Na sesión ordinaria do 31 de xullo de 2025, o Pleno municipal

ACORDOU:

Primeiro. Aprobar definitivamente o Plan especial de infraestruturas e dotacións no medio rural. Montemaior, concello da Laracha, asinado polo arquitecto Manuel Borobio Sánchiz. Arquitecto urbanista (Abtemas, S.L.) e Melania Payán Pérez. Ciencias Ambientais (Yukti, S.L.), con pegada dixital o documento en pdf

A996347EA3BCB0128ECC3E64556E85C336BFE36C6FF236618D2737DA6DB6B3Ch, coas modificacións resultantes dos informes emitidos.

Segundo. Publicar a aprobación definitiva no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva. Igualmente, xunto coa publicación deste acordo publicarase a indicación das medidas adoptadas para o seguimento dos efectos no medio ambiente da aplicación do plan e a referencia ao enderezo electrónico en que figurará o contido íntegro do plan ao dispor do público.

Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Ordenación do Territorio e Planeamento Urbanístico de Galicia, e anexar un exemplar en soporte dixital, debidamente dilixenciado.

Cuarto. Notificar individualmente a aprobación definitiva do plan especial a todas as persoas titulares catastrais dos terreos afectados ás cales xa se lles notificou a súa aprobación inicial, de conformidade co artigo 186.4 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro.

O contido íntegro do plan estará á disposición do público na sede electrónica (artigos 82.2 da Lei 2/2016, do solo de Galicia (LSG), e 199.2 do Regulamento da Lei do solo (LSG).

As medidas adoptadas para o seguimento dos efectos no ambiente da aplicación do plan están recollidas no documento 15041_PEID_FGS_202507_AD_07AAE_01DAE.

O presente plan parcial é unha disposición xeral polo que contra el poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses, contados desde o día seguinte ao da publicación desta disposición, sen prexuízo de calquera outro recurso que se considere procedente.

A Laracha, 3 de febreiro de 2026

José Manuel Varela López
Alcalde