Examinado o expediente iniciado por solicitude de Norvento, S.L., en relación coa declaración de utilidade pública, en concreto, do parque eólico Olerón, constan os seguintes

Antecedentes de feito:

Primeiro. Mediante a Resolución do 20 de decembro de 2010 pola que se aproba a relación de anteproxectos de parques eólicos seleccionados ao abeiro da Orde do 29 de marzo de 2010 para a asignación de 2.325 MW de potencia na modalidade de novos parques eólicos en Galicia (DOG núm. 248, do 28 de decembro), admitiuse a trámite o parque eólico Olerón, cunha potencia de 24 MW e promovido por Norvento, S.L.

Segundo. O 17.2.2011, Norvento, S.L. solicitou a autorización administrativa, a aprobación do proxecto de execución e a declaración, en concreto, de utilidade pública para o parque eólico.

Terceiro. Polo Acordo do Consello da Xunta, do 12 de maio de 2016, autorizáronse as instalacións, aprobouse o proxecto de execución e declarouse a utilidade pública, en concreto, do parque eólico Olerón, cunha potencia de 24 MW. Este acordo fíxose público pola Resolución do 13 de maio de 2016, da Dirección Xeral de Enerxía e Minas (DOG núm. 102, do 31 de maio de 2019).

Cuarto. Pola Resolución do 6 de febreiro de 2024, da Dirección Xeral de Planificación Enerxética e Recursos Naturais, recoñeceuse como non substancial unha modificación do parque eólico.

Esta modificación consiste, con carácter xeral, no cambio do modelo de aeroxerador proxectado, de forma que o número de máquinas se reduce das 8 autorizadas a 6 (elimínanse as posicións 1 e 2), debido á maior potencia unitaria do novo modelo. Así mesmo, desprázase a posición do aeroxerador nº 7, mentres que as demais se corresponden con posicións do proxecto autorizado. A potencia instalada resultante é de 27 MW, manténdose a potencia máxima evacuable en 24 MW.

Quinto. O 21.10.2024 Norvento, S.L. achegou a esta dirección xeral unha solicitude de declaración de utilidade pública para a modificación do proxecto recollida no antecedente de feito cuarto, así como a correspondente relación de bens e dereitos afectados (RBDA).

O 5.12.2024, en resposta ao requirimento desta dirección xeral do 24.11.2024, a promotora achegou unha emenda da solicitude, así como documentación complementaria.

Sexto. O 3.6.2025 esta dirección xeral remitiulle ao Departamento Territorial da Consellería de Medio Ambiente e Cambio Climático da Coruña, a documentación da solicitude de declaración de utilidade pública para a modificación do proxecto do parque eólico, co fin de continuar coa súa tramitación de acordo co establecido no artigo 44 da Lei 8/2009.

Sétimo. O 21.8.2025, o 19.9.2025 e o 29.9.2025 a promotora achegou ao Departamento Territorial respectivas emendas de documentación.

Entre a documentación achegada, a promotora presentou unha declaración responsable en que se acredita que no proxecto non se inclúen cambios significativos ou novas afeccións aos organismos afectados, xa consultados durante a tramitación da autorización administrativa previa e de construción da referida instalación.

Oitavo. Polo Acordo do 30 de setembro de 2025, do Departamento Territorial da Coruña, someteuse a información pública a solicitude de declaración de utilidade pública, en concreto, coa necesidade de urxente ocupación que iso implica, da modificación do proxecto do parque eólico.

O Acordo publicouse o 13 de outubro de 2025 no Diario Oficial de Galicia e no xornal La Voz de Galicia. Así mesmo, estivo exposto nos taboleiros de anuncios da Casa do Concello de Brión e do Concello de Rois, segundo os certificados emitidos polos ditos concellos o 28.11.2025 e o 4.12.2025, respectivamente; no taboleiro de anuncios das dependencias do Departamento Territorial da Consellería de Medio Ambiente e Cambio Climático, segundo certificado emitido o 4.2.2026, así como no portal Web da citada Consellería, durante un período de trinta días, contados a partir do día seguinte ao da súa publicación no DOG, de acordo co disposto nos artigos 44.4 e 33.10 da Lei 8/2009, do 22 de decembro.

Durante o período de exposición pública recibiuse unha única alegación, que foi remitida e contestada pola promotora.

Noveno. O 17.12.2025 a Dirección Xeral de Planificación e Ordenación Forestal remitiu a esta dirección xeral o certificado de aproveitamentos de masas forestais relativo ao parque eólico, emitido o 16.12.2025 polo Servizo de Montes do Departamento Territorial da Coruña da Consellería do Medio Rural. Neste certificado recóllense os seguintes montes afectados: MVMC de Susamontes, Parapico e Abelendo; MVMC Quintáns; MVMC Vilar de Abade; MVMC San Miguel da Costa.

Décimo. O 18.12.2025 esta dirección xeral iniciou o trámite de audiencia previsto no artigo 45.3 da Lei 8/2009, do 22 de decembro, cos titulares dos montes veciñais en man común indicados no certificado do Servizo de Montes do 16.12.2025, a que se fai referencia no antecedente de feito noveno.

Transcorrido o prazo de quince días outorgado aos ditos titulares para que alegasen e presentasen os documentos e xustificacións que considerasen pertinentes, non se recibiu ningunha alegación.

Décimo primeiro. O 23.1.2026 a promotora achegou a declaración responsable dos acordos acadados actualizada, así como a RBDA definitiva. Asemade, comunica a súa desistencia da solicitude de declaración de utilidade pública, en concreto, e da expropiación, sobre aquelas parcelas non incluídas no anexo II-Necesaria expropiación da RBDA achegada.

Décimo segundo. O 9.2.2026 o Departamento Territorial da Consellería de Medio Ambiente e Cambio Climático remitiu á Dirección Xeral de Enerxías Renovables e Cambio Climático a documentación relativa á tramitación da información pública e de consultas aos organismos afectados en relación coa solicitude de declaración de utilidade pública do parque eólico.

Entre a documentación remitida, inclúese o informe emitido o 5.2.2026 polo Servizo de Enerxías Renovables e Infraestruturas en que se conclúe que non se atoparon limitacións á constitución de servidumes a que se fai referencia no artigo 161 do Real decreto 1955/2000, do 1 de decembro.

Décimo terceiro. O 11.2.2026 o Servizo de Enerxía e Minas do Departamento Territorial da Consellería de Economía e Industria da Coruña emitiu informe no que se conclúe que a poligonal definida polos arquivos shape do proxecto de execución do parque eólico Olerón, non afecta dereitos mineiros vixente nin solicitados.

Aos antecedentes de feito descritos sonlle de aplicación os seguintes

FUNDAMENTOS DE DEREITO:

Primeiro. A Dirección Xeral de Enerxías Renovables e Cambio Climático é competente para resolver este procedemento con fundamento no Decreto 49/2024, do 22 de abril, polo que se fixa a estrutura orgánica das consellerías da Xunta de Galicia; no Decreto 137/2024, do 20 de maio, polo que se establece a estrutura orgánica da Consellería de Medio Ambiente e Cambio Climático (modificado entre outros polo Decreto 106/2025, do 11 de novembro); e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia; pola Lei 9/2021, do 25 de febreiro, de simplificación administrativa e de apoio á reactivación económica de Galicia; polo artigo 39 da Lei 18/2021, do 27 de decembro, de medidas fiscais e administrativas; polo artigo 46 da Lei 7/2022, do 27 de decembro, de medidas fiscais e administrativas; polo artigo 39 da Lei 10/2023, do 28 de decembro, de medidas fiscais e administrativas; pola disposición derradeira segunda da Lei 2/2024, do 7 de novembro, de promoción dos beneficios sociais e económicos dos proxectos que utilizan os recursos naturais de Galicia; polo artigo 30 da Lei 5/2024, do 27 de decembro, de medidas fiscais e administrativas; e polo artigo 24 da Lei 5/2025, do 23 de decembro, de medidas fiscais e administrativas.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental; na Lei 39/2015, do 1 de outubro, do procedemento administrativo común das Administracións Públicas; e demais normas vixentes de aplicación.

Terceiro. De acordo co artigo 56.1 da Lei 24/2013, do 26 de decembro, do sector eléctrico, e co artigo 44 da Lei 8/2009, do 22 de decembro, a declaración de utilidade pública leva implícita, en todo caso, a necesidade de ocupación dos bens ou de adquisición dos dereitos afectados, implicando a urxente ocupación para os efectos do artigo 52 da Lei do 16 de decembro de 1954, sobre expropiación forzosa.

Cuarto. O artigo 151 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica indica: «En calquera momento, o solicitante da declaración de utilidade pública poderá convir libremente cos titulares dos necesarios bens e dereitos a adquisición por mutuo acordo destes. Este acordo, no momento de declararse a utilidade pública da instalación, adquirirá a natureza e efectos previstos no artigo 24 da Lei de Expropiación Forzosa, causando, por tanto, a correspondente conclusión do expediente expropiatorio. Nestes supostos, o beneficiario da declaración de utilidade pública poderá, no seu caso, solicitar da autoridade competente a aplicación do mecanismo establecido no artigo 59 do Regulamento de Expropiación Forzosa».

Tal e como se recolle no antecedente de feito décimo primeiro, o 23.1.2026 a promotora comunicou a súa desistencia do procedemento de declaración de utilidade pública, en concreto, e da expropiación sobre aquelas parcelas afectadas para as que acadou un acordo coas persoas titulares. Entre estas parcelas, e de acordo coa declaración responsable achegada na mencionada data, inclúense as pertencentes aos montes veciñais en man común afectados que figuran no informe do Servizo de Montes da Coruña do 16.12.2025, ao que se fai referencia no antecedente de feito noveno.

Tendo en conta o previsto no artigo 44.3 da Lei 8/2009, do 22 de decembro, e especificamente no artigo 151 do Real decreto 1955/2000, do 1 de decembro, procede aceptar a desistencia presentada voluntariamente por Norvento, S.L. e, en consecuencia, non continuar co procedemento previsto no artigo 45 da Lei 8/2009. A aceptación desta desistencia voluntaria non implica, en ningún caso, unha comprobación da legalidade dos acordos, ao ser responsabilidade exclusiva da promotora o cumprimento dos requisitos legais aplicables a estes e, en particular, os requisitos exixibles aos actos de disposición que afecten os montes veciñais afectados.

Quinto. No que respecta á alegación recibida durante o trámite de información pública recollido no antecedente de feito oitavo, visto o seu contido, referente á titularidade dunha parcela afectada, e a resposta efectuada pola promotora, cómpre indicar que se tomou razón das manifestacións e documentos presentados pola persoa interesada, para os efectos da tramitación do eventual procedemento expropiador. Así mesmo, a promotora, en vista da documentación achegada pola persoa alegante, solicitou que se lle tivese como titular proposto adicional para a parcela afectada.

De acordo con todo o que antecede,

RESOLVO:

Primeiro. Declarar a utilidade pública, en concreto, da modificación do proxecto do parque eólico Olerón, sito nos concellos de Rois e Brión (A Coruña) e promovido por Norvento, S.L. (IN661A 2010/12), segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa do 16 de decembro de 1954 (BOE núm. 351, do 17 de decembro), en relación coas parcelas recollidas no Anexo desta Resolución.

Segundo. Esta resolución publicarase no Diario Oficial de Galicia, de acordo co establecido no artigo 148 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Contra esta resolución, que non pon fin á vía administrativa, poderase interpoñer recurso de alzada ante a conselleira de Medio Ambiente e Cambio Climático, no prazo dun mes contado a partir do día seguinte ao da súa notificación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 13 de febreiro de 2026

Paula Mª Uría Traba
Directora xeral de Enerxías Renovables e Cambio Climático

ANEXO

Relación de bens e dereitos afectados pola modificación do proxecto do parque eólico olerón

Núm. parc.	Titular proposto	Parcela						Afeccións (m2)
	Nome e apelidos	Datos catastrais				Lugar	Cult.	Pleno dominio					Servidume de paso			Serv. de voo	Serv. voo e vía	Serv. de voo e gabia	Serv. de voo, vía e gabia	Ocup. temp.
Ref. catastral		Conc.	Pol.	Parc.	Núm. aero			Cim.	Plat.	Sub.	T. met.	Vía	Gabia	Vía e gabia
11	Manuela Pérez Velles	15013A04201310	Brión	42	1310	Pedrazoas	Monte baixo			57			264
13	Concepción Pazos Patiño	15013A04201314	Brión	42	1314	Pedrazoas	Monte baixo						177
13	Esther Patiño Vázquez	15013A04201314	Brión	42	1314	Pedrazoas	Monte baixo						177
14	Daniel Sanmartín Diz	15013A04201316	Brión	42	1316	Pedrazoas	Monte baixo						111
14	Isabel Sanmartín Diz	15013A04201316	Brión	42	1316	Pedrazoas	Monte baixo						111
15	Daniel Sanmartín Diz	15013A04201316 15013A04302490 15013A04302491 15013A04209001	Brión	43	1316 2490 2491 9001	Pedrazoas	Monte baixo						87
15	Isabel Sanmartín Diz	15013A04201316 15013A04302490 15013A04302491 15013A04209001	Brión	43	1316 2490 2491 9001	Pedrazoas	Monte baixo						87
40	Descoñecido (Fiscal da Audiencia Provincial)	15013A04301207	Brión	43	1207	Grobo	Monte baixo						65							29
44	Castora Nieto Oro	15013A04301211	Brión	43	1211	Grobo	Monte baixo						15							37
44	Manuel Nieto Oro	15013A04301211	Brión	43	1211	Grobo	Monte baixo						15							37
44	Herdeiros de Eugenio Nieto Oro	15013A04301211	Brión	43	1211	Grobo	Monte baixo						15							37
44	Maruja Nieto Oro	15013A04301211	Brión	43	1211	Grobo	Monte baixo						15							37
44	Antonio Nieto Oro	15013A04301211	Brión	43	1211	Grobo	Monte baixo						15							37
44	Enrique Carlos Nieto González	15013A04301211	Brión	43	1211	Grobo	Monte baixo						15							37
45	Castora Nieto Oro	15013A04301212	Brión	43	1212	Grobo	Monte baixo						11							20
45	Manuel Nieto Oro	15013A04301212	Brión	43	1212	Grobo	Monte baixo						11							20
45	Herdeiros de Eugenio Nieto Oro	15013A04301212	Brión	43	1212	Grobo	Monte baixo						11							20
45	Maruja Nieto Oro	15013A04301212	Brión	43	1212	Grobo	Monte baixo						11							20
45	Antonio Nieto Oro	15013A04301212	Brión	43	1212	Grobo	Monte baixo						11							20
45	Enrique Carlos Nieto González	15013A04301212	Brión	43	1212	Grobo	Monte baixo						11							20
57	Mª Carmen Barbazán Ferreiro	15013A04301223	Brión	43	1223	Grobo	Monte baixo	OL05		293						66				78
57	Herdeiros de Josefa González Barbazán	15013A04301223	Brión	43	1223	Grobo	Monte baixo	OL05		293						66				78
57.A	Mª Carmen Barbazán Ferreiro	15013A04301224	Brión	43	1224	Grobo	Monte baixo	OL05		332						121				111
57.A	Herdeiros de Josefa González Barbazán	15013A04301224	Brión	43	1224	Grobo	Monte baixo	OL05		332						121				111
61	María Vilas Angueira	15013A04302395	Brión	43	2395	Folgueira de Arriba	Monte baixo						2			884
61	Manuel Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Benigno Garrido Vilas	15013A04302395	Brión	43	2395	Folgueira de Arriba	Monte baixo						2			884
61	José Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Esther Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Eugenio Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Mª Carmen Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Isabel Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Elena Garrido Vilas	15013A04302395	Brión	43	2395	Folgueira de Arriba	Monte baixo						2			884
61	Lourdes Garrido Vilas	15013A04302395	Brión	43	2395	Folgueira de Arriba	Monte baixo						2			884
62	Descoñecido (Fiscal da Audiencia Provincial)	15013A04302396	Brión	43	2396	Folgueira de Arriba	Monte baixo						3			333
63	Mª Carmen Barbazán Ferreiro	15013A04302397	Brión	43	2397	Folgueira de Arriba	Monte baixo						3			204
64	Descoñecido (Fiscal da Audiencia Provincial)	15013A04302398	Brión	43	2398	Folgueira de Arriba	Monte baixo						8			513
65	Descoñecido (Fiscal da Audiencia Provincial)	15013A04302399	Brión	43	2399	Folgueira de Arriba	Monte baixo						5			329
66	Descoñecido (Fiscal da Audiencia Provincial)	15013A04302400	Brión	43	2400	Folgueira de Arriba	Monte baixo						5			44
81	Salvador Arufe Rivas	15013A04302412	Brión	43	2412	Folgueira de Arriba	Monte baixo						45
82	Descoñecido (Fiscal da Audiencia Provincial)	15013A04302413	Brión	43	2413	Folgueira de Arriba	Monte baixo						9			96
83	Descoñecido (Fiscal da Audiencia Provincial)	15013A04302480	Brión	43	2480	Folgueira de Arriba	Monte baixo						6			195
85	Serafina Cardeso Guerra	15013A04302414	Brión	43	2414	Folgueira de Arriba	Monte baixo						11			424
86	Descoñecido (Fiscal da Audiencia Provincial)	15013A04302415	Brión	43	2415	Folgueira de Arriba	Monte baixo						41			1.942
87	Concepción Otero Pereira	15013A04302462	Brión	43	2462	Monte de Afora	Monte baixo						44			2.043				115
88	Salvador Arufe Rivas	15013A04302416	Brión	43	2416	Folgueira de Abaixo	Monte baixo	OL06		114			48			1.770				336
90	Descoñecido (Fiscal da Audiencia Provincial)	15013A04302418	Brión	43	2418	Folgueira de Abaixo	Monte baixo	OL06	135	152			23		4	551				164
93	Mª Carmen Mouriño Mouriño	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
93	Hipólito Mouriño Botana	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
93	Antonio Mouriño Mourelle	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
93	Adriana Ferreira Ferreira	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
93	Lucía Ferreira Ferreira	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
93	Montserrat Mouriño Mouriño	15013A04302421 15013A04302517	Brión	43	2421 2517	Folgueira de Abaixo	Monte baixo	OL06	35	356			18		1	518				98
107	Santiago Arufe Rivas	15013A04302425	Brión	43	2425	Folgueira	Monte baixo	OL06		2			86			381
110	Eduardo Baliña Mourelle	15013A04302436 15013A04302440	Brión	43	2436 2440	Soqueimada de Arriba	Monte baixo						62							624
111	Santiago Arufe Rivas	15013A04302441	Brión	43	2441	Ponte devesa	Monte baixo						14							50
113	Carmen Botana Framil	15013A04302445	Brión	43	2445	Monte aberto	Monte baixo						12		4
114	Descoñecido (Fiscal da Audiencia Provincial)	15013A04302446	Brión	43	2446	Monte aberto	Monte baixo						14		5
115	María Vilas Angueira	15013A04302447 15013A04302448	Brión	43	2447 2448	Monte aberto	Monte baixo						51		15
115	Manuel Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Benigno Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	José Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Esther Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Eugenio Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Mª Carmen Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Isabel Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Elena Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
115	Lourdes Garrido Vilas	15013A04302447 15013A04302448	Brión	43	2447 2448	Monte aberto	Monte baixo						51		15
116	Manuel Castro Pérez	15013A04302448	Brión	43	2448	Monte aberto	Monte baixo						4		2
116	Consuelo Castro Pérez	15013A04302448	Brión	43	2448	Monte aberto	Monte baixo						4		2
116	María Francisca Tojo Lago	15013A04302448	Brión	43	2448	Monte aberto	Monte baixo						4		2
116	Rosalía Viñas Tojo	15013A04302448	Brión	43	2448	Monte aberto	Monte baixo						4		2

– Superficie de pleno dominio:

• Núm. aero: número aeroxerador.

• Cim.: cimentación do aeroxerador, superficie de afección para a execución das cimentacións dos aeroxeradores.

• Plat.: plataforma, superficie de afección para a execución das plataformas dos aeroxeradores e da torre meteorolóxica.

• Sub: subestación, superficie de afección para a execución da subestación transformadora e do edificio de control.

• T. met.: torre meteorolóxica, superficie de afección para a execución da súa cimentación.

– Servidume de paso:

• Vía: servidume de paso polas vías polas que circularán os transportes para a construción, a conservación e a reparación das instalacións do parque eólico.

• Gabia: servidume de paso nas canalizacións do tendido eléctrico soterrado.

– Serv. de voo: servidume comprendida dentro do voo das pas de cada aeroxerador.

– Ocup. temp: ocupacións e actuacións temporais dos terreos para zona de amoreamento de materiais e compoñentes dos aeroxeradores, manobra de vehículos e instalación de casetas de obra.

– Inclúense os seguintes tipos de solapamentos entre servidumes:

• Serv. vía-gabia: abrangue aquelas zonas onde coinciden as afeccións de vía-gabia.

• Serv. voo-vía: abrangue aquelas zonas onde coinciden as afeccións de servidume do voo e vía.

• Serv. voo-gabia: abrangue aquelas zonas onde coinciden as afeccións de servidume do voo e gabia.

• Serv. voo-vía-gabia: abrangue aquelas zonas onde coinciden as tres afeccións, servidume do voo-vía-gabia.