo Galego de Saúde os centros, servizos e establecementos sanitarios e administrativos creados pola Administración da Xunta de Galicia ou procedentes de transferencias, así como as entidades sanitarias de natureza pública que se lle adscriban».

O artigo 108.2.c) da mesma lei inclúe no concepto de empregado público da saúde «o persoal transferido, calquera que sexa o réxime xurídico de dependencia, laboral, funcionario ou estatutario, doutras administracións públicas con ocasión do traspaso e/ou da asunción das competencias, dos medios e dos servizos na materia de asistencia sanitaria».

As unidades asistenciais de drogodependencias (UAD) reguláronse inicialmente mediante a Orde da Consellería de Sanidade do 7 de xullo de 1988, sobre autorización de unidades, centros, servizos e establecementos sanitario-asistenciais de tratamento das drogodependencias, e o seu artigo 2 atribuíulles a condición de centro/establecemento sanitario-asistencial.

«Para os efectos desta orde, consideraranse como unidades, centros, servizos ou establecementos sanitario-asistenciais de tratamento das drogodependencias:

a) As unidades asistenciais de drogodependencias (UAD), que as define como centros ou servizos de tratamento ambulatorio (desintoxicación e deshabituación) das drogodependencias que, dependendo ou non dun hospital, desenvolvan calquera tipo de actividade terapéutica nun/nunha paciente consumidor/a de drogas e/ou drogodependente».

O artigo 16 da Lei 2/1996, do 8 de maio, de Galicia sobre drogas, en canto á asistencia e reinserción das persoas afectadas polo consumo de drogas, establece que «os poderes públicos da Comunidade Autónoma galega deben garantir, nas mesmas condicións que ao resto da poboación, o proceso de atención ao/á drogodependente nos servizos sanitarios e sociais, respectando os dereitos e obrigas que establece a normativa básica e autonómica sobre a materia».

Respecto dos criterios de actuación dos servizos sanitarios e sociais, o artigo 17 desta lei fixa os dous seguintes:

• «Atender as persoas con problemas derivados do consumo de drogas preferentemente no seu ámbito comunitario, potenciando os recursos asistenciais de réxime ambulatorio (UAD), de hospitalización parcial (UD) e de atención domiciliaria, e evitar, na medida do posible, a necesidade de internamento.

Nos procesos que así o requiran, a hospitalización dos pacientes drogodependentes realizarase nas unidades correspondentes dos hospitais da rede sanitaria xeral».

• «Facilitarlle ao/á drogodependente unha resposta terapéutica de carácter global, mediante a coordinación permanente dos servizos sanitarios e sociais e a optimización racional dos recursos, procurando a adaptación social das persoas afectadas e a súa reinserción na sociedade».

Coa Orde da Consellería de Sanidade do 12 de marzo de 2007, pola que se regula a integración funcional dos centros de alcoholismo e de atención ás drogodependencias non alcohólicas no Servizo Galego de Saúde, o desenvolvemento dos seus programas de intervención pasaron a depender funcionalmente do/da responsable de saúde mental da área sanitaria correspondente.

Sobre a base das previsións estatutarias e legais citadas, así como doutras de xeral e pertinente aplicación, e logo de acordo entre a Xunta de Galicia e os concellos de Burela, Cangas, Carballo, Vigo, Monforte de Lemos, Noia, O Grove, Ourense, Pontevedra, O Porriño, Ribeira, Santiago de Compostela e Vilagarcía de Arousa e a Federación Galega de Municipios e Provincias (Fegamp), resulta procedente efectuar o traspaso á Comunidade Autónoma de Galicia dos servizos e medios persoais e materiais afectos á atención sanitaria prestada polas unidades asistenciais de atención a drogodependencias de titularidade municipal existentes no territorio da Comunidade Autónoma de Galicia.

B) Servizos que se traspasan.

Traspásanse á Comunidade Autónoma de Galicia os servizos que, en materia de asistencia sanitaria, viñan realizando as unidades asistenciais de atención a drogodependencias de titularidade municipal no territorio da Comunidade Autónoma de Galicia e, en concreto, os que se viñan desenvolvendo a través dos seguintes centros:

• Unidade Asistencial de Drogodependencias de Burela.

• Unidade Asistencial de Drogodependencias de Cangas.

• Unidade de Condutas Adictivas de Carballo.

• Unidade Asistencial de Drogodependencias Cedro de Vigo.

• Unidade Asistencial de Drogodependencias de Monforte de Lemos.

• Unidade Asistencial de Drogodependencias de Noia.

• Unidade Asistencial de Drogodependencias do Grove.

• Unidade Asistencial de Drogodependencias de Ourense.

• Unidade Asistencial de Drogodependencias de Pontevedra.

• Unidade Asistencial de Drogodependencias do Porriño.

• Unidade de Condutas Adictivas de Ribeira.

• Unidade Asistencial de Drogodependencias de Santiago de Compostela.

• Unidade Asistencial de Drogodependencias de Vilagarcía de Arousa.

A Comunidade Autónoma de Galicia exixirá e vixiará o cumprimento do artigo vinte e nove da Lei 14/1986, do 25 de abril, para evitar a duplicidade das redes sanitarias públicas.

O Servizo Galego de Saúde asumirá as prestacións sanitarias que se están a desenvolver en tales centros.

C) Persoal que se traspasa.

É obxecto de traspaso á Comunidade Autónoma de Galicia, en concreto ao Servizo Galego de Saúde, o persoal funcionario de carreira e laboral fixo pertencente a categorías sanitarias adscrito ás unidades asistenciais de atención a drogodependencias de titularidade municipal, así como o que, reunindo a mesma condición de fixeza, pertenza a categorías de persoal non sanitario, sempre que neste último suposto desenvolva, a xornada completa, as tarefas propias do seu vínculo nunha unidade asistencial de atención a drogodependencias.

De conformidade con estes criterios, traspásase o persoal adscrito ás unidades asistenciais de atención a drogodependencias de titularidade municipal anteriormente referidas, que se relaciona nominalmente, diferenciado por unidade de prestación de servizos e segundo o seu réxime de vinculación, no anexo I deste acordo.

As posibles modificacións que nesta relación se puideren producir con posterioridade a este acordo de traspaso deberán ser aprobadas, en cada caso, pola Comisión de Seguimento prevista neste acordo e serán recollidas e publicadas con posterioridade á dita data nunha nova relación, que reflectirá tamén a situación da letra D.

As corporacións locais notificaranlles ás persoas interesadas o traspaso e a súa nova situación administrativa. Así mesmo, deberán remitirlle ao órgano superior con competencias en materia de persoal do Servizo Galego de Saúde os expedientes do persoal traspasado, así como os certificados de haberes referidos ás cantidades devindicadas no ano anterior á formalización da integración, no prazo indicado na letra I.

O traspaso dos medios persoais axustarase en todo caso ao establecido no Decreto 447/1996, do 26 de decembro, polo que se establecen as bases para a homologación e integración funcional do persoal transferido á Xunta de Galicia dos centros sanitarios das corporacións locais, do persoal pertencente ao Servizo Galego de Saúde con vínculo xurídico funcionarial dos corpos e escalas da Administración especial sanitaria e corpos xerais e doutro persoal con vínculo laboral fixo. Respectaranse os dereitos do persoal obxecto de traspaso, que se incorporará ao cadro orzamentario do Servizo Galego de Saúde nas condicións laborais e retributivas que teña acreditadas na data de sinatura do acordo de traspaso.

Aqueles/as profesionais que, na data de sinatura do acordo de traspaso, teñan autorizada ou recoñecida pola Administración local a compatibilidade para o desempeño dunha segunda actividade, pública ou privada, e desexen manter tal situación, deberán actualizar a súa autorización ou recoñecemento por parte da Administración da Xunta de Galicia mediante a presentación dunha solicitude no prazo máximo de 6 meses, contados a partir do día seguinte á entrada en vigor do decreto de traspaso.

D) Postos de traballo vacantes que se traspasan.

Os postos de traballo vacantes dotados orzamentariamente que se traspasan son os que se detallan no anexo II deste acordo, con indicación do grupo e categoría profesional.

O persoal temporal que preste servizos efectivos nunha praza vacante dotada orzamentariamente incluída nun proceso de estabilización de emprego público temporal convocado ao abeiro da Lei 20/2021, do 28 de decembro, de medidas urxentes para a redución da temporalidade no emprego público, permanecerá desenvolvendo esta ata a resolución do proceso de selección. Se supera este, traspasarase ao Servizo Galego de Saúde coa condición de funcionario de carreira ou persoal laboral fixo da categoría correspondente, segundo o caso.

O persoal que na data de efectividade do traspaso manteña activo un vínculo temporal para a substitución dun/dunha profesional incluído/a nos anexos I ou II permanecerá desenvolvendo as súas funcións ata a incorporación do persoal substituído ou ata que este perda o seu dereito á reserva de praza ou, de ser o caso, ata a finalización do prazo establecido no contrato laboral ou nomeamento que se formalizase, de ter fixado un prazo de vixencia anterior.

No suposto de que, logo da autorización da Comisión de Seguimento prevista na letra J), se produza minoración de efectivos, publicarase unha nova relación de postos vacantes e dotados orzamentariamente.

E) Valoración do custo efectivo dos medios que se traspasan.

A valoración do custo efectivo dos medios que se traspasan é de 4.887.374,09 €.

F) Bens inmobles obxecto de traspaso.

As unidades asistenciais de atención a drogodependencias de titularidade municipal que se traspasan están situadas nos inmobles que se detallan no anexo III.

Os bens inmobles de titularidade municipal ou doutra entidade pública distinta ao Servizo Galego de Saúde en que se sitúan as unidades asistenciais de atención a drogodependencias seguirán pertencendo ao patrimonio daquelas para todos os efectos, sen prexuízo da posta á disposición do seu uso ao Servizo Galego de Saúde a través da formalización do documento administrativo que corresponda, de conformidade coa normativa en materia de patrimonio das administracións públicas.

O Servizo Galego de Saúde asumirá os custos de subministración, conservación e mantemento destas instalacións, nos termos e condicións que se detallarán no documento administrativo de posta á disposición do seu uso a favor do Servizo Galego de Saúde que se formalice con cada entidade titular.

G) Contratos vixentes formalizados polas corporacións municipais e vinculados directamente co funcionamento das unidades asistenciais de atención a drogodependencias.

O Servizo Galego de Saúde asumirá, a través das figuras xurídicas que correspondan, aqueles contratos ou instrumentos de natureza semellante formalizados polas distintas corporacións municipais con anterioridade a este acordo, sempre e cando garden unha íntima conexión co obxecto do traspaso e sexan necesarios para garantir a continuidade dos servizos prestados polas unidades asistenciais de atención a drogodependencias. Tales contratos figuran relacionados no anexo IV.

H) Outros bens materiais obxecto de traspaso.

Constitúe tamén obxecto de traspaso o inmobilizado material e inmobilizado intanxible que na data de aprobación do presente acordo pertenza ou estea á disposición das distintas unidades asistenciais de atención a drogodependencias, o cal consta relacionado no anexo de inventario certificado polos respectivos concellos.

I) Documentación e expedientes dos servizos que se traspasan.

A entrega da documentación e expedientes correspondentes aos servizos e medios persoais traspasados realizarase na data de sinatura do acordo de traspaso.

Con carácter excepcional, unicamente respecto daquela documentación que pola súa natureza ou data de xeración non poida ser achegada na data sinalada, poderá remitirse nun momento posterior, comprendido en todo caso nos quince días seguintes á entrada en vigor do decreto de traspaso.

J) Comisión de Seguimento.

Constituirase unha comisión paritaria de seguimento, á cal lle corresponderá a interpretación e a solución de cantas dúbidas e cuestións puideren derivar do acordado, asegurar a continuidade das operacións administrativas e garantir un traspaso ordenado dos servizos e medios sinalados nas letras precedentes.

Esta comisión estará formada por cinco persoas designadas pola Federación Galega de Municipios e Provincias (Fegamp) e cinco persoas designadas pola Xunta de Galicia, por proposta da Consellería de Sanidade.

As sesións da Comisión poderán contar coa asistencia e participación con voz dun representante de cada unha das corporacións locais correspondentes ás unidades obxecto de traspaso, se o consideran de interese. Con tal fin, notificaráselle a cada concello a convocatoria coa orde do día de cada unha das sesións, sen prexuízo, ademais, de poder solicitar os concellos, a través da Fegamp, a súa convocatoria.

A Comisión de Seguimento realizará, nun prazo non superior a seis meses, a revisión e a modificación das relacións adxuntas, no caso de que for necesario.

K) Data de efectividade do traspaso.

O traspaso dos servizos obxecto deste acordo e, en particular, dos medios persoais e materiais será efectivo a partir do 1 de xaneiro de 2026.

L) Outros acordos.

Á marxe do acordado sobre o traspaso de servizos e medios persoais e materiais, a Consellería de Sanidade, o Servizo Galego de Saúde e a Fegamp establecerán, mediante un convenio de colaboración, o procedemento necesario para a cancelación das liquidacións pendentes.

Anexo I. Persoal que se traspasa.

Anexo II. Postos de traballo vacantes que se traspasan.

Anexo III. Bens inmobles obxecto de traspaso.

Anexo IV. Contratos obxecto de traspaso e/ou subrogación.

ANEXO I

Persoal que se traspasa

Unidade	Grupo de clasificación	Posto de traballo	Tipo de vínculo xurídico	Nome e apelidos da persoa titular	Nome e apelidos da persoa substituta temporal
Burela	Grupo I	Director/a-psicólogo/a	Laboral fixo	Mª Concepción Abad Alastruey
Burela	Grupo I	Psicólogo/a	Laboral fixo	Susana Fernández Pernas
Burela	Grupo II	Enfermeiro/a	Laboral fixo	Adriana Rego Díaz
Burela	Grupo II	Traballador/a social	Laboral fixo	María Teresa Lanza Méndez
Burela	Grupo IV	Auxiliar administrativo/a	Laboral fixo	María Teresa García González
Burela	Grupo IV	Auxiliar de clínica	Laboral fixo	María Belén Maseda Seco
Cangas	Grupo I	Director/a-coordinador/a	Laboral fixo	Maximino Portela Freire
Cangas	Grupo II	Enfermeiro/a	Laboral fixo	Begoña Chapela Broullón
Cangas	Grupo IV	Auxiliar de clínica	Laboral fixo	Manuela García Moreira
Cangas	Grupo II	Traballador/a social	Laboral fixo	María Eugenia Tenorio González
Carballo	Grupo I	Director/a-psicólogo/a	Laboral fixo	María Lourdes Suárez Fernández
Carballo	Grupo II	Enfermeiro/a	Laboral fixo	María Mercedes Paredes Deus
Carballo	Grupo II	Traballador/a social	Laboral fixo	Natalia Docampo Alvarez
Cedro-Vigo	Subgrupo A1	Xefe/a de Cedro	Funcionario/a de carreira	Francisco Abel Otero Lamas
Cedro-Vigo	Subgrupo C2	Aux. de lab. de Cedro	Funcionario/a de carreira	María Jesús Balea Carrera
Cedro-Vigo	Subgrupo C2	Aux. de lab. de Cedro	Funcionario/a de carreira	Nina Benavides Oteroa
Monforte de Lemos	Subgrupo A1	Psicólogo/a clínico/a	Laboral fixo	Sagrario Ferreira Pernas	Estela Taboada López
Monforte de Lemos	Subgrupo A2	Director/a- enfermeiro/a	Laboral fixo	Noemí Escobar Moure
Monforte de Lemos	Subgrupo A2	Traballador/a social	Laboral fixo	Teresa González Carballo
Monforte de Lemos	Subgrupo A2	Educador/a social	Laboral fixo	María Luisa Astray García
Monforte de Lemos	Subgrupo C2	Auxiliar administrativo/a	Laboral fixo	Antonio González Urdiales
Noia	Grupo I	Psiquiatra	Laboral fixo	Joaquín Pomares Botana
O Grove	Subgrupo A1	Psicólogo/a	Laboral fixo	Liliana Barral Caneda
O Grove	Subgrupo C2	Auxiliar de clínica	Laboral fixo	Ana Eva Gondar Pérez	María Gondar Barral
O Grove	Subgrupo A2	Traballador/a social	Laboral fixo	Manuela Franco Recamán
O Grove	Subgrupo A2	Educador/a social- director/a	Laboral fixo	Ana María Caneda Pérez
Ourense	Subgrupo A1	Psicólogo/a	Funcionario/a de carreira	Mercedes Martínez Montero
Ourense	Subgrupo A1	Psicólogo/a	Funcionario/a de carreira	Isolina Míguez Estévez
Ourense	Subgrupo C2	Auxiliar administrativo	Funcionario/a de carreira	Alejandro Delgado Mejías
Ourense	Subgrupo C2	Aux. adm. xefe/a da unidade	Funcionario/a de carreira	Juan Muíños López
Pontevedra	Subgrupo C2	Aux. de clínica	Funcionario/a de carreira	Mónica Varela Vara de Rey
O Porriño	Grupo I	Médico/a-xefe/a da unidade	Laboral fixo	Marina de la Concepción Fuentes Barco
O Porriño	Grupo IV	Auxiliar de clínica	Laboral fixo	Herminda de los Remedios Pereiro Rodríguez
O Porriño	Grupo II	Traballador/a social	Laboral fixo	María José Sentí Estébanez
O Porriño	Grupo IV	Auxiliar administrativo/a	Laboral fixo	María del Pilar Ferreira Castro
Ribeira	Grupo I	Médico psiquiatra (xefe/a do servizo)	Laboral fixo	Jesús César Cartelle Fernández
Ribeira	Grupo II	Enfermeiro/a	Laboral fixo	Ana Mª León Caamaño
Ribeira	Grupo IV	Auxiliar de clínica	Laboral fixo	Mª Mercedes Barreiro López	Manuela Cores Ces
Ribeira	Grupo IV	Monitor/a multidisciplinar	Laboral fixo	Manuel Casais Arestín
Ribeira	Grupo III	Monitor/a multidisciplinar	Laboral fixo	María de los Ángeles Sánchez Pérez
Ribeira	Grupo II	Traballador/a social	Laboral fixo	Eva Mª Fontaíña García
Santiago de Compostela	Subgrupo A1	Psicólogo/a	Laboral fixo	Fernando González Iglesias
Santiago de Compostela	Subgrupo A2	Enfermeiro/a	Laboral fixo	Juana María Rodríguez Rivero
Santiago de Compostela	Subgrupo C2	Auxiliar de clínica	Laboral fixo	María del Carmen Franqueira Brea
Santiago de Compostela	Subgrupo A2	Traballador/a social	Laboral fixo	Marisol Fernández Valado
Santiago de Compostela	Subgrupo C1	Director/a de tempo libre	Laboral fixo	Pablo Álvarez García
Santiago de Compostela	Subgrupo C2	Monitor/a ocupacional	Laboral fixo	María Teresa López Herrero
Vilagarcía de Arousa	Subgrupo C2	Auxiliar administrativo/a	Funcionario/a de carreira	María Begoña Fontán Fajardo
Vilagarcía de Arousa	Subgrupo C1	Auxiliar de clínica	Funcionario/a de carreira	Beatriz Castro Barreiro
Vilagarcía de Arousa	Subgrupo A2	Enfermeiro/a	Funcionario/a de carreira	María Alfonso Villamil
Vilagarcía de Arousa	Subgrupo A2	Traballador/a social	Funcionario/a de carreira	María Carmen Mariño Padín
Vilagarcía de Arousa	Subgrupo A2	Educador/a social	Funcionario/a de carreira	Susana Casal Martínez
Vilagarcía de Arousa	Subgrupo A2	Educador/a social	Funcionario/a de carreira	María Bel Romero Viñas
Vilagarcía de Arousa	Subgrupo A1	Psicólogo/a	Funcionario/a de carreira	Blanca Rosa Vázquez Corral	Beatriz Castromil Vázquez
Vilagarcía de Arousa	Subgrupo A1	Psicólogo/a	Funcionario/a de carreira	María Beatriz Camba Cortés
Vilagarcía de Arousa	Subgrupo A1	Médico/a	Funcionario/a de carreira	María del Mar Lojo Caamaño

ANEXO II

Postos de traballo vacantes que se traspasan

Unidade	Grupo de clasificación	Posto de traballo	Tipo de vínculo xurídico	Nome e apelidos do persoal temporal	Nome e apelidos da persoa substituta
Burela	Grupo I	Médico/a	Laboral	Vacante
Cangas	Grupo I	Médico/a especialista en psiquiatría	Laboral temporal	Paula Martínez Vico
Cangas	Subgrupo C2	Auxiliar administrativo/a	Funcionario/a de carreira	Vacante
Carballo	Subgrupo C2	Auxiliar administrativo/a	Funcionario/a de carreira	Vacante
Cedro-Vigo	Subgrupo A2	Enfermeiro/a	Funcionario/a interino/a	Jorge Rouco Velasco
Cedro-Vigo	Subgrupo C2	Auxiliar Cedro	Funcionario/a de carreira	Vacante
Cedro-Vigo	Agrup. prof.	Subalterno/a-recepcionista	Funcionario/a de carreira	Vacante
Monforte de Lemos	Subgrupo A1	Médico/a psiquiatra	Laboral	Vacante
Monforte de Lemos	Subgrupo C2	Monitor/a de tempo libre	Laboral	Vacante
Noia	Grupo II	Traballador/a social	Laboral temporal	Adriana Vieites Freire
Noia	Grupo IV	Auxiliar de clínica	Laboral temporal	Rosalía Bello Alborés
Noia	Grupo I	Psicólogo/a	Laboral temporal	María José Fátima Piñeiro Nin
Noia	Subgrupo C2	Auxiliar administrativo/a	Funcionario/a de carreira	Vacante
O Grove	Subgrupo A1	Médico/a psiquiatra	Laboral	Vacante
Ourense	Subgrupo A1	Psiquiatra	Funcionario/a interino/a	Ana María Fernández Sobrino
Ourense	Subgrupo A1	Médico/a	Funcionario/a interino/a	Valentín Estévez Pérez
Ourense	Subgrupo A1	Farmacéutico/a	Laboral indefinido/a non fixo/a	Mª Emilia Soto Tabarés
Ourense	Subgrupo A2	Traballador/a social	Funcionario/a interino/a	Marta Acevedo Mira	Nancy Rocío Agüero Vázquez
Ourense	Subgrupo C2	Aux. de clínica	Funcionario/a interino/a	Mª Pilar Cuquejo Rodríguez
Ourense	Subgrupo A2	Enfermeiro/a	Funcionario/a de carreira	Vacante
Pontevedra	Grupo I	Xefe/a de servizo- médico/a	Laboral	Vacante
Pontevedra	Grupo I	Xefe/a de sección- psiquiatra	Laboral	Vacante
Pontevedra	A1	Xefe/a de sección-psicólogo/a	Funcionario/a de carreira	Vacante
Pontevedra	Grupo I	Xefe/a de sección-psicólogo/a	Laboral	Vacante
Pontevedra	Subgrupo A2	Enfermeiro/a	Funcionario/a de carreira	Vacante
Pontevedra	Grupo I	Psicólogo/a	Laboral	Vacante
Pontevedra	Grupo IV	Auxiliar de clínica	Laboral	Vacante
O Porriño	Grupo I	Psicólogo/a	Laboral	Vacante
Ribeira	Grupo I	Médico/a coordinador/a de área médica	Laboral temporal	Darío Señoráns Argibay
Ribeira	Grupo I	Psicólogo/a	Laboral	Vacante
Ribeira	Grupo I	Psicólogo/a	Laboral	Vacante
Ribeira	Grupo IV	Auxiliar administrativo/a	Laboral	Vacante
Santiago de Compostela	Subgrupo A2	Enfermeiro/a	Laboral temporal	Manuela Matalobos Vázquez
Santiago de Compostela	Subgrupo A1	Psicólogo/a	Laboral temporal	Fátima Pérez Sayago
Santiago de Compostela	Subgrupo A1	Dirección da UMAD	Laboral	Vacante
Santiago de Compostela	Subgrupo A1	Médico/a	Laboral	Vacante
Santiago de Compostela	Subgrupo A1	Médico/a	Laboral	Vacante
Santiago de Compostela	Subgrupo A2	Traballador/a social	Laboral	Vacante
Vilagarcía de Arousa	Subgrupo C1	Auxiliar de clínica	Funcionario/a interino/a	María del Carmen Vázquez Vence

ANEXO III

Bens inmobles obxecto de traspaso

– Unidade Asistencial de Drogodependencias de Burela.

No Concello de Burela a unidade está na rúa das Laxelas, 14, con referencia catastral 2158063PJ3325N0001KZ. Esta edificación é de titularidade municipal.

– Unidade Asistencial de Drogodependencias de Cangas.

No Concello de Cangas a UAD está no Centro Municipal do Benestar Social, sito na avenida de Ourense, 46, con referencia catastral 8693701NG1789S. É de titularidade municipal.

– Unidade de Condutas Adictivas de Carballo.

A Unidade de Condutas Adictivas do Concello de Carballo está situada na praza do Médico Eduardo Mariño, s/n (antiga avenida do Ambulatorio), no primeiro andar do edificio existente na parcela con referencia catastral 5456913NH2855N0001BM. É de titularidade municipal.

O plano da superficie que se vai ceder en que se concreta o actual destino de cada sala é o seguinte:

– Unidade Asistencial de Drogodependencias Cedro de Vigo.

A Unidade Asistencial de Drogodependencias Cedro está situada na rúa Pintor Colmeiro, 9, Vigo, con referencia catastral 2449616NG2724N0001XB. É de titularidade municipal.

– Unidade Asistencial de Drogodependencias de Monforte de Lemos.

A Unidade Asistencial de Drogodependencias de Monforte de Lemos localízase na praza da Estación, 17, baixo, nesta mesma localidade. O inmoble onde se encontran as instalacións da unidade asistencial de drogodependencias é de titularidade do Administrador de Infraestruturas Ferroviarias (ADIF). Figura o contrato asinado de data 1 de xaneiro de 2017.

– Unidade Asistencial de Drogodependencias do Grove.

A Unidade Asistencial de Drogodependencias do Grove localízase na rúa do Matadoiro, 3 (antes rúa Lordelo), 36980 O Grove. A referencia catastral é 0852301NH1005S0001TT.

A edificación está situada nun terreo pertencente ao dominio público marítimo-terrestre e o Concello do Grove conta cunha concesión administrativa de ocupación sobre el outorgada pola Dirección General de Costas do Ministerio de Medio Ambiente.

A Unidade Asistencial de Drogodependencias ocupa desde a súa apertura no ano 1995 parte do edificio, que é compartido con outros servizos municipais, actualmente cos servizos sociais municipais e o Centro de Información á Muller, aínda que con acceso e dependencias diferenciadas e independentes entre a UAD e os demais servizos.

– Unidade Asistencial de Drogodependencias de Pontevedra.

A unidade está en tres locais conectados entre si.

• Local 8A, situado na rúa Valentín García Escudero, 1, con referencia catastral 9483006NG2998S0001ZL. Está inscrito no Rexistro da Propiedade de Pontevedra, 1, co número de predio 17485, folio 150, libro 1.099, tomo 1.950, data da 3ª inscrición: 2 de marzo de 2015. Este local consta co número 2343 no Inventario de bens e dereitos municipal con data 31 de decembro de 2021, aprobado polo Pleno na sesión que tivo lugar o 23 de xuño de 2025.

• Local 8B, situado na avenida Bos Aires, 2, con referencia catastral 9483001NG2998S0001XL. Está inscrito no Rexistro da Propiedade de Pontevedra, 1, co número de predio 17492, folio 153, libro 1.099, tomo 1.950, data da 3ª inscrición: 2 de marzo de 2015. Este local consta co número 2352 no Inventario de bens e dereitos municipal o 31 de decembro de 2021, aprobado polo Pleno na sesión que tivo lugar o 23 de xuño de 2025.

• Local 9, situado na avenida Bos Aires, 2, con referencia catastral 9483001NG2998S0002MB, inscrito no Rexistro da Propiedade de Pontevedra, número 1, co número de predio 17493, folio 156, libro 1.099, tomo 1.950, data da 3ª inscrición 2 de marzo de 2015. Este local consta co número 2353 no Inventario de bens e dereitos municipal con data 31 de decembro de 2021, aprobado polo Pleno na sesión que tivo lugar o 23 de xuño de 2025.

– Unidade Asistencial de Drogodependencias do Porriño.

A UAD do Porriño sitúase na rúa Fernández Areal, 37, O Porriño, e o inmoble está inscrito na epígrafe de inmobles do Inventario municipal de bens e dereitos do Concello do Porriño, coa natureza de dominio público, servizo público, co código de inventario 0006, e inscrito no Rexistro da Propiedade de Tui no tomo 539, libro 91, folio 97, predio 10590, con referencia catastral 1678011NG3617N0001QT.

– Unidade de Condutas Adictivas de Ribeira.

O inmoble onde se desenvolve a actividade localízase na avenida da Coruña, 174, con referencia catastral 001703400NH01C0001BM e é titularidade da Tesouraría Xeral da Seguridade Social.

– Unidade Asistencial de Drogodependencias de Santiago de Compostela.

A edificación está situada nunha parcela de titularidade municipal de 55.400,40 m2, con referencia catastral 8398730NH3489G0001OO, resultante da parcelación da antiga parcela do mercado nacional de gando, adquirida polo Concello de Santiago de Compostela ao Estado en virtude de escritura pública de cesión outorgada o 24 de marzo de 1997 ante o notario de Santiago de Compostela, Manuel Julio Reigada Montoto, co número 960/1997 do seu protocolo. A parcela está inscrita a nome do Concello no Rexistro da Propiedade número 2 desta cidade: tomo 1053, libro 95, folio 29, predio 8.429.

A referida parcela foi construída sen división horizontal.

O edificio destinado á UMAD está situado na porción IA-5 de equipamento institucional administrativo da parcela sinalada.

ANEXO IV

Contratos obxecto de traspaso e/ou subrogación

– Unidade Asistencial de Drogodependencias Cedro de Vigo.

1. Contrato administrativo de servizos formalizado entre o Concello de Vigo e Eulen Servicios Sociosanitarios, S.A. o 11 de febreiro de 2025 para a prestación do servizo sanitario asistencial de Cedro (XGL 17.1.2025; expediente número 3007/315), con vixencia inicial ata o 28 de febreiro de 2026.

Conforme a letra G), o Servizo Galego de Saúde asumirá, a través das figuras xurídicas que correspondan, aqueles contratos ou instrumentos de natureza semellante formalizados polas distintas corporacións municipais con anterioridade a este acordo, sempre e cando garden unha íntima conexión co obxecto do traspaso e sexan necesarios para garantir a continuidade dos servizos prestados polas unidades asistenciais de atención a drogodependencias.

A determinación dos contratos obxecto de subrogación ou a forma do repartición de gasto entre administracións en que non proceda a subrogación determinarase nos acordos posteriores individualizados cos concellos de acordo coa información subministrada por eles con anterioridade a este acordo.