En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que, mediante a Resolución do 24 de febreiro de 2026, se outorga un permiso de actividade para a posta en funcionamento do establecemento de acuicultura en zona terrestre que a seguir se describe:

Titular do permiso de actividade: Consellería do Mar (S-1511001-H).

Prazo de outorgamento: dez (10) anos, prorrogables por iguais períodos, con carácter indefinido.

Tipo de establecemento: criadeiro.

Localización: porto do Vicedo, concello do Vicedo (Lugo).

Especies autorizadas: ameixa babosa (Venerupis corrugata), ameixa fina (Ruditapes decussatus), ameixa xaponesa (Ruditapes philippinarum), ostra plana europea (Ostrea edulis), ostra rizada (Magallana gigas), berberecho (Cerastoderma edule), cadelucha (Donax trunculus), navalla (Ensis ensis) e longueirón (Ensis siliqua).

Santiago de Compostela, 25 de febreiro de 2026

Isaac Miguel Rosón Sánchez-Brunete
Director xeral de Pesca, Acuicultura e Innovación Tecnolóxica