O 3 de setembro de 2025 (DOG núm. 169) publicouse a Resolución do 1 de agosto de 2025 pola que se establecen as bases reguladoras para a concesión, en réxime de concorrencia non competitiva, das subvencións a establecementos turísticos para actuacións de embelecemento do litoral galego, no marco do Plan de recuperación, transformación e resiliencia, financiado pola Unión Europea-NextGenerationEU, e se convocan con carácter plurianual (2025-2026) (código de procedemento TU503F), e o 11 de novembro de 2025 publicouse a Resolución do 7 de novembro de 2025 pola que se acorda a ampliación do prazo para a presentación de solicitudes no procedemento regulado pola Resolución do 1 de agosto de 2025.
As axudas previstas nesta convocatoria fináncianse cun crédito total de 5.000.000,00 de euros, imputables á aplicación orzamentaria 04.A2.761A.770.0, proxecto 2022 00001, dos orzamentos xerais da Comunidade Autónoma de Galicia para o período 2025-2026. O orzamento divídese en tres liñas de actuación subvencionables: liña 1: eficiencia enerxética, cun orzamento de 764.000,00 € (eixe 2: mellora da eficiencia enerxética); liña 2: dixitalización de recursos con potencial turístico no litoral, cun orzamento de 580.000,00 € (eixe 3: dixitalización); e liña 3: mellora da fachada turística do litoral, cun orzamento de 3.656.000,00 € (eixe 4: competitividade).
As subvencións previstas nesta resolución financiaranse co seguinte detalle:
|
Liñas |
Anualidade 2025 |
Anualidade 2026 |
Total |
|
Liña 1 |
100.000,00 € |
664.000,00 € |
764.000,00 € |
|
Liña 2 |
100.000,00 € |
480.000,00 € |
580.000,00 € |
|
Liña 3 |
200.000,00 € |
3.456.000,00 € |
3.656.000,00 € |
|
400.000,00 € |
4.600.000,00 € |
5.000.000,00 € |
Unha vez ampliado o prazo de presentación de solicitudes ata o 12 de decembro de 2025, e logo de estudar as solicitudes presentadas ata o momento, comprobouse que o crédito inicial para a anualidade 2026 resulta insuficiente para atender as solicitudes presentadas que cumpren os requisitos establecidos na Resolución do 1 de agosto de 2025, e que o importe solicitado para a anualidade 2025 é inferior ao crédito dispoñible para esta anualidade, polo que procede realizar un reaxuste minorando a anualidade 2025 e incrementando o mesmo importe na anualidade 2026.
De conformidade coa competencia conferida polo artigo 19 dos estatutos da Axencia de Turismo de Galicia, aprobados polo Decreto 196/2012, do 27 de setembro,
RESOLVO:
Primeiro. Redistribuír o crédito dispoñible establecido no artigo 2 das bases reguladoras da Resolución do 1 de agosto de 2025 pola que se establecen as bases reguladoras para a concesión, en réxime de concorrencia non competitiva, das subvencións a establecementos turísticos para actuacións de embelecemento do litoral galego, no marco do Plan de recuperación, transformación e resiliencia, financiado pola Unión Europea-NextGenerationEU, e se convocan con carácter plurianual (2025-2026) (código de procedemento TU503F), que terá a seguinte distribución plurianual:
|
Partida orzamentaria |
2025 |
2026 |
|
04.A2.761A.770.0 |
65.204,79 € |
4.934.795,21 € |
A distribución por liñas é a que se detalla a seguir:
|
Anualidade 2025 |
Anualidade 2026 |
|
|
Liña 1 |
11.768,94 € |
752.231,06 € |
|
Liña 2 |
18.008,89 € |
561.991,11 € |
|
Liña 3 |
35.426,96 € |
3.620.573,04 € |
|
Total |
65.204,79 € |
4.934.795,21 € |
Segundo. Publicar esta resolución no Diario Oficial de Galicia, para os efectos previstos no artigo 44 e 45.3 da LPACAP.
Terceiro. Esta modificación, unha vez publicada no Diario Oficial de Galicia, non implicará a apertura dun novo prazo para presentar novas solicitudes.
Santiago de Compostela, 30 de decembro de 2025
José Manuel Merelles Remy
Director da Axencia de Turismo de Galicia