A sociedade cooperativa galega titular do centro privado (CPR) Luis Vives, de Pontedeume, denominada Colegio Luis Vives de Pontedeume, Sociedad Cooperativa Gallega, transfórmase en sociedade de responsabilidade limitada coa denominación de Colegio LV Pontedeume, S.L., conforme consta na escritura pública notarial do 5 de setembro de 2025.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Artigo 1. Modificación da autorización
Modificar a autorización do CPR Luis Vives, de Pontedeume, pola transformación da súa titularidade en sociedade de responsabilidade limitada denominada Colegio LV Pontedeume, S.L.
A modificación da titularidade non afectará o réxime de funcionamento do centro.
Artigo 2. Inscrición no Rexistro de Centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Disposición derradeira primeira. Recursos
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 10 de marzo de 2026
Román Rodríguez González
Conselleiro de Educación, Ciencia, Universidades
e Formación Profesional